Assyrian Forums
 Home  |  Ads  |  Partners  |  Sponsors  |  Contact  |  FAQs  |  About  
 
   Holocaust  |  History  |  Library  |  People  |  TV-Radio  |  Forums  |  Community  |  Directory
  
   General  |  Activism  |  Arts  |  Education  |  Family  |  Financial  |  Government  |  Health  |  History  |  News  |  Religion  |  Science  |  Sports
   Greetings · Shläma · Bärev Dzez · Säludos · Grüße · Shälom · Χαιρετισμοί · Приветствия · 问候 · Bonjour · 挨拶 · تبریکات  · Selamlar · अभिवादन · Groete · التّحيّات

Unite, but how do we do it? (Surayt)

    Previous Topic Next Topic
Home Forums Government Topic #157
Help Print Share

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

Unite, but how do we do it? (Surayt)

Apr-10-2013 at 10:44 PM (UTC+3 Nineveh, Assyria)

Unite, but how do we do it? | Aydarbo kowe ẖuyoḏo aw ẖḏoyuṯo? (Surayt)

Alert   IP Print   Edit        Reply      Re-Quote Top

 
Forums Topics  Previous Topic Next Topic

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

1. Unite, but how do we do it? (Surayt) Part 1

Apr-10-2013 at 10:45 PM (UTC+3 Nineveh, Assyria)

In reply to message #0
 
1

Bu šloyo ëlla bu tëšliyo? Aw bu tëcwido du mahwo w du šqolo…
Ayna kayisyo?

Hawi zabno baš, harke macwadlan, taqriban kul fëkër d këtwo gabayna ţabu, mẖarmo… Rëqlan, mşacarlan, ǧbënina w raẖëqina më ẖḏoḏe. Yatëwina kul ẖa b xaşra. Aš šëwole d këtlan mdarbe d nuqşi zëd zayidi. Më qëm ruẖayye naţërina d mëšroyi,.. ẖa mënayye lë šre.

Ftiẖ harke adro, adro d ẖuzena ẖḏoḏe, d yëlfina lë ẖḏoḏe, bëṯër d uḏcina laf fëkrat dë ẖḏoḏe. B iḏan kẖuzetu xlëqlan adro l nëqošo, hawyo adro li siyase d këtlan. Ma ẖarbo sëmlan?!

Ëno këmarno mede ẖarbo lë sëmlan, bu caks sëmlan mede ǧalabe kayiso. Comër bayte dan noše d qayimi b hawxa ţacno. Hawxa hawën sabab ǧalabe clayme w claymoṯo d uḏci lë ẖḏoḏe w d yëlfi laf fëkrat dë ẖḏoḏe.

Zabno yarixo kṯëwlan, mašmaclan w mnaqašlan hën maş şanjiye w mak kewe d këtlan. Kmëtyaqanno heš ucdo bdelan d maẖësina këtlan dardat w kullat. Hani kubacce cwodo!...

Ucdo bdele koṯe, mën saymina? Aydarbo saymina?

Bu rayayḏi u nëqošo mëqqa dë mdawëm, haqqa kayisoyo. Mšarkina heš noše ẖaṯe. Xaşaţan noše more d teoriye ẖaṯe, d maẖwallan darbone, ayko w aydarbo malxina?

Aẖe w Aẖwoṯo,

Këtlan bu şurayt maṯlo ẖalyo, hawxa komër: Qamẖo cal u ẖawlo, ma kiban maşrina mede buwwe?

Hul l ucdo, kul ẖa mënayna sëmlele šawṯo. Han naqqa mi šawṯo d këtna ste heš cal ẖḏoḏe laşyena. Yacni heš jaşara layto acmayna d ëzzan më šawṯo l šawṯo, ẖatta ziyara d ëmmina ”šlomo aclayxun! Aẖuno šëbqono mqaşarli ǧalabe, kubac ucdo d tuleno i ẖalaṯe!”

Mawxa kducarno lu maṯlo du ẖawlo, w kumarno: Ucdo heš layban maşrina mede bë ẖḏoḏe. Hawxa ẖolo heš qumayna lë ẖaḏër. I naqla dlë ẖoḏër ste, maclumyo i awla këwyo ḏacif. W ucdo i awla baynoṯayna ḏacifyo.

Haṯe aydarbo kqëwyo? Mdawmina bu nëqošo w bu iqoro laf fëkrat d këtlan.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

2. Unite, but how do we do it? (Surayt) Part 2

Apr-10-2013 at 10:47 PM (UTC+3 Nineveh, Assyria)

In reply to message #0
 
2

Aẖe w Aẖwoṯo,

Aloh këtli dard ǧalabe rabo. Mënayxu kmëtle bas më Aloho lë kmëtle.. Kubac bi masalaṯe hama dlë ţuretulli cal iḏi w foṯi. Yabo hama l xaţër du Kačal d howe, mcawenulli hatu ste bi masalaṯe…

I masale qamayto fëtẖoli qëm ẖawroni, abëcno d uballi širat… Mërlilën: Mën samno? Ašër lë mqaşarre, hul d aṯi mënayye abici af faqire dë mcawnili. Be mën mërre ste hani lë kţurenën talye aclayxu. Ḫḏo bëṯër mi ẖreto gëd maẖkenën harke.

Bas qamayto gëd umarnolxun i masale:

Këtlan ẖmoro, këbcina d maslëqinale li goro, bas aydarbo? Lë kuḏacno?! Këtlan darǧe w këtlan sëllam. Ayna mënayye lu sloqo kayisyo, lë kuḏacno!..
Ḫawro qamoyo mërle: Aẖuno u sëllam ţcayye, bu sëllam sloqo latla ëmkan. U ẖmoro b raǧloṯe këtle nacle, laybe mosëk ruẖe, gëd zolëţ. Bëṯër u sëllam gëd mihëz gëd mazëc u ẖmoro. Gëd mẖalëq ruẖe mi zëcṯo xu ẖmoro li arco gëd soyëm ruẖe šlado. Bu sëllam lo, man dë mjarëb ste bu sëllam kowe xu ẖmoro huwwe ste ẖmoro.

Ḫawro da tre mërle: Aẖuno d šëmcët xabri, sëmlox zaqţiye, zaqţiye d huwyo ǧalabe kayisto. Riša ţrowe başmoro ẖlimo w qawyo. Awwël d mëẖatla b caţme, u admo ţromër ”fiiiiiiz”. Hat lë kolët macbër zaqţiye ẖreto w ẖreto w ẖreto… hul d ẖore taẖte. Fërşa lëbatle! D maẖës kit admo balki moẖe rafso tarte, hat mëgrëš l xaşra. Ar rafsat diḏe ţroṯën bi hawa. Gëd mëjbër solëq. D nofël ste ẖlaqle dëkumo lu bando dë qḏole. Hawxa gëd oḏëc u darbo d kito qume.

Ḫawro da tloṯo mërle: Aẖuno amţaylox ẖawlo, b rišo mu ẖawlo ţrowe cëqëlto, bu ẖreno ste hawxa sëmlox qaţro samyo. Mar: E. Han naqla amţayye zalţono dlo rëšwono. Maşër bu ẖawlo an arbac raǧloṯo kayiso. Sëm qaţro cël mi cëqëlto lašan dlë romëš. Han naqqa msak riše du ẖawlo qţiro lašan dlë folët më iḏox w graše l lalcël bad darǧe. Hawxa gëd oṯe mhalxono bëṯrox bëṯrox. Han naqqa hat ste lë marfët u ẖawloooo! D marfatle gëd nëflët cël mene. Maẖët bolo haaaaaaa, dlë mëţwër drocox.

Ḫawro dan arbco mërle: Aẖuno d šëmcët l xabri amţaylox ẖuţo ẖlimo mani d kandil. Bu Swed kito mani, ǧalabe kayisene.

Aẖuno i širayḏi bu ẖuţo kandilano ya qḏole w ya ste danwe maşere kayiso. Taylox zayto ste, mrašreše cal ad darǧe w hedi graš u ẖmoro bëṯrox hul li goro. Ḫzay aydarbo gëd oṯe bëṯrox!... Mëd salëq ste, hawle qurco malyo tawno cam şcore w marle ”Caaaafarëm u ẖmorayḏi! Hawxa b caqël hway abri!”
Ḫawro daẖ ẖamšo mërle: Aẖuno qamayto ţrayye kafino yawmo kamilo. Ţër kofën kayiso. Bëṯër mlayle qurco d tawno cam şcore, hano mjanjëqleyo w slaq bad darǧe. Ḫmoroyo gëd oṯe bëṯrox. Aloh d ëzzox li nuro ste gëd oṯe bëṯrox bëṯrox. Lë ẖaruwle! Hawxa graše graše gëd solëq bëṯrox.

Ḫawro dan ëšto mërle: Aẖuno u ẖmoro haka diḏoxyo klozëm d huwele ëšmo. Qrayle b ëšme layko d ëzzox gëd oṯe bëṯrox. Qay? Kquratle b ëšme! Nošo ǧer mene bu ëšmawo layt, gëd oṯe acmox d ëbcët lu ẖërobo ste. Qum mjarëb hawxa!...

Ma hatu mën širat këtxun?

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

3. Unite, but how do we do it? (Surayt) Part 3

Apr-10-2013 at 10:49 PM (UTC+3 Nineveh, Assyria)

In reply to message #0
 
3

Aẖe w Aẖwoṯo,

Aloh dard diḏi mërlilxuyo, ǧalabe raboyo. Mënayxu kmëtle bas më Aloho di šmayo abadan lë kmëtle…. Ayko d mëtle gëd ẖuzele. Mawxa kubac bi masalaṯe cal iḏi w foṯi dlë ţuretulli lẖuḏi.

Yabo mërlilxu, naqla ẖreto këlle kducarno w kumarno: Hama l xaţër du Kačal, mcawenulli bi masalaṯe…

Ašër hën maẖ ẖawrone, jëwamer naqla ẖreto qëşoro lë mqaşarre. Kul ẖa mënayye mën d aṯi qëm feme alo mërle.

Ḫa mënayye mërle:

Ḫur aẖuno gëd umarnox šira du caqël, maẖeta b qarcox. Më tamo ste lë mëfqatla. Haṯe kit yawmo d lëzmolox. Dcarla! Ḫur aẖuno bu maṯlano:

Ac cënwe dan noše ẖëngi dë kẖayri bë ẖḏoḏe kẖolën, kowën xu dawšo basime. Kmaydatte, kmašëǧatte w bi haniye kuxlatte. Kmihanën cal lebox w kowën darmono l kul hadomo d kito b gawox. Acccccah! Mën kit basëm mawxa!
Diḏan ste cayni cënwene bas aẖ ẖëššara kẖëmşi. Qay hawxa kowën? Aloh ëno ste maḏco latli?! Lë ẖḏor das sataṯṯe maro kmëmẖe, ksoẖo kmëksoẖi, ak kube, az zizone dlë ẖḏorayye kminagli. Hani naqla ẖreto kyocën, qay naqla ẖreto kyocën maḏco latli?! Mu zawloyo? Mu maţroyo, mi ẖërbaşţoyo, mi hawa kurreyo,… latli maḏco. De haṯe hama ţrayya cal Aloho yabo.

Ḫawro ẖreno mërle:

I ẖale du cëlmano, ašër kmaẖwe lë kmibadlo,
Aẖuno hama ţray d umarnolox mede, lebox mu kalbo lë foyëš,
Fayëšlox mede! Zati šuǧle w camle nwoẖoyo,
Ma zëd mën gëd nuţrët mene?!

Kmaẖtët bolo, hul dlë nowëẖ ste, u yërmo d gawe,
Be nẖoto mënyo? Hawo lë koḏëc noẖët,
De han naqqa hat kuḏcët!?

Zati mawxa kubac d umarnox
”Abro ylaf! Abro ylaf! Bu kalbo kefe lë moẖët!”
I masale kula haaaaaaaa haṯeyo!...
De han naqla hat këllox qaroyo hat w kuḏcët,
Ëno zëd bac mën kibi d umarnolox?!

Ǧer ẖawro ste hawile hawxa šira:
Aẖuno meqëm dë mǧayrët briṯo, mjarëb qaaaaaaaamayto mǧayër ruẖox. Haka hat qadirët cal ruẖox, i naqlayo gëd howët stad lašan d qudrët d mawlëfët ǧiyoro l ǧer menox ste.

Ḫur Kako!

Bab bote, cadeyo kulan këwelan makkina lašan d ṯërmina başro. Kšuqlina başro bu kallayḏan, kamţenale lu bayto. Bi sëkkino kmaylina ag garme l xaşra w u başro sëmoqo ste l xaşra. Haaa ha u başranoyo kmaẖtinale bi makkina du ṯromo. Kṯërminale rišo, tre w balki ste tloṯo lašan d howe b caqël!

Han naqla mëftakër bi makkinaṯe mdarbe du başro d ṯërmina, d maẖtina w ṯërmina i jahale du meẖo d këtlan, i naqlayo meẖan mëqqa b caqël gëd howe?!

Ma aẖnone hatu mën këmmitu? Mašmecullan hatu mën kullat w mën dardad kito b lebayxun.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

4. Unite, but how do we do it? (Surayt) Part 4

Apr-10-2013 at 10:51 PM (UTC+3 Nineveh, Assyria)

In reply to message #0
 
4

Aẖe w Aẖwoṯo,

Aloh u dard diḏi mërli, ǧalabe raboyo. Mërli ste mënayxu kmëtle bas më Aloho di šmayo ašër lë kmëtle…. Mjarabli d tulene elo dlo fayde. Ayko d mëtle Aloho gëd ẖuzele. Mawxa kubac bi masalaṯe dlë ţuretulli lẖuḏi. D fašno ašër kzacno dlë mëţeli kewo. Bi ẖalaṯe ẖa d mëţele kewo kowe xşara acle. I xşaraṯe acli lẖuḏe hama lë ţuretulla. Latyo kayiso!

Ašër hën maẖ ẖawrone, jëwamerin naqla ẖreto qëşoro lë mqaşarre. Kul ẖa mërlele mede.

Ḫa mënayye mërle:

Aẖuno dlo cëlëm, dlo yëlfono w dlo maḏco,.. më foṯe d hawxa, i jahale d baynoṯayna maţila dewo d daywono. Hano zrëcle ruẖe b kul qërniṯo d gëšmayna.

Eeee e, han naqla aẖuno i jahalaṯe aydarbo kiba d nëfqo l larwal? Mar ”mëfqolan” cal man mẖalqinala? Aw ayko ẖëfrina w ţëmrinala lašan naqla ẖreto dlë dëcro l baynoṯayna!...

Haka këtlan caqël l hawxa, aẖuno tawu bëdena bu cwodo. Haka këtlan şënca, stediye, tajrube,… naqla ẖreto këmarno kobëc d bëdena bu cwodo. Dlo cwodo la-qëddam man kibe d malëx w samle dëkṯo baẖ ẖaye d kito bi arcaṯe?!
Han naqla hawxa cwodo ste d lowe ẖubo, d lowe awla, d lowe iqoro w d lowe haymonuṯo buwwe,… hul l ayko kiban malxina?

Kito maṯlo komër: Ma nošo kcaqle më nošo!... Ašër aẖuno, qurbane d caynox, këmarno qumayna cal warqo dlë hëwelan cwodo, kul ẖa mënayna ste d loḏëc mën gëd soyëm, halbat gëd caqlan i naqlayo më ẖḏoḏe.

Bu ciyoqo, yawmo, tre,… hano gëd qolëb bëṯër cal samo bu lebo. Haaaa ha u samanoyo dë gëd xolëq kroho w u kroho ste gëd qolëb hedi lu šalfo w li sëkkino. Eeeee e han naqla baran gëd manẖër lu baran ẖreno. Hawxa hawyo?! Lo!

Da tre ste hawxa mqadamle:

Aẖun hama gëd umarno a kmo xabre d këtli. Kubac d mafëẖno ëšmo ak kullat d lebi. Kito maṯlo komër: Cal i nuro bu banzin lë kmizël!

Hano maṯlo kumarno qay bi dëkṯoyo… Harke bu Swed qaḏilan zabno, zabno yarixo. Bu zabnano mën zarţat mzaraţlan cal ẖḏoḏe? Az zarţatani kalën? Baţili? Lo!

Hawxa i šalqa di fliǧuṯo mšalţo aclayna. Haṯe hul d aṯi mënayna ste b maḏco macmëqolan w hay macmëqolan. Mqabël diḏa ste darbo cal dlë xlëqlan, kul mëqqa d aṯi negativ qawyo w hay qawyo. Lziqo baẖna! I lazqaṯe yawmo cal yawmo qawyo baẖna. Dlo caqël i lazqa qwiṯaṯe aydarbo kiba fëšro w qëlbo l pozitiv? Maclum dlo cwodo b caqël zaẖmeyo.

Aẖna be aydarbo xëd noše sniqena d huwelan lu ciyošo maye w hawa, i dacwa ste hawxa këtla sniquṯo lu cwodo b caqël. Man ǧer mënayna gëd bode samle? Kobëc mëftakrina w lë ţuwcina!

Da tloṯo ste hawxa mërle:

Aẖuno u mede d aṯi b qarcayna, lë kubac nošo d caqle w mëqẖër, aẖna b iḏe d ruẖayna amţelan i qëšcaniye cal qarce d ruẖayna.

Camo kamilo bu darbo qlëclan b qamuṯayna lu ţuro du halak. Kulan ẖëşlan acle lašan d malëx hul li qarqafto du ţuro. Ucdo l tamo maţina aw lo maḏco latli. Hano këmarno kubacle analiz camuqo. Buwwe balki d maẖwe aẖna mën ǧalţe sëmlan? W hani qay sëmilan.

Hano kmažbahne cayn lu daworo dë dwërle w dë zrëclelele zad, bi ẖarayto u zad lë yaci w laṯi mede l iḏe. Zad zric ẖayo bas bi arco našëf w lë yarëq. Qay? Hano këtle sababe. Hani mënne? Anjax b analiz d caqël, hani kibën d miḏoci w dlo aydarbo?

Aẖnone ma hatu mën këmmitu?

Alert   IP Print   Edit        Reply      Re-Quote Top

Forums Topics  Previous Topic Next Topic


Assyria \ã-'sir-é-ä\ n (1998)   1:  an ancient empire of Ashur   2:  a democratic state in Bet-Nahren, Assyria (northern Iraq, northwestern Iran, southeastern Turkey and eastern Syria.)   3:  a democratic state that fosters the social and political rights to all of its inhabitants irrespective of their religion, race, or gender   4:  a democratic state that believes in the freedom of religion, conscience, language, education and culture in faithfulness to the principles of the United Nations Charter — Atour synonym

Ethnicity, Religion, Language
» Israeli, Jewish, Hebrew
» Assyrian, Christian, Aramaic
» Saudi Arabian, Muslim, Arabic
Assyrian \ã-'sir-é-an\ adj or n (1998)   1:  descendants of the ancient empire of Ashur   2:  the Assyrians, although representing but one single nation as the direct heirs of the ancient Assyrian Empire, are now doctrinally divided, inter sese, into five principle ecclesiastically designated religious sects with their corresponding hierarchies and distinct church governments, namely, Church of the East, Chaldean, Maronite, Syriac Orthodox and Syriac Catholic.  These formal divisions had their origin in the 5th century of the Christian Era.  No one can coherently understand the Assyrians as a whole until he can distinguish that which is religion or church from that which is nation -- a matter which is particularly difficult for the people from the western world to understand; for in the East, by force of circumstances beyond their control, religion has been made, from time immemorial, virtually into a criterion of nationality.   3:  the Assyrians have been referred to as Aramaean, Aramaye, Ashuraya, Ashureen, Ashuri, Ashuroyo, Assyrio-Chaldean, Aturaya, Chaldean, Chaldo, ChaldoAssyrian, ChaldoAssyrio, Jacobite, Kaldany, Kaldu, Kasdu, Malabar, Maronite, Maronaya, Nestorian, Nestornaye, Oromoye, Suraya, Syriac, Syrian, Syriani, Suryoye, Suryoyo and Telkeffee. — Assyrianism verb

Aramaic \ar-é-'máik\ n (1998)   1:  a Semitic language which became the lingua franca of the Middle East during the ancient Assyrian empire.   2:  has been referred to as Neo-Aramaic, Neo-Syriac, Classical Syriac, Syriac, Suryoyo, Swadaya and Turoyo.

Please consider the environment when disposing of this material — read, reuse, recycle. ♻
AIM | Atour: The State of Assyria | Terms of Service