Assyrian Forums
 Home  |  Ads  |  Partners  |  Sponsors  |  Contact  |  FAQs  |  About  
 
   Holocaust  |  History  |  Library  |  People  |  TV-Radio  |  Forums  |  Community  |  Directory
  
   General  |  Activism  |  Arts  |  Education  |  Family  |  Financial  |  Government  |  Health  |  History  |  News  |  Religion  |  Science  |  Sports
   Greetings · Shläma · Bärev Dzez · Säludos · Grüße · Shälom · Χαιρετισμοί · Приветствия · 问候 · Bonjour · 挨拶 · تبریکات  · Selamlar · अभिवादन · Groete · التّحيّات

Turkish politics and their effects on our people (Surayt)

    Previous Topic Next Topic
Home Forums Government Topic #149
Help Print Share

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

Turkish politics and their effects on our people (Surayt)

Mar-05-2013 at 11:07 PM (UTC+3 Nineveh, Assyria)

Turkish politics and their effects on our people (Surayt)

Alert   IP Print   Edit        Reply      Re-Quote Top

 
Forums Topics  Previous Topic Next Topic

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

1. Turkish politics and their effects on our people (Surayt) Part 1

Mar-05-2013 at 11:10 PM (UTC+3 Nineveh, Assyria)

In reply to message #0
 
1

Aẖnone w Aẖwoṯo,

I masalaṯe d Egemen Baǧiş, bu tarix latyo lo qamayto w lo ẖarayto…
Šato 1971 b Mëḏyaḏ i naqla d hawyowa i ẖadisa di kalo Bë-Dënye, mahzamla aṯyo l Mëḏyaḏ, bdele bayn l Mëḏyaḏ w li ţayuṯo hawa d ẖërobo.

Kmo d lalye, hawi hjomo cal Mëḏyaḏ. I naqla d aṯën ah hajome li Šawṯo Clayto, mi xaşra d Mor Abrohom naẖëtiwo hul qëm u Gubo di Ḫaqlo. Më ţamo aṯën lab bote Bë-Xalaf, Bë Babo w lu bayto du cammo Sëlo Bë-Yoqën.

Maẖësse aclayye w qayëmënne an noše Bë-Xale Laẖdo u kafroyo: Cisa, Gorgiso w Ḫanne. Mu bayto d ẖolo Caziz Bë-Ascad u Gabro, u Šabo, u ẖolo Caziz, mëb Xalaf, mëb Babo… kulle msalẖe.

U cammo Sëlo Bë-Yoqën az zarţat diḏe mëšmëciwo cal d këtwe lalyo. B kurmanji sëmwole ruẖe u şëwari di Cayšo, di Faţëmke, di Xajjoke w di Aminka. Ëzzewo w uṯewo aclayye lašan d ţowër i manṯo du hajomo ţayo. W du šrolo ste ţwërowa w jrëẖwo ẖa mënayye. Hano bëṯër mayëṯwo.

U pilan pilan di dawlewe, lë najiẖo buwwe caşiwo biyye. B cayni šabṯo aṯiwo u qaymaqam l Mëḏyaḏ, yatëwwo cam ar rabe bë knëšyo. Bëṯër mu knëšyo nafëqwo xori Nëcman omër: Lu qaymaqam mërlelan: Hatu harke dayfe hatu, u medano klozëm hawxa d uḏcitulle! U dayfo lë kowe d doyëš bas sëfoqe di dayfuṯo!

W azzewo.

Aẖnone w Aẖwoṯo,

I dawle d Kamalo, bu zabno di jëmhuriye kule b cayno d dëžmën ẖërla baẖna, hano adyawma ste cayniyo, lë mǧayër w lë kmiǧayër! Hano hawxa kobëc kulan d uḏcinale. L goran d hawxa ste klozëm d huwelan klayto w siyase.

I naqla d këṯwina buyone ste xabre d këtte calaqa cam nsaniye xëd ”myaqro, cazizo, ẖawro, aẖuno,…” lani lë mëstacmëlina. La´an hani mawxa xabre lë kfëhmi w lë këbci d fëhmi.

Kẖuzetu u zlam waziroyo bas bas sëfoqayḏe kmëžǧël, la´an hënne i siyase hawxa kšuralla w dlo bu qaţlo.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

2. Turkish politics and their effects on our people (Surayt) Part 2

Mar-05-2013 at 11:14 PM (UTC+3 Nineveh, Assyria)

In reply to message #0
 
2

Aẖnone w Aẖwoṯo,

Mërwoli cal i masalaṯe d Egemen Baǧiş, latyo lo qamayto w lo ẖarayto bu tarix …

Šato 1978. Bülent Ecevit rišo d wazire, b riše di ẖkumewe, u gabayḏe umarwo cal ruẖa naqlat sosyal-demoqraţ w naqlat ste bu falgo du semolo (Ortanin Solu).

Bu zabnano ha-ha aş şëroye këmhajri mu Ţuro l Awruppa. B Awruppa ste, kul yawmo bu ţboco w froso nëfaqwo kṯawyoṯo cal u ḏëlëm d huwewo aclayye.
B ẖa may yawme bi dawle d Kamalo nafëq bu ţboco w froso ”Bad dayre daş şëroye kmitaqëm tarorist armënoye!” I dawle maẖëtwola quma gëd şuxrowa at tarte dayre.

Naqla ẖreto b Awruppa qayëminawo ba protastowat w bah halxe mqabël di dawle d Kamalo. Manfacwole w lë qadiri d şuxrënne. Bas maklewolën u ylofo lan nacime.

Muhim… hawiwo hawxa naqla ẖreto. Man mënayna koṯe l bole? Ucdo maḏco latli! Kubac hatu ste d huwetu b dukṯi mjawbone cal hawxa.

Bas b dukṯa kubac d ducarno lu sabab tarixi …

U mede d sëmla w d masëmla li cito abadan latlan lo maḏco, lo bcoţo w lo qrayto acle… Siyasi mën d huwlalan ste karëx bu admo d gëšman, w aṯi hul l adyawma acmayna.

Cëjbo kẖuzena, qay lawilan bu tarix ẖarake siyasiye? W qay lawilan maḏco cal aẖna manna w man latna? W qay lë qadërina d kulena cal i raǧlo mqabël daḏ ḏalome?

Kulan kuḏcina hani latne mëdone hawxa başit! Du šrolo, hani kulle fayiši w hawën ţabu sidayna.

Hani man ǧer mënayna, klozëm d mëžǧelën? Kit nošo? Haka kit, knuţarno d ëmmitunne!...

I naqla d kowe maciquṯo cadeyo u kuhno kdoce lu moro w komër ”Tox laf a mhayëmnayḏox…”

Harke i cito b maḏco mǧayarla u mamrano w sëmle ”Tox laf a grecayḏox...” W hawxa mawlaflalanyo w hawina grece lu aǧa, lu caskar w l kul ẖa d këtyo rišo bayn da 30 bu Madënẖo kule.

Han naqla harke kẖuzetu bas u morano di arco ste d qurelan, rahoţe dlo takkël-makkël kuṯena l qëm raǧle, knuţrina mene d ubelan širat laẖ ẖaye d këtlan qumayna.

I masale d Egemen Baǧiš hawxa kẖuzena, la´an këtle b iḏe pilan aṯoyo, hano bi quwwe du zor gëd samle. Kulan ste gëd ëmminale ”Amin w barëxmor!”

Mënyo u pilan?

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

3. Turkish politics and their effects on our people (Surayt) Part 3

Mar-05-2013 at 11:17 PM (UTC+3 Nineveh, Assyria)

In reply to message #0
 
3

Aẖnone w Aẖwoṯo,

I masale d Egemen Baǧiş masale ǧalabe rabṯoyo ha!.. Hawxa b cayno nacëmto lë ẖayritu biyya!...

Bu tarix komo d këtlan hawi hawxa ǧalabe ẖadisat, w i dawle d Kamalo najiẖo bënne …

Yacni ucdo ste naqla ẖreto d nëjẖo latyo hawxa mede cëjbo!...

Mënyo u pilan d këtla li dawle d Kamalo?

Hul lu yawmo du qarar du Sayfo bu parlamento bu Swed, i dawle d Kamalo b jëddiye lë mqarawla d saymo mede. I naqla d nafëq u qarar, ẖzela tahlika ”mëṯto” kmitaqimo më ẖaṯo acla. Xayifo fayito li ẖarake…

Më lawǧël bdalle dë mfaytëẖi kulan, ẖa bëṯër mu ẖreno. B darǧo d wazire aṯën l kul dëkṯo. Msëkke lu rabo w lu nacimo. Ucdo aẖ ẖawle w ac cëqëlyoṯo d kit kulle, hëwilan li dawle d Kamalo.

Sëmla pilan. Malaxla acle.

”Han naqla gëd mëẖenalle i ḏarbo ẖarayto du tarix!”

Qamayto, huwwe Mor Gabriyel li maẖkame. Bi ẖarayto dlo takkël-makkël maẖëtte b ëšme du qanun fašisti d këtte iḏo acla. Man mënayna mërle ”Qay hawxa sëmlëx warëx!” W lo nošo! Maxsalle kulan!

Da tre, këtwolan arkeolog Malke b Ḫësën-Manşur (Adiyaman), czëmme lak konferanse… Azze, maẖkele w hay maẖkele. Maṯbatle b ëšme du yëlfono du arkeologi aẖna mën grece kayisena, w mayko u şayodo kibe d şadlan bi tfënge d iḏe. Hulelën maḏco hul dë dwëşşe. W yatëw cal danwe.

Da tloṯo, cal u darbo dam mërdënoye b Mërde w bë Sţanbul, msëkke i Dayro du Zacfaran ste. Ab bezrav mërdonoye simi gawre cal i dayro w cal aţ ţuroye. Ţacën Mẖammad Gabušo mën sëmle bënne w ban nišaṯṯe.

I pilan di dawle d Kamalo šafiro malaxle. Han naqla bdele lu şaţro da tre du pilan: Awruppa.

Am muxbërjiye bu Swed, b Almanya, b Balčiqa b Hollanda, bë Swisra, b Awusţurya,… cwëdde ǧalabe kayiso. Huwwe raporat, xbariyat, mëketëb, ëšmone d noše,…

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

4. Turkish politics and their effects on our people (Surayt) Part 4

Mar-05-2013 at 11:19 PM (UTC+3 Nineveh, Assyria)

In reply to message #0
 
4

I masale d Egemen Baǧiş, b cayno cwërto lë kowe d ẖayritu biyya!... Xëd këmmi ab Bacṯikat diḏan ”Masale tamam w tamamyo…!”

U zlamano më Sëcërt´yo. Ëšme du babo Cabdalla w ëšme di emo Gule. Heeeeee he! Hay gidi Sayfo? Heš mën ţrelox dlo maḏco laẖna!

Tarëq Caziz ste, i cayle bu aşël më Sëcërt´wa. Bu Sayfo naẖiti lu Cëraq. Ëšme Ḫanna´we maqlabwole l Caziz.

Heš gëd yëlfina ǧalabe mëdone!..

Mi naqqa d nafëq u qarar du Sayfo bu parlamento bu Swed, yatiwo i dawle bdela kmëftakro, mën saymono? Bu Sayfo ẖšëwlan tayimi bas këlle lë tayimi!... Tawu ducrina lu rišo…

Hani Alo meqëm këtwolle faţëryarxo, ucdo hano ayko kowe? Ma lo harkewën meqëm?!

Hawxa bdele lu pilan.

Gëd manţena i faţëryarxuṯo! I naqla d Lozan ste hawxawa. Ţrelan u faţëryarxo më Mërde dë mšayëc maktub lu mëjlës b Lozan w tayëmowa i masale. Tawulle naqla ẖreto?!

Hawxa bu mamro lë kowe? Kobëc d ẖayşiţu acle b mede,.. lašan d oṯe l qëm raǧlayna!...

Qrawulle ţroṯe d ẖuzena bi masale d Mor Gabriyel huwwe mën kmëftakër? Gëd ëmminale ”b carabi bazar… šamëc këlle šamëc, lë šamëc ste këtlan pilan B”.

U pilan rsim, mbawëb, kul waziro mën gëd soyëm kule driš. Han naqla marfawu ag grece ţër nuqli zawlo, ţër duwri, ţër luqţi,… hul lu qayţo. U ẖşodo du zad ste aclayyeyo ha!... I gerac, u ḏëroyo.. bëṯër, bëṯër!

Faţëryarxo Zakka azoloyo, marulle l Filiksinos Usëve Be-Sacdoye Gule (Karborani) gëd sayminalox b dukṯe, mën këmmitu? Alo gëd mẖalëq taqla acla!

De yalla malezu!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

5. Turkish politics and their effects on our people (Surayt) Part 5

Mar-12-2013 at 10:59 AM (UTC+3 Nineveh, Assyria)

In reply to message #0
 
”Metropolit Filüksinos Yusuf Çetin de AK Parti hükümetini övdü ve 11 yıllık icraatlarından çok memnun olduklarını söyledi.

Türkiye'deki ve dünyadaki Süryanilerin, Türkiye'nin AB'ye girmesi için çaba harcadıklarını ve dua ettiklerini ifade eden Çetin, "Ülkemizin birlik ve beraberliğini istiyoruz" diye konuştu…..”

Kaynak : http://www.haber3.com/basbakan-yardimcisi-arinc-almanyada-arinc,-berlin-suryani-cemaatini-ziya-haberi-1823358h.htm#ixzz2MlqAZgLa

I kṯawto d lalcël, ax xabre d komër Filiksinos Usëve Be-Sacdoye Gule (Karborani), ma këmmitu bu tarix di cito hani ẖaṯene? Aw lo?

Kito maṯlo bu şurayt komër hawxa: Man d gowër cam emi, hawo kowe babi!
I cito bu tarixayḏa, dayëm hawxa xaţ siyasi fašist hawila. Cël mawxa hawën u droco yarixo aw du šrolo u Droco daẖ Ḫamšo b gawe du camo.

Bi šato du Sayfo bi cito dayëm mtaqëm şluṯo lašan d qëmro u ẖarb mqabël du dëžmën d larwal w d lawǧël.

Haṯe lë baswo, b ëšme di cito fris ”Manšurat”, bënne miţamërwo: Kul ẖa Yacquboyo dlë mcawën i dawle ṯaniye, gëd qaṯle ẖërmo w mëţrëḏ mi cito…”
Kuhne lë maqballe, aṯën mqabël, hani qrën li Dayro du Zacfaran. Tamo griši li falaqa, mcaḏbi. Ţriḏi mi cito. Hani hën hawën katolik w hën hawën pruţ.

Hawxa mdabrone fašist këtwo b riše di cito. Hani nošo mënayna ”Qozzëlqort!” lë mërlelën. Nšëqlan iḏayye, nšëqlan raǧlayye w bayn raǧlayye, nšëqlan i bëšto sëmëqto w këmto, mcamaḏlan, maşlawlan w mbaraxlan qëm iḏayye.

Mu taṯir dam Manšurat, b kul dëkṯo, ah hadome w ak kuhne cwëdde cam am macmur qaţole. Maṯle kito ǧalabe, harke gëd ubenolxu ẖa mënayye, komër hawxa: ”… Diyarbakır´ın merkezinde o zaman 53 bin Ermeni yaşıyormuş. Bunların % 93´ünü öldürüyorlar. Kasabalarda da bir dolu insan var, onlarda öldürülüyor feci şekilde. Yani öyle sade öldürmek deǧil, bin bir türlü acıyla, işkenceyle… Ben bu yüzden Kürtçe öǧrenmeyi reddettim mesela. Annem de, babam da Kürtçe bilirdi ama ben o zulmü öǧrenince kabul edemedim bunu. Süryanilerle de hep mesafeli olduk. Çünkü onların bazı papazları Soykırım zamanında bizim evlerimizi gösterdiler, biz bunu biliyoruz. Tabii, bir milleti böyle yargılamak yanlış ama Diyarbakırlı olunca ve geçmişi öǧrenince insan çok objektif bakamıyor. Yani, bir insanın bir insana bu kadar ızdırap çektirmesinin altında ne var, nasıl bir şey var? …”

Nëbco: Balancar, Ferda (Derleyen), Sessizliǧin Sesi II, Diyarbakırlı Ermeniler Konuşuyor, Hrant Dink Vakfı Yayınları, Aralık 2012, İstanbul, s. 171-172.


Mdawmina.

Aẖnone w Aẖwoṯo,

Bu zabno di jëmhuriye ste cayni siyase fašiste li cito mdawmola b Suriya, b Tërkiya, bu Cëraq, bu Iran, b Lëbnan, bu Urdën, b Mëşër w b Awruppa.

Aẖna an noše d aṯina li ẖiruṯo d Awruppa mën sëmlan? Mën sëmlan?! Mdawamlan bu nšoqo d iḏayye, raǧlayye w bayn raǧlayye, i bëšto sëmëqto w këmto, mcamaḏlan, maşlawlan w mbaraxlan...

Eeee w bëṯër?! Bac bëṯër ste d huwetulli, hatu w aẖ ẖaḏire saǧ!

De han naqla hatu şafawulla!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

6. Turkish politics and their effects on our people (Surayt) Part 6

Mar-12-2013 at 11:03 AM (UTC+3 Nineveh, Assyria)

In reply to message #0
 
6

Aẖe w Aẖwoṯo,

I dawle d Kamalo mẖaḏarlala zurba d noše şëroye w tërk cam ẖḏoḏe. Hani bi šabṯo di qalbe, aṯoyene lu fiytoẖo dë Stockholm. Cal as sësye aṯoyene, acmayye ste këtte ţacno, hawxa ëšmo d hadiye nacëmto lan nacime,... ẖţiṯo!?
Kubac d ducarno ëšmo bu zabno la-xalf.

Šato 1980, ay yatume fašist d Kamal, bu rišaṯṯe Kënco Awran, msëkke bi zoriye lu ẖëkëm. Sëmme ḏëlëm dlë kmitaẖke acle, xëd komër u maṯlo ”msëkke u talilo w u našifo”. Cël më mëlyon d noše msëkwo, han naqla ţrawu aq qţile, a mḏayce w hani d tayihi harke w tamo.

Zabno du Ḫarb Qayiro´we. B ẖaşe di dawle d Kamalo këtwo Amarika w u NATO. ”Hawar! Hawar!” da ẖbësoye mëţewo li šmayo.

I ẖalaṯe lë caryowa b gawe das sosyal-demoqraţ bu Swed. Bu rišo Olof Palme, maẖëtwolle ţalabe w šarţat siyasiye ǧalabe yaqure lašan d misëm ẖad siyasi mqabël di dawle d Kamalo.

Hawxa zabno më 3-6 yarẖe bu Parlamento d Awruppa mahlakwolle i caskar fašist d aṯyowa bu zor lu rišo.

I dawle d Kamalo këtla tajrube yarëxto be aydarbo kiba mašliyo an awruppawiye. Heš mu zabno daš šëlţone hawxa yalëftoyo. Mẖaḏarlala pilan. Pilan faṯyo w yarixo.

Hawxa aṯiwo naqla ẖreto hayye mfaytaẖwola Stockholm. I hayye mqadamwola d saymo matro (ţrëmbala) b Canqara li šërke d ABB bë 2 milyare kron.

Hawxa šalyowa u Swed bi masale d qayëmowa biyya bu Parlamento d Awruppa.

Ucdo naqla ẖreto hawxa iẖale rabṯo aṯaytoyo. Haṯe Cabdalla Gül bëḏḏat b iḏe gëd mqadamla lu malko. La´an u maṯyayḏe lu Swed xëd rišo d jëmhuriye hano kmadël.

I masale du Sayfo ǧalabe kmazico. Bëṯër mu Swed dawle ẖreto d maydo hawxa qarar, i siyase d hul ucdo d qaḏyo bu rëqoco dad dugle gëd nëfqo li ẖolo.

Arbco priţe şëroyene gidi, šqëlle i afaţiyayḏan! Aloh maxsalle šëkonayna! Cal foṯayye mẖalaqlan Yusuf Hallaçoǧlu, lë manfacle. Sëmlan maşa b TTK, maẖëtlan Bülent Özdemir b riša, heš mede, lë qadër d soyëm.

Haw kiban nuţrina! Gëd ëzzan mẖalqina ruẖayna qëm raǧloṯo di ẖkume swediye, gëd ëbenalle mede, balki lë maydi ste, d ẖuzena...

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

7. Turkish politics and their effects on our people (Surayt) Part 7

Mar-12-2013 at 11:30 AM (UTC+3 Nineveh, Assyria)

In reply to message #0
 
7

Šato 2003, b Uppsala

Malfone du jimnasyum czëmme ay yaḏoce d oṯën d obi maḏco cal u Sayfo. Abici d uḏci Sayfo mënyo? Qay hawi? Hal šroloyo d hawi hawxa mede?!

Prof. David Gaunt czimowe. Ǧer mene këtwo profesor ẖreno, hawo ste yaḏocowe cal u Sayfo dan armënoye.

Czëmwo nošo mi xaşra di dawle d Kamalo ste. Aṯiwo ẖa më TTK ëšme Ömer Turan, u zlam latwe tërk ste, čarkazwe bas umarwo cal ruẖe ”tërk”, acme këtwole ẖa diplomat tërk ëšme Jang (Cenk).

Hawxa bu tarix l awwël naqla i masale du Sayfo ţiqo cal i dawle d Kamalo. Latwa cal bolo! Tiqo w më hawir dor bdele d mëkṯëw. I gazeta d Hürriyet bdela bi qamayto bi propoganda dad dugle. Hjim më kul xaşra acla w hawxa nafëq xabro d Sayfo li adro di siyase bu cëlmo.

“Sayfo için mastürbasyon ancak yapabilirsiniz... Faşist köpek! Mastürbasyonu anana yap…”
Lë mawraxnola, Ömer Turan mbahdël. I naqla d nafëqina l larwal bëṯrayye d mëžǧëlina acmayye, naqla ẖreto hano u diplomat Cenk mërlewolan ”Sayfo için mastürbasyon ancak yapabilirsiniz”. Hajëminawo acle bax xabre d ”Faşist köpek! Mastürbasyonu anana yap…”

Lë kalina, malaxlan bu cwodo du Sayfo w hawxa nafëq li ẖolo. Ucdo u xabro du Sayfo cabër li xëzne di siyase b macna d ”qaţlo d camo” w yatëw tamo.

Ucdo cël mi adro di siyase i masale daş şëroye madënẖoye w macërboyo b xabro d Sayfo kminaqšo. Mvaycewan, maẖwelan w nafëqina li ẖolo. Bu darbano huwlan w hawilan qale, bas u darbo heš yarixoyo, lë tayëm w lë kowe d ţurena d toyëm. Hano b iḏaynayo, i naqla d kurxina cal ẖaq w cal u ẖaq d mo-alfowat suhḏe d huwlan... Hani maštalle i arcayḏan Beṯ-Nahrin lašan aẖna d yucena w qaymina lu ţlobo du ẖaq d këtlan…

Zabno yarixo, maltamli maş şëroye maḏco, hëš kmaltamno w klozëm hatu ste be ayko hatu maltemu, u sabab, heš kit ǧalabe mëdone dlë kuḏcinalle. Maltemunne lašan aẖna w ǧer mënayna d uḏci mën hawiban!

Ḫa man nošani d sëmwoli qëbolo acme kowe u cammo Rësqo Bë-Gawwo-Afrëm / Bë-Bašše, më Mëḏyaḏ cam af fëdawiye xalëşwo l Ciwardo. W hawxa maẖkele:

“… I naqqa ak kurmanj dë hjëmme li dërto d Mor Ḫëššabo, acmayye këtwolle šambar yaroqo di ţayuṯo. Maţën l Mor Ḫëššabo, w ay yasire yasëttar! Zig zig dëṯṯe bi dërto d Mor Ḫëššabo… Qayëm aṯi u Mascud, Aloho mẖasele! Marfele qole w mërle:

Bašël babe mëḏyoye!
Bašël babe mzizaxiye!
Bašël babe ciwarnoye!
Bašël babe ţuroye!

Hay hawaryo qumu, hjamu!
Kloyo layt! Li rağlo qumu!
Dlo kloyo, niše mhalhelu!
Dlo kloyo, gawre mẖawu!

Bak kefe, alxune mẖawu!
B qarce du kurmanj mẖawu!
Ţwaru u kurmanj, ţwarulle!
I malkuṯo aṯyo lu tarco du bayto!

Bëṯër mu mamrano, aş şëroye hjëmme më kul xaşra. Mẖawaţte ak kurmanj….”

Nëbco: Beṯ-Şawoce, Jan, Sayfo b Ţurcabdin 1914.15, 1, Beṯ-Froso Nsibin, Södertälje 2006.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

8. Turkish politics and their effects on our people (Surayt) Part 8

Mar-12-2013 at 11:37 AM (UTC+3 Nineveh, Assyria)

In reply to message #0
 
8

I dawle d Kamalo, u asas diḏa qimoyo cal tre mëdone. Ḫa mënayye ad ”dugle” w u ẖreno ste u ”admo”yo.

Lawǧël bi dawle u ”doqtrin” i dawle dë kqaymo acle dayëm ad dugle hawi. Bad dugle mašëǧǧe dayëm u meẖo di caskar, du polis, du mamur,… cal iḏe di tarbiya du kṯowo du Kačal. La´an u asas më tamoyo mido.

Ḫa man asasat dad dugle kowe: I arcaṯe më Abul-jëd diḏan dat tërkyo. Ǧer mat tërk kulle ẖaṯe aṯën larke. Hiw dars, yëlfono w sim kṯowe cal hawxa. Mqabël cwodo lawi, hani zrici bu meẖo d jil bëṯër më jil.

Da tre, manyo camo bu aşël, hano sëmme dëžmën bi arco w dëžmën bi šmayo. Mawxa u qaţlo dac camani dayëm hawi ẖalal! Hul ucdo ste hano ẖalalyo aclayye.

Macwadde kul ale, mu jemëc w hul li dargëšto, w hano hawi mede ţabici gabayye zric ho bu admo sidayye.

I masale du Sayfo

I dawle d Kamalo, abadan Sayfo d şëroye latwe cal bola d nofëq li ẖolo. U sabab, bu tarix di jëmhuriye kule, aş şëroye dayëm qaqwono bu kisowën gabayye. An noše d azzën l larwal ste lbiki bu dard du laẖmo, u ẖa d ramëš ste li cito mjazela. Hawxa i masale du Sayfo fayišo hul lan ëšne ẖaroyani.

I qale du Sayfo, bayn lan armënoye w li dawle d Kamalo hul l ucdo malxowa xëd qale dë tre, ẖa mẖele w ẖa madcarle. Bëṯër malwašše b ”xiyene” më la-xalf an armënoye cam ar ruş mẖalle w qţëlle kul ţayo!... Ḫarbwe, bac mfarjone layban fayšinawo, dawlewan maklallan. Kul dawle hawxa gëd saymowa b dukṯayna …

I naqla d nafëq u Sayfo daş şëroye li ẖolo ap pilane di dawle d Kamalo mu qurmo mẖën. Manfaqlan dokumane bu tërki, bu oşmanli, bu şurayt, bu carabi, bu farësi, bu ingilizi, bu faransawi,… li ẖolo.

Haṯe lë baswa, qadërina b caqël d maşrinala cam an armënoye, cam ap ponţusoye, cam ač čalkoye, cam i masale dak kurmanj… Haṯeyo dë mfarfaţla i dawle, w ţrela d fayto xayifo li ẖarake.

Kito maṯlo gabayna komër hawxa: Yabo i tlawco ebanyo, eban!...

Bay yawmoṯo du Sayfo, i dawle, naqla ẖreto këtwola cayn xëd adyawma Droco d Ḫamšo b gawayna. U markaz diḏe ste i citowe.

I cito b ǧalabe dëkoṯo d këtwo şëroye, lë ţrela d mëski silaẖ mqabël di dawle. Adyawma këtlan maḏco w dokumane cal hawxa.

B Omid kit cël më 100 alfo şëroye, këbci d mëski silaẖ b iḏayye lašan dlë mëqţoli, i cito lë kţëryo. B urhoy hawxa, b Ḫësën-Manşur hawxa, bë Gziro hawxa, b Mërde, b Mëḏyaḏ, … Mawxa hawi qaţlo rabo.

Harke u dezinformasyon di dawle asaswe. Më lawǧël qadiri d fëlǧilan w hedi ǧalabe başit b kul dëkṯo qţëlina w tayëhina.

Ucdo, naqla ẖreto cayni mede kkorëx. Aǧ ǧazetat rabe Sabaẖ, Ḫürriyet, Zaman, Šafaq,… kulle b dugle këmbarbëzi dezinformasyon lašan d maḏcëfi i manṯo d kito gabayna.

Aẖe w Aẖwoṯo,

Šroloyo, sahmo rabo mënayna apolitikna. Maḏco di siyase gabayna nëquştoyo, nëfuẖo nacimo, këmbarbazlan… Bac d qoyëm calcolo aclayna, mën gëd howe?

Bu ţboco-froso di dawle d Kamalo mën dë knofëq, nëquşo këwele ”ẖaqiqa”. Xëd mërli bu rišo, u asas d këtte qimoyo cal i duglo. Hawën stedin kayise bi dëglo.

Kuḏci ǧalabe kayiso kulan heš kiban qurena u lišono di Zubayda w hano kibe dë m´aṯër w këm´aṯër aclayna.

Abadan lë quncina li siyase ẖaṯto d Cabdël-Ḫamid: Flaǧ w dabër!

Yawme d arbco, gëd huwena kulan qëm du parlamento, bu bayto lë fayšitu!
Gëd mëfqina ad dugle li ẖolo!

Hawu moral lë ẖḏoḏe w toxu!

I dawle fašistaṯe klozëm d mëẖena ẖaşe di siyase d këtla bi arco.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

9. Turkish politics and their effects on our people (Surayt) Part 9

Mar-12-2013 at 11:42 AM (UTC+3 Nineveh, Assyria)

In reply to message #0
 
9

Ba tre yawme ẖaroyani u calcolo d qayëm, madrele u šarwolo d Egemen Baǧiš bayn d raǧloṯe. Kmaẖwe griši aḏnoṯe, xu zoǧo haw kqore. Ţafi! Haka Cabdalla mu Swed dacër xalyo, kumarno qay gëd maẖti u qëduro b iḏe d Egemen Baǧiš. Gëd nuţrina w ẖuzena.

Aẖnone,

U cwodayḏan, u halxayḏan, i qalayḏan, i dacwayḏan këmdawmo! Šak latlan, mawxa dlo aţlahiye gëd mdawmina bu darbayḏan.

At tarte mgale rabe bu Swed b Canqara sëmme qëbolo yarixo cam Cabdalla Gül. Aǧ ǧaztajiye d Dagens Nyheter (DN, 9 oḏër 2013, yawme d šabṯo, f. 8-9) mšayalle:

  • Gëd huwelox mamro bu majlës du Swed. Cayni parlamento bi šato da 2010, mnaqewole w maẖëtle xëtmo cal u qaţlo dan armënoye ban 1915 qaţlo d camo. Hano hawi sabab l red-fëcël qawyo më Tërkiya. Mën hawi bëṯër, w ucdo qay ẖaḏiro hat d nëfqët bu mëjlës du Swed?

Cabdalla Gül mjawable

  • Ţrayli qamayto d maḏkarno i ẖkume du Swed abadan lë mcaqabla i masale du intixabano du mëjlës. Hano u muhim d kulle.

Bu zabno du intixabano mëštacele ǧalabe doranat mšakle di propoganda lawǧël. Haṯe ţrela taṯir cal an noše.

I ǧazeta d Södertälje ste adyawma (11 oḏër 2013) këtwola kṯawto, sahmo mena hawxawe:

Bay yawme d qumayna u Ḫuyoḏo d syrianska gëd huwele ǧalabe ytawyoṯo, baynoṯayye cam u rišo di jëmhuriye.

  • Këbcina d maydina li fërşaṯe w mqadmina aš šëwole muhim d këtle lu camayḏan b Tërkiya. Maṯlo sţatus d qalëlto, tëwlifo d lišono w i masale di dayro d Mor Gabriyel, mërle l Gabriyel Bozyel.

Bëṯër ma kṯawyoṯo d nafëq adyawma bu ţboco-froso, maẖwele d kit tarte jabhat b gawe du camayḏan. Jabha këmqarwo li dawle d Kamalo w jabha b foṯe di dawle d Kamalo.

Ramẖël gëd mdawmina bu xer w bu šar d kit b gawayna.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

10. Turkish politics and their effects on our people (Surayt) Part 10

Mar-17-2013 at 03:11 AM (UTC+3 Nineveh, Assyria)

In reply to message #0
 
10

Nacimewan ar rabe yëtwiwo ẖa mënayye umarwolan ”Toxu nacime gëd maẖkenolxun ẖkeye… šmacu!” Yëtwinawo w šëmcinawo li ẖkeye mu rišo w hul li ẖarayto. Mëfşëẖinawo w hedi qayminawo lag gale lu dmoxo.

Ëno ste harke ubacnowo hawxa ẖkeye d maẖkenolxun… Han naqla šamoce ”kit layt!?” maḏco latli!

Nacimewan i ẖkeye du ”qaǧo w qëlëngo” ǧalabe mi taẖkiyowa. Han naqla ar rabe zëd man nacime šëmciwola. U sabab, bi ẖkeye kkorëx xiyene ǧalabe. Më xaşra u qaǧo w mi ẖreto ste u qëlëngo. Ḫa samwo faẖo lu ẖreno.

Bas harke gëd maẖkenolxun cal i ẖkeye du qaqwono, balki kayis gëd oṯe lu bolo i ”xiyene” bu tarix dac came diše, mëqqa dawro pis këtla.

B Mëḏyaḏ w bu Ţuro këtwo ǧalabe şayode. Hani şaydiwo kul ẖaywan taclo, arnuwo, ǧëzale, ţayre,… bu ţuro. Amţanwonne lu bayto w uxliwonne.

Bas d uṯewo u rabëc, šuẖnowa briṯo. Bu Ţuro aẖ ẖiyewën bëdyowa i ẖubaṯṯe. Gawro kkorëx cal aṯto w aṯto kkurxo cal gawro. Hënne ste hawxa xëd an noše zaydiwo bu ţuro.

Bu rabëc i qaqwënto i naqla d yëtwo cal ab bece, lë kqaymo hul d lowën af farxe. Kyutwo w kšayfulle. Zabno yarixoyo, i ẖubo d këtla kţëfyo, kmëlboko bas bu qeno d ruẖa.

Aq qaqwone kfayši dlo qaqwënyoṯo kmidaywëni. Kowe acmayye kewo d nafšo ẖëngi dë kkërxi. Bu ţuro blalyo w bimomo kkurxi hama bas d qaṯṯe qaqwënto, bas lë kloqën w lë kqaṯṯe.

Aş şayode kuḏci bi ẖalaṯe du qaqwono. Bu bayto këtte qaqwënto kadi, baytayto. Kmaẖtila b qafaş w kmëblila acmayye lu ţuro. Bu ţuro aş şayode qamayto ksaymi faẖe lu qaqwono, bëṯër mëd ẖaḏër kmaẖti i qaqwënto cam u qafaş bu faẖo.

Hedi i qaqwënto kbëdyo kqëryo ”Qaqqabuuuuuu! Qaqqabuuuuuu! Qaqqabuuuuuu! Qaqqabuuuuuu!” laq qaqwone. Ţuroyo kšëmci l ẖës diḏa më 2-3 km w zëd. Ḫëngi d kowën şahye di ẖubo, qaflat koṯën cal i qaqwënto.

Aş şayode mi dëkṯo d këtne talye këmnayšëni bi čëfta aw bi tfënge d këtte, kquţli ẖa b ẖa maq qaqwone. Faqire! Kmëqţoli cal u şahwo d këtte li ẖubo.
Mawxa gabayna kito maṯlo cal i qaqwënto w cal u qaqwono, hano komër hawxa: Xayën xu qaqwono lowët! Xiyene xi qaqwënto lë saymët!

Bu zabno ẖaroyano, ëno haṯe ẖzeli bi masale d hawi bayn laẖna w li dawle d Kamalo. Xaşra mnaqalle ftiẖo i xiyene w sëmme ataxiye cal i xaşra d abico u ẖaq mi dawle d Kamalo. Han naqla gëd umarno ftiẖo: Haṯe baynoṯayna latyo ẖaṯto haaaaaaaaa! Këtla qurmo bu tarix!... U rišo du qurmano ste ǧalabe camuqoyo haaaaaaa!

Gëd mdawamno heš ba ẖkeyatani. Haka latne basime, dlo nëkfuṯo maru: Latne basime!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

11. Turkish politics and their effects on our people (Surayt) Part 11

Mar-17-2013 at 03:14 AM (UTC+3 Nineveh, Assyria)

In reply to message #0
 
11

B gawe d kul camo kowe fëkrat, af fëkratani an noše klaymi lë ẖḏorayye, kcëwdi lašanayye. Mede ǧalabe ẖalyo, hawxa an noše kmawḏeci ruẖayye nošene, wjidene, cayošene, këtte mede l ramẖël - talyo w galyo – kcëwdile.

Cajaba aẖna hawxana?

Hani kmo yawme bu ţboco-froso, harke bu Swed w bëṯër bi dawle d Kamalo nafëq faşşe. Af faşşani ẖa b ẖa klozëm miẖër aclayye.

Bu Swed hawilan tam 40 šne. B ëšme d ẖuḏre ftëẖlan qaẖwat lu skambil. Baq qaẖwatani mawlaflan urhoyo. Ucdo čërlan feme d kul mede bu yëlfono.

Bu Swed maqëmlan yalife ǧalabe:

Bu darǧo d Bar-Cëbroyo w ëšmo balki zëd ste mene, bu Ḫuyoḏo d syrianska këtlan banye tam 5000 nafšoṯo. Hani d latne banye kibën mede 40.000.

Bu Ḫuyoḏo d assyriska këtlan banye tam 6000 nafšoṯo. Hani d latne banye kibën mede 50.000.

Bu darǧo d Bardayşan w ëšmo balki zëd ste, bu Ḫuyoḏo d syrianska këtlan banye tam 0 nafšoṯo. Hani d latne banye kibën mede 10.

Bu Ḫuyoḏo d assyriska këtlan banye tam 8000 nafšoṯo. Hani d latne banye kibën mede 70.000.

Bu darǧo d Mor Afrëm w ëšmo balki zëd ste, bu Ḫuyoḏo d syrianska këtlan banye tam 20.000 nafšoṯo. Hani d latne banye kibën mede balki 100.000.

Bu Ḫuyoḏo d assyriska këtlan banye tam 2000 nafšoṯo. Hani d latne banye kibën mede 20.000.

Bu darǧo d Yacqub Urhoyo w ëšmo balki zëd, bu Ḫuyoḏo d syrianska këtlan banye tam 80.000 nafšoṯo. Hani d latne banye kibën mede balki 150.000.
Bu Ḫuyoḏo d assyriska këtlan banye tam 2852 nafšoṯo. Hani d latne banye kibën mede 22.000.

Bu darǧo d Mor Nasţur w ëšmo balki zëd ste, bu Ḫuyoḏo d syrianska këtlan banye tam 0 nafšoṯo. Hani d latne banye kibën mede balki 7-8.

Bu Ḫuyoḏo d assyriska këtlan banye tam 1500 nafšoṯo. Hani d latne banye kibën mede 120.000.

Bu darǧo d Ţiţyanus w ëšmo balki zëd ste, bu Ḫuyoḏo d syrianska këtlan banye tam 20 nafšoṯo. Hani d latne banye kibën mede balki 100.

Bu Ḫuyoḏo d assyriska këtlan banye tam 1000 nafšoṯo. Hani d latne banye kibën mede 40.000.

Aẖnone w Aẖwoṯo,

Ay yaḏoce ẖrene ste d këtlan bu tarix hama hawxa mede këtlan yaḏoce w malfone mënayye ste. Ucdo a tre Ḫuyoḏani sëmme qëwolo cam Cabdalla Gül, gëd maqimi i dawle d Kamalo cal katfoṯayye w dlo, i dawle d Kamalo gëd ǧayro taẖt mu baẖër du Balţiq.

Egemen Baǧiš mẖalaqle ruẖe sidayye w nafël b baxtayye lašan d obi mu caqël, mu meẖo, mu hawno, mu qarco w mu rišo d kito sidayye bu yëlfonano.
Ašër lë ţwërre lebe mëralle ”eeeeee w şad jari e! U ẖa dlë maqbël ste ţër moẖe qarce bu siyoǧo! Fayišxu mede! I mënnaṯxu cal qarce du ţuro d Mir Aẖmad!”

Haka hawxa bašyo, marulli bašyo, baš! Lë kubac d fašno mẖayro, haṯe këmmila ”Kiyëmto d foṯo!”

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

12. Turkish politics and their effects on our people (Surayt) Part 12

Apr-10-2013 at 10:39 PM (UTC+3 Nineveh, Assyria)

In reply to message #0
 
12

Këtlan maṯle ǧalabe. Hani i naqla dlë mëkṯowi w dlë mëqroyi, ma hani aydarbo gëd fayši baynoṯyna w bi arco? Haka nošo këtle jawab kayis mawxa, ţër harke ubelanyo lašan kulan d yëlfina.

Këtlan maṯlo komër hawxa: Qamayto ẖayrina bi xaşra mliṯo du qadaẖ…
Yacni hani 40 šne mën sëmlan l ramẖël? Ma lo aẖna ste yawmo gëd oṯe u malkamot gëd omër ”Yalla këlle kaṯino lašan i ruẖaṯxun!...” w gëd mawbelan li arco dlë kuḏcina mede acla… Haka nošo këtle maḏco acla, harke naqla ẖreto d ubelan maḏco, Alah ëno qamayto gëd mëfşaẖno.

Këtwo ẖkeye bëdyowa cam ”Naẖët tloṯo ẖabuše mi šmayo …” u maẖkiyono lašan dë mbasamwo u lebo du šamoco, ẖa b ẖa ubewolle lan nacime d këtwën šamoce, li ẖkeye. Han naqla an nacimani, bësamwolle w ẖëlmiwo bu ẖabušo šmayono di ẖkeye. Hawxa huwewo fanţazi cam u nacimo w mëftakarwo b mëdone w ẖëlamwo b mëdone l ramẖël.

Aẖna ste hawxa bdelan, hani 40 šne šato cal šato, knuţrina maẖ ẖuyoḏe d këtlan d uballan ẖabuše šmayone.

Ḫa mah hadome di hayye bu Ḫuyoḏo d Syrianska kowe Gabroye Erdi (Gabriyel Bozyel) bi ǧazeta d Södertälje mërle hawxa:

- Këbcina d maydina li fërşaṯe w mqadmina aš šëwole muhim d këtle lu camayḏan b Tërkiya. Maṯlo sţatus d qalëlto, tëwlifo d lišono w i masale di dayro d Mor Gabriyel. (LT, 11 oḏër 2013)

B Södertälje w bu Swed këtwolan ǧalabe šëwole muhim, hani bi šato dan 1975 hama mëdlan iqame w bdelan d šurenalle. Xayifo dlo taxsir, cwëdlan blalyo w bimomo šrallan meqëm i šato d huwyo 1977.

Han naqla ṯniẖo-ṯniẖo bdelan bu cwodo d këtwe lazëm lu mëstaqbël. Hul d aṯi Gabroye Erdi li hayye du Ḫuyoḏo d Syrianska sim u cwodano d laltaẖ kule bu urhoyo lašan dlë fayšina samye.

Yacni mu ingilizi, mu almani, mu faransawi, mu lišono latini, mu yawnoyo… lu urhoyo mtarjëm b ëšme d Ḫuyoḏo d Syrianska a kṯowe myaqrani:

Encyclopædia Indica
Encyclopædia Persica
Encyclopædia Hebreica
Encyclopædia Aramaica
Encyclopædia Cordicologica
Encyclopædia Graeca
Encyclopædia Latinica
Encyclopædia Christologica
Encyclopædia Muhammedologica
Encyclopædia Aminalogica
Encyclopædia Zubaydalogica

Hani zabno yarixo ste bi mdabronuṯo d Gabroye Erdi, ẖaṯo mkamalle u tërjomo d Encyclopædia Britannica lu urhoyo. Mšadër li maţbaca. Heš meqëm d nofëq li šuqo, këbxu d mawşetulle bu talafon w dlo, kit balki zëcṯo dlë qaṯxun mene.

Han naqla hatu kuḏcitu!

Bëṯër li hayye du Ḫuyoḏo d Syrianska mëdde qarar, kul hadomo d këtte acmayye gëd mulfi lu nacimayḏe heš huwwe bi dargëšto cam u ynoqo du ẖalwo mi emo S. Freude, C. Darwin, Kant, Hegel,… kulle bu urhoyo. U yëlfono d lowe hawxa bac l mënyo!?

Ucdo ste këtte qarar ẖaṯo cam taẖrasto kamëlto w mliṯo d mulfi l Cabdalla Gül, l Ardoǧano w l Usëve Karborani, u rëcyo dë Sţanbul, an noše lu somastër layko w layko azzën. Cal hawxa gëd mtarjëmi lu urhoyo naqla ẖreto a kṯowani d laltaẖ:

Encyclopedia of Mass Violence, The Encyclopedia of Genocide, The Oxford Handbook of Genocide Studies, Chambers’s Encyclopædia, The Catholic Encyclopedia, The New Schaff-Herzog Encyclopedia of Religious Knowledge.

Aẖnone w Aẖwoṯo,

Daaaaayëm, hawxa šariro hwawu cam ruẖayxun w dayëm ste dlo nëkfuṯo, ţlabu u mede d latle baẖ ẖaye ëmkan d misëm!

Ma më këmmitu, hawxa bašyo lašanayna?

Alert   IP Print   Edit        Reply      Re-Quote Top

Forums Topics  Previous Topic Next Topic


Assyria \ã-'sir-é-ä\ n (1998)   1:  an ancient empire of Ashur   2:  a democratic state in Bet-Nahren, Assyria (northern Iraq, northwestern Iran, southeastern Turkey and eastern Syria.)   3:  a democratic state that fosters the social and political rights to all of its inhabitants irrespective of their religion, race, or gender   4:  a democratic state that believes in the freedom of religion, conscience, language, education and culture in faithfulness to the principles of the United Nations Charter — Atour synonym

Ethnicity, Religion, Language
» Israeli, Jewish, Hebrew
» Assyrian, Christian, Aramaic
» Saudi Arabian, Muslim, Arabic
Assyrian \ã-'sir-é-an\ adj or n (1998)   1:  descendants of the ancient empire of Ashur   2:  the Assyrians, although representing but one single nation as the direct heirs of the ancient Assyrian Empire, are now doctrinally divided, inter sese, into five principle ecclesiastically designated religious sects with their corresponding hierarchies and distinct church governments, namely, Church of the East, Chaldean, Maronite, Syriac Orthodox and Syriac Catholic.  These formal divisions had their origin in the 5th century of the Christian Era.  No one can coherently understand the Assyrians as a whole until he can distinguish that which is religion or church from that which is nation -- a matter which is particularly difficult for the people from the western world to understand; for in the East, by force of circumstances beyond their control, religion has been made, from time immemorial, virtually into a criterion of nationality.   3:  the Assyrians have been referred to as Aramaean, Aramaye, Ashuraya, Ashureen, Ashuri, Ashuroyo, Assyrio-Chaldean, Aturaya, Chaldean, Chaldo, ChaldoAssyrian, ChaldoAssyrio, Jacobite, Kaldany, Kaldu, Kasdu, Malabar, Maronite, Maronaya, Nestorian, Nestornaye, Oromoye, Suraya, Syriac, Syrian, Syriani, Suryoye, Suryoyo and Telkeffee. — Assyrianism verb

Aramaic \ar-é-'máik\ n (1998)   1:  a Semitic language which became the lingua franca of the Middle East during the ancient Assyrian empire.   2:  has been referred to as Neo-Aramaic, Neo-Syriac, Classical Syriac, Syriac, Suryoyo, Swadaya and Turoyo.

Please consider the environment when disposing of this material — read, reuse, recycle. ♻
AIM | Atour: The State of Assyria | Terms of Service