Assyrian Forums
 Home  |  Ads  |  Partners  |  Sponsors  |  Contact  |  FAQs  |  About  
 
   Holocaust  |  History  |  Library  |  People  |  TV-Radio  |  Forums  |  Community  |  Directory
  
   General  |  Activism  |  Arts  |  Education  |  Family  |  Financial  |  Government  |  Health  |  History  |  News  |  Religion  |  Science  |  Sports
   Greetings · Shläma · Bärev Dzez · Säludos · Grüße · Shälom · Χαιρετισμοί · Приветствия · 问候 · Bonjour · 挨拶 · تبریکات  · Selamlar · अभिवादन · Groete · التّحيّات

Memra (Surayt)

    Previous Topic Next Topic
Home Forums Government Topic #162
Help Print Share

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

Memra (Surayt)

May-30-2013 at 08:48 PM (UTC+3 Nineveh, Assyria)

Memra (Surayt)

Alert   IP Print   Edit        Reply      Re-Quote Top

 
Forums Topics  Previous Topic Next Topic

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

1. Memra (Surayt) Part 1

May-30-2013 at 08:51 PM (UTC+3 Nineveh, Assyria)

In reply to message #0
 
Heš hat zcurko hat

1

Ḫur yabo ebi, haka šamoco hat
Gëd maẖkenox mi sayasa d gaban
Bu mamrayḏi ”xilaf” layt ha!
Hamma d maẖisët ”Alo kit”
Rahoţo tox, bi šuqo mšayël
Hawxa ylaf w mawlëf

Ḫur lawo, heš hat zcurko d aṯmël hat
Bi sayasa cadeyo këmmi:
Alah hawhe he d ëmmat laẖmo d tanuro lo xile…
Mawxa, kobac d šoraẖnox, be mën mërore,
cëḏḏabat, šaqqawat, carat, bahdalat, kalbuniyat,…
grëšlan…

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

2. Memra (Surayt) Part 2

May-30-2013 at 08:52 PM (UTC+3 Nineveh, Assyria)

In reply to message #0
 
2

Këtwaylan Mtakazto,
Way caynox lë nëflo acla,
Amţela l quman laẖmo
”Xulu! Xulu! Hano laẖna sëmlan!”
Kula dugle b dugle…

Mëthaymën, heš ucdo ẖaṯo maẖëslan, ẖzelan
Hano këlle du Bacaṯ-caraban…

Mawlëfallan pransibe mu fulaḏ
ṯabute, asasi w ǧalabe saǧlam,
De han naqqa:
Aydarbo gëd mdaglët
Aydarbo gëd gënwët
Aydarbo gëd marẖëqët
Aydarbo gëd fëlǧët
Aydarbo gëd malwëšët…

Hul l ucdo ”lẖamdëlla” krucena hawxa...

Haṯe han naqqa heš i naynewa, i nayne
I tërnayne bëṯër aṯyo, xalaş ste layt mena
Mlalle cebayna farxe d kurfe du Bacaṯ-caraban

Blalyo
Acccccccccccaw! Mëqqa duwşiwo, kako Brawo!
Bimomo mëqqa marfanwo, kaylo latwo lu xroţo…

Han naqqa b riša këtwolan Mahdi Gabriel Afram,
Barane ţov Arsan Arsan, bu Mirsidis w BM double
Bakkoye Cawen
Alyaske Mala Šahin u qumarji
Gabroke Mala Bar-qašok u filipparji
Hawo d Mor Yacqub d ǧarëq ebe…

Ëmmiwo:
”Kul qaroyo šuciyo, acme lo mahwo w lo šqolo, mnico!”
Haaaa haṯewa i gëmṯo bi Mtakazto d Bacaṯe-caraban…

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

3. Memra (Surayt) Part 3

May-30-2013 at 08:53 PM (UTC+3 Nineveh, Assyria)

In reply to message #0
 
3

Bac këtlan cito, kul man dë ẖzele taẖta zawlo, ymela
”Bu qayso dë şliw Moran kyumena, latyo diḏan!”
Bac i pistiyaṯe du reẖo natinano mënyo?
”Kyumenalxun baj jurẖe d Moran, l noše tamo maẖtile!...”

Mhaymanlan, mawdelan, dcelan, mşalelan w mancelan
Kul bišo…

***
Kuhne cebayye, kisayye, qurco b katfayye malyo…
Hani d manne?
Yabo hani zadiqene zadiqe, da mhayëmnene,
hiwënne laq qadiše…

Gëd maẖtinalle baq qawraṯṯe,
Ma lo hënne ste kubacce mëklo?!
Žare dlë fayši kafine!..
Hama xer dëṯxuyo lawo!...

Naqla d lozëm, balki nuẖti l gab Šexo Samyo,
Šuqlënne bajane semaqto w kamto,
Ma lo hënëk ste këtte ẖoriyat w čëlpaẖşar bëṯrayye…
Heš!.. Ba man gëd ẖoyarre?!

Şëţrayo gëdi, maşţeru aclayye! Ma lo dëṯxunne?!
Mu başro w mu admaṯxunne!
Ma kowe dlo ẖayrutunne?
Ba hatu kuḏcitu!..

I nuro di gihano, kala konuţro!..
Alah kul faţëryarxo, tamo këtle qayso b iḏe,
komẖarak bu dasto,
De han naqla haṯe hawxa iḏaculla!..

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

4. Memra (Surayt) Part 4

May-30-2013 at 08:54 PM (UTC+3 Nineveh, Assyria)

In reply to message #0
 
4

Harke hawi mëdone!

Harke hawi mëdone ha!
An noše cal ëšme d noše sëmme sujat,
Gëd obe ẖšowo kul nošo, lu tarix dan noše,
Ema w ayko lë kmiḏëc?
L man w aydarbo lë kmiḏëc?

Bas ëlla yawmo, gëd obe noše ẖšowo…
Hani a mhayëmne du cëlmo ẖreno layto,
Tamo balki, gëd misamme šëkël dë ẖšowo,
A mhayëmnanëk layto, bi nuro di gihano balki
yqoḏo d yuqḏi hul colam colmin…

Cal mune?
Cal foṯe du kef w du hërz, w du kin,
w du fiyoẖo d lebo d hën,
Šqilo w yaqiḏo i ruẖo d hën.

W hawxa an ammoṯo mtabxën,
Mparpëţ w mkawzër lebayye,
Bam momo lan ammoṯani noše, gëd obi ẖšowo
Man koḏëc balki ramẖël, w balki ste cal qariwo.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

5. Memra (Surayt) Part 5

May-30-2013 at 08:56 PM (UTC+3 Nineveh, Assyria)

In reply to message #0
 
5

Dawse aw tarte … laf i demoqraţiye

Kṯaw yabo kṯaw, hul d oṯe menox kṯaw
Qëşoro lë mqaşrët bu şurayt ha!..
Haṯeyo i demoqraţiye d kubcina,
Qalam! Mẖarëk rišox! haṯe knuţrina,

Kṯaw yabo kṯaw, hul d oṯe menox kṯaw
Ţër cëlmo hawxa oḏëc, šomëc, obëc,
Han naqla wayla lawo heš dlë fahëm
Masaleyo ha!...

Maqţeru u qaţiro, maẖetu rawbe,
Mucu u gawdo, këbcina dawǧe,
Manfequ i zëbdo gëd lëzmo!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

6. Memra (Surayt) Part 6

May-30-2013 at 08:57 PM (UTC+3 Nineveh, Assyria)

In reply to message #0
 
6

Bas knuţarno ha!...

Caynoṯi kmicamşi yaquro yaquro
Bë ẖḏo naqla nayëţno cam u quro d şafro
Haw šëmšo kmaẖwiyo ruẖa
I saca mën hawyo? Maḏco latli!..
Bas knuţarno ha!…

Hawa d rabëc naḏëfto
cam wič-wič d safrune
Ab bëşuşe qamoye di šëmšo
Bdalle knëfqi li ẖolo
I saca mën hawyo? Maḏco latli!..
Bas knuţarno ha!…

Këmarno më rëẖqe kẖuzeno šëmšo
D ëmmët adyawma balki ǧer šëkël nahiro
Fşëẖto, zëd më meqëm kmabrëqo
Kobo šẖanṯo hul lac cëmqe d këtli, më rëẖqe
I saca mën hawyo? Maḏco latli!..
Bas knuţarno ha!…

W saliqo i šëmšo
Bë ẖḏo naqla u yawmayḏi mabharle
As safrune, aw warde hawën ǧer
Kẖayri ebi an noše ste ǧer
Kmisansël, lo mu lebo d naţërno
Këmarno: Ëno bas 'krëẖamnolëx'
Më rëẖqe dlo ẖës …

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

7. Memra (Surayt) Part 7

May-30-2013 at 08:58 PM (UTC+3 Nineveh, Assyria)

In reply to message #0
 
7

Ya barṯo ẖliṯo

Bas d ẖuzenëx, Aloh kqoyëṯ lišoni
Maḏco latli cal mën hawxa kguẖxët
Bas ëšmo ẖërli b caynëx a zǧile
Hawxa lo b lebëx maftelëx w azzëx

Nafëlno b dard camuqo mi ẖubayḏëx
B kul dëkṯo bëxle reẖëx dë nqëẖli
Hawli čike d sabro, balki ţëfyo i nurayḏi
Ya barṯo ẖliṯo hama mar ”De ţrowe hawxa!”

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

8. Memra (Surayt) Part 8

May-30-2013 at 08:59 PM (UTC+3 Nineveh, Assyria)

In reply to message #0
 
8

Lë ţocët! (1)

Kul nuro, kjuǧro w ksëlqo, kmidaywëno,
Han naqla koṯe dawra d rëfyo, d mašẖëno,
Bi ẖarayto, lë ţocët këwyo qaţmo, qaţmo.

Lë ţocët ha!
Hawxayo i ẖubo d huwyo cam nuro ste!..

Lë ţocët! (2)

Layko d ëzzox zox,
Lë ţocët!
Hat heš b cayni dëkṯo gëd howët

Gab man d ëzzox zox,
Lë ţocët!
Hat heš b ruẖox gëd howët…

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

9. Memra (Surayt) Part 9

May-30-2013 at 09:00 PM (UTC+3 Nineveh, Assyria)

In reply to message #0
 
9

Emi, xu malaxo knëţroli

Blalyo, hat mkasatwoli
Bimomo, hat ruclatwoli
Ayko d malaxnowo
Cël mu cafro w taẖt mu cafro
Tamo hat!

Mlaflëfatwo i ruẖo d këtli
Cël meni ţarfo mkasyowëx
Ţrelëx w azzëx

Šamët cafro taẖti
Našëf ţarfo acli
Ţrelëx w azzëx

Ḫur bëno, ucdo fëšli parruţ
Knuţarno kul yawmo d oṯët lafeli
Dlo baxyo

Mama, kibëx d oṯët naqla ẖreto?

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

10. Memra (Surayt) Part 10

May-30-2013 at 09:00 PM (UTC+3 Nineveh, Assyria)

In reply to message #0
 
10

Xwazi, ëno heš bi qale…
Xwazi, ëno heš bi qale d uṯewo ẖaşi bi arco,
Xwazi, ëno heš bi qale d huwenowo qallës,
Xwazi, ëno heš bi qale d huwenowo čiz,
Xwazi, ëno heš bi qale d mëşwacnowo bu admo
Xwazi, ëno heš bi qale d huwenowo daẖiẖo
Xwazi, ëno heš bi qale d huwenowo barane cagid

I masale hawxa gëd miḏëcowa,
Zabnowe gëd ëmmiwoli ”xaşoro!”
Ašër aẖuno lawi hawxa.

Dayëm bi pëše-pëše aṯëlli
Më la-xalf mxanjëralli
W bu tarix lo ẖšëwalli…

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

11. Memra (Surayt) Part 11

May-30-2013 at 09:01 PM (UTC+3 Nineveh, Assyria)

In reply to message #0
 
11

Ḫur kayiso bëno abro!

Haka hat gëd ëmmët
”Ëno camono! Kubacli qullo!”
I naqlayo kobëc d yëtwët w mëftakrët
… gëd ẖëšwët:
”Ëno mën kubacli? Barex aw qadeš?!
Ḫţiṯo, këdo-këdo aw žare-žare…
Hani kmanfëci?!”

Haaa heš aṯmëlwe…
Hani kulle, ẖa b ẖa mjarbilox
Ḫzelox b caynox manfaca b qërš lawëlle
Hani b naqla ucdo ţrayyën l xaşra

Maclay rišox, ẖur lë ẖḏorox
Ylaf! An noše mën ksaymi?
Mëd yalifët hedi mawlëf
Bëṯër dlo zëcṯo harke malëx

Kṯaw tarix-siyasi ẖaṯo
Hanoyo d kubaclox!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

12. Memra (Surayt) Part 12

May-30-2013 at 09:03 PM (UTC+3 Nineveh, Assyria)

In reply to message #0
 
12

Këtwolan grece l Bë-Mahmado,
Kuḏcitunne Bë-Sacido w Bë-Xalaf,
Hawën aǧawat w mërallan:
”Itawu warox! Mën mqawëm aclayxun!
Mën arco arco kţëlbitu? Mayṯitu yatume gurrin priţe!

Këlle këtlan dawle kayisto, ţëwyo u qaẖfo d qarcayxun!
Mën këbcitu abri?! Alo šqile mënayxun!
Aloh dlë mbaţlitu gëd maškena cal kulxun!

Abri rkadu! Qayëṯxu laẖmo du sosyal!
Msamemu w lë mtanetu! Man kit ţaw më Kamal!
Sëmlelxu madani, maẖëtlelxu qërawa, badle w šafqa…
Heš mën këbcitu?! Abri sawëcitu laẖmo mbayţarxu!”

***

Hani lë baswo…
Aṯilan Galloye Vëžžo, këtle b iḏe xariţa, kyome w komër:
Walid Janpolaţ, Nabih Barri, Ḫasan Naşralla, Mar Marun,…
Hani kulle acmaynane! Gëd maqëmina Jënd ël Šam!
Hatu lë ẖarëwxu, maru ”e” w toxu bëṯri!

Yabo klay, klay! Hawxa lë macjëzët ruẖox!
Ba l man këmmët?!

Alert   IP Print   Edit        Reply      Re-Quote Top

Forums Topics  Previous Topic Next Topic


Assyria \ã-'sir-é-ä\ n (1998)   1:  an ancient empire of Ashur   2:  a democratic state in Bet-Nahren, Assyria (northern Iraq, northwestern Iran, southeastern Turkey and eastern Syria.)   3:  a democratic state that fosters the social and political rights to all of its inhabitants irrespective of their religion, race, or gender   4:  a democratic state that believes in the freedom of religion, conscience, language, education and culture in faithfulness to the principles of the United Nations Charter — Atour synonym

Ethnicity, Religion, Language
» Israeli, Jewish, Hebrew
» Assyrian, Christian, Aramaic
» Saudi Arabian, Muslim, Arabic
Assyrian \ã-'sir-é-an\ adj or n (1998)   1:  descendants of the ancient empire of Ashur   2:  the Assyrians, although representing but one single nation as the direct heirs of the ancient Assyrian Empire, are now doctrinally divided, inter sese, into five principle ecclesiastically designated religious sects with their corresponding hierarchies and distinct church governments, namely, Church of the East, Chaldean, Maronite, Syriac Orthodox and Syriac Catholic.  These formal divisions had their origin in the 5th century of the Christian Era.  No one can coherently understand the Assyrians as a whole until he can distinguish that which is religion or church from that which is nation -- a matter which is particularly difficult for the people from the western world to understand; for in the East, by force of circumstances beyond their control, religion has been made, from time immemorial, virtually into a criterion of nationality.   3:  the Assyrians have been referred to as Aramaean, Aramaye, Ashuraya, Ashureen, Ashuri, Ashuroyo, Assyrio-Chaldean, Aturaya, Chaldean, Chaldo, ChaldoAssyrian, ChaldoAssyrio, Jacobite, Kaldany, Kaldu, Kasdu, Malabar, Maronite, Maronaya, Nestorian, Nestornaye, Oromoye, Suraya, Syriac, Syrian, Syriani, Suryoye, Suryoyo and Telkeffee. — Assyrianism verb

Aramaic \ar-é-'máik\ n (1998)   1:  a Semitic language which became the lingua franca of the Middle East during the ancient Assyrian empire.   2:  has been referred to as Neo-Aramaic, Neo-Syriac, Classical Syriac, Syriac, Suryoyo, Swadaya and Turoyo.

Please consider the environment when disposing of this material — read, reuse, recycle. ♻
AIM | Atour: The State of Assyria | Terms of Service