Assyrian Forums
 Home  |  Ads  |  Partners  |  Sponsors  |  Contact  |  FAQs  |  About  
 
   Holocaust  |  History  |  Library  |  People  |  TV-Radio  |  Forums  |  Community  |  Directory
  
   General  |  Activism  |  Arts  |  Education  |  Family  |  Financial  |  Government  |  Health  |  History  |  News  |  Religion  |  Science  |  Sports
   Greetings · Shläma · Bärev Dzez · Säludos · Grüße · Shälom · Χαιρετισμοί · Приветствия · 问候 · Bonjour · 挨拶 · تبریکات  · Selamlar · अभिवादन · Groete · التّحيّات

I masale Bë-Xalaf Yacqubo+Sacido bu Swed (Surayt)

    Previous Topic Next Topic
Home Forums Government Topic #208
Help Print Share

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

I masale Bë-Xalaf Yacqubo+Sacido bu Swed (Surayt)

Mar-08-2015 at 10:32 PM (UTC+3 Nineveh, Assyria)

Last edited on Mar-08-2015 at 11:06 PM (UTC3 Nineveh, Assyria)
 
I masale Bë-Xalaf Yacqubo+Sacido bu Swed

Alert   IP Print   Edit        Reply      Re-Quote Top

 
Forums Topics  Previous Topic Next Topic

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

1. I masale Bë-Xalaf Yacqubo+Sacido bu Swed (Part 1)

Mar-08-2015 at 10:33 PM (UTC+3 Nineveh, Assyria)

In reply to message #0
 
I masale Bë-Xalaf Yacqubo+Sacido bu Swed

1

Aẖnone, Aẖwoṯe,

Harke bu Facebook, më zabno këmnaqšina masayël siyasiye (cito, mtakazto, gabe, ẖarakat, ẖuyoḏe, ẖuḏre,...) mšakle d aṯilan mënayye ḏarar aw fayde l ramẖël. As sababe mënne, kul ẖa b šëkël kmanţe maḏco. Hano šroloyo, ëlla lo, naqla ẖreto kubena ray. Mede ğalabe ẖalyo w šafiro.

Kit aẖnone, aẖwoṯe... kmëtyaqanno, a kṯawyoṯani kquranne, han naqqa kfëhmënne aw lo maḏco latli. Hën kquranne, kẖayri mir mede cal an noše d këtte aw lo? Haka ksaymi amigotiye, zaţan ftiẖo kmadcëri, bu šëkël dë kfëhmi...

Bi masale d Bë-Xalaf Yacqubo+Sacido, harke nošo cal mal-mëlk, adro, warzo, karmo, dukkano d këtte nošo lë mbaẖasle. Bu bayto mën kuxli, b mëštuṯo d man kruqḏi, nošo lë mbaẖasle...

Hani 40 šne, b cito, b ẖuḏro, b ẖuyoḏo,... rišene. Harke mën sëmme? Kumarno, haka pozitiv w haka negativ, kulan m’aṯrina. Harke këtwolle siyase d barbariye, malaxxe acla. Haṯe, nošo d gurašla l dacwa d ëšmo, d maḏhab aw d dino, kumarno caybo w dukṯo latla harke.

Bu ţboco-froso, nafëq “riše b cito d syrisk ortdoxa, b ẖuḏro,....” Yacni dëkṯo kulan d këzzan. Hiw şërto, cal kul cito d këtle lu camano, hawxayo.
Mën hawi? Heš ucdo hano nafëq li ẖolo?

Kul mede, heš latyo iḏico. D këtyo iḏico, më ëšne b cito, b ẖuḏro kmacwëdi noše man noše d këtte. Bi rasmiye cawode, bas bu fëcël, yatiwe qëm du skambil aw kmabrëmi ğer šuğlo d këtte bi šuqo. Yawmo, tre, šato, tarte,.... kit noše, hawën taqcawid dlo cwodo b mede.

Hani man macwëdile, kit waroqe maḏye cam ëšmo w xëtmo d cito, ẖuḏro bënne. Hën gab i sigorta w hën ste gab u maktab du cwodo. Man bi hayye rišo, sakratar, kasor,... mḏele b ëšme.

I masalaṯe latyo harke lẖuḏe, aš šutose ẖrene ste hawxa ksaymi. W hani kmicaqbi! Dawleyo, kobo kalla, kubco d uḏco u kalla mën kjurele?

Bu šëklano, maẖrawlan ğalabe šuğlone qëm ruẖayna. Han naqla hani, man ţër mëžğël aclayye? Aẖna, Ardoğan, Hafëz, Callo, Jallo,... man?

Kubacno hatu ste d ëmmitu u ray d këtxun!...

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

2. I masale Bë-Xalaf Yacqubo+Sacido bu Swed (Part 2)

Mar-08-2015 at 10:36 PM (UTC+3 Nineveh, Assyria)

In reply to message #0
 
2

Aẖnone, Aẖwoṯe,

An noše bu cëlmo kule kmësnoqi d fëtẖi aw d markëwi šutoso l mede... Yacni cito, ẖuḏro, ẖuyoḏo, hayye,....

Maṯlo, b dëkṯo, haka an noše këmẖalqi zawlo cal i arco w nošo lë kmaltamle, kowe mene kewe bu mëstaqbël. Kloyëm noše ksaymënne ẖuḏro, kmaẖti cal ruẖayye naḏafe w kcuwdi l hawxa. Aw bu trafik, noše d ëmmina cal qanun lë kmalxi... kmoẖën şurca, kqulci cal bahro huwwe sëmoqo,... kowe ḏarar. Noše klëtmi, kkurxi cal čara. Ksaymi ẖuḏro w kobi maḏco cal hawxa.

Bu šëklano kit ẖuḏre laẖ ẖëyewën, li hawa, lad darmone, li ţabica, li siyase, lu spor. U medano koṯe mi sniquṯo w an noše ksaymi ẖuḏro, ẖuyoḏo aw ğer šutoso. Hal aẖna xëd camo hawxana?

Kumarno, hani mnaqšinalle, lë kowe d zaycina mu nëqošo.

Bu Swed w b Awruppa kula, ftëẖlan haqqa ẖuḏre, hani lašan mën fëtẖilan? Skambil, qaẖwe, dëkṯo d ẖuzena ẖḏoḏe aw l barbariye?

Harke bu Swed, ayna ẖuḏro d maydina li iḏo, kumarno lë kforëq... Bi dawle, mqaydo ẖuḏroyo, bas bu fëcël qaẖwe du skambilyo. Tamo mu ftoẖo w hul lu şxoro, an noše skambil kmëštacën. Han naqla harke cal foṯe du skambil qale, şucre, ruqe, ğëbën, cëntiye,... ğalabe kowe. Axlaq harke baẖ ẖuḏre, abadan layt!

Han naqla aẖnone, harke këmzarţina, an oromoye, an oṯuroye, ak kaldoye, ab bëbloye,... bu tarix lë ţralle mede dlë sëmme lan noše di arco...

An noše dë kmëštacën u skambil kulle qralle b Mëḏyaḏ w bi Qamëšlo arkeologi, teologi, filologi, antropologi, sosyologi, tarix, joğrafya, dino, maḏhab,.... layt mede bi arco dlë kuḏcile.

Hani tam 40 šne hawxa maqëmlan i gëmṯo.

Aẖna xëd camo, kulan qadiše mqadše w mbarxena. B manṯo ẖţiṯo latlan, kulan garanti lu fërdayso azolena, la’an kulan mcamḏena. Şluṯo zëd mu cëlmo di arco kula, këmşalena, kducena, këmhawrina w këmzamrina bi cito. Hani kulle dalilne, azolena li malkuṯo di šmayo l së Moran.

Aṯi l boli, u mẖasyo d Xori Brahim Bë-Hajjo, naqla hawxa ẖkeye maẖkëlewoli...

Omër: Jan abri! Gëd maẖkenox i ẖkeyaṯe, haṯe tam aclaynayo w aclayna miro... ẖkeye ğalabe catëqtoyo, maz zabne d meqëmyo.. këtwo ẖa, şuğḏo-şalmowe. Këtwole kërwan, gurašwo ëzzewo hul lu Hënd. Hanowe u kar diḏe, amţewo më kul dukṯo mal lan noše mzabniwole. Maclumyo bad darbe yarixani faytiwo l dëkṯo d mëṯnoẖi. Han naqla hano ya xanwe, ya dayrowa w ya ste qriṯowa. Hedi mëd ṯnëẖiwo qaymiwo l darbayye.

More du kërwan i naqla d fatwo b Beṯ-Nahrin Clayto, be aykowe, më rëẖqe šëmacwo qole basime d dayro. Cal u qolo uṯewo hul quma. Cubarwo mi darga li dërto, hul dayroye dlë mkamliwo, l lawğël lu cubarwo l gawe di dayro. Aq qole ẖëngi d këtwën basime, u sawal d këtwole kafno l bole luṯewo. Haqqa zmoro basimo.

Yalëfwo u zlam kul d nufalwo darbe harke uṯewo manẖatwo. Uxalwo, mëṯnaẖwo, šëmacwo mamre, dumaxwo,... meqëm d qoyëm, be i cade mënwa, ubewo li dayro w malaxwo.

Azze zabno baš bi ẖolo, haw balëq cal i dayro. Kibe bëṯër bë 10 šne, mabramle darbe naqla ẖreto cal i dayro, omër: Aloh hawi zawno, de hama kazzi d ẖuzena naqla ẖreto.

Mëqqa d këmqarëw ẖës ẖasis layt! Meqëm mar ruẖqe šumacwola. Mšawëš! Balki darbo ğalţo falan, ẖzele i dayro omër: Alo këlla haṯeyo, haṯeyo! Bas qay ẖës lë koṯe mena?

Maţi l qëm i darga, ẖëzyole këlla ftëẖto cal qadre d ẖaşa. I dërto hawila 4-5 droce d gelo. Omër: Accccccccaw! Haṯe mënwa! Aloh latyo ẖëlmo dë kẖuzeno!

Cabër li cito, karëx, ẖzele këlla kurte kmawnëqo af farxe d këtla cël mu maḏbëẖo. Nuz-nuz daf farxe kmoẖën ruẖayye b şadra kyunqi.

Dacër nafëq li dërto w maẖëtle lu baxyo. Hawar, hawar diḏe du baxyo këzze l daye falake. Huwwe hawxa baxoyo aṯile ẖa sowo, mërlele: Ya dayfo d Alo, qay kboxët? Mën xeryo?

Maclele riše w maẖkele. U sowo mërlele: Qum! Qum zox! Larke naqla ẖreto haw oṯët! An noše d këmmët aclayye, kulle bu lebo ẖariwewën! I dayro mawxa qšico, ẖiko. Ucdo biyya kẖozët bas kurte cam af farxayḏa kcayšo.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

3. I masale Bë-Xalaf Yacqubo+Sacido bu Swed (Part 3)

Mar-08-2015 at 10:37 PM (UTC+3 Nineveh, Assyria)

In reply to message #0
 
I masale Bë-Xalaf Yacqubo+Sacido bu Swed

3

Aẖnone, Aẖwoṯe,

I naqla d këṯwina harke mëdone siyasi, tarixi,.... yacni mëdone xëd camo d makëwallan, lë kowe d guršinalle l masale d cayle, kowe caybo rabo. Bëṯër cal d këtne ahël, ẖawrone,... ẖa dë mdafëc cal ğalţo d sëmme, heš rab cayboyo.

Ucdo bu ţboco-froso (bağ ğazetat, bu radyo, bu talawizyon) lë këmmi ëšmo d nafšo, këmmi rišo b cito syrisk ortodoxa,... aw b ẖuḏro d syrianska... b cayne du awruppawi, be ayko kit bu ëšmano šutoso w am more d këtle lu šutoso kkaymi b cayne, qay? Msik aclayye ksaymi ẖile! Kgënwi kalla, kmoẖën mi dawle kalla!

***

Gëd ducarno ëšmo la-xalaf, lay yawmoṯo qamoye d aṯina lu Swed. Sëmli qëbole cam aq qamoye d aṯën ba 67 lu Swed. 200-300 nafšoṯo, b Lëbnan, lo iqame, lo šuğlo, lo bayto, lo dabara,... latwolle. Cayšiwo bu fako d mëţewolle mano w mawo, maqḏanwo. Hul ac citawoṯo d Awruppa d hawën sabab, amţanne w mastërënne bu Swed.

Aş şëroyani d aṯënwo, kulle mu ḏëlëm di dawle d Kamalo mahzamwolle. Hën mi caskariye, hën mu bala d maẖëtte aclayye,... hawënwo fërarin. Dcoro lënne, tamo mawtowe.

Aṯën lu Swed. B Avesta maẖtënne b kamp. Ëšme kamp elo këtle kul mede dë klozëm. Maye šaẖine, qayëre, gale, šẖanṯo, muklo, štoyo, kyulfi lišono,.... hawxa zabno gëd midabri, bëṯër kul ẖa gëd ẖuzalle cwodo b walaye, haka abici gëd ëzzën nuqli l tamo. W lo gëd nuţri hul d qoyëṯ i dëkṯo d abici.

Bu zabno du kamp, an noše d sëmli qëbolo acmayye, mëralli: Aẖna aş şëroye, ẖa lë rëẖamwo u ẖreno. Mqatlinawo cal başlo, bu Swed cade d muklo d başlo latwo. I naqla d mawşanwolan amţanwo ëšmo, hani dlë qaṯwolle maqëmiwo i qiyëmto bar ruqe w baş şucre. B gawe di dukkano du zwono, mëskiwo lë ẖḏoḏe li qale, dëng w hay dëng. Ëzzanowo lan odayat dë kfayšina bënne, tamo ste mdawminawo bi qale. Hawxa hawinawo bandat.

E. Hedi ţlëblan ma swediye, këbcina villat! Ma aẖna du kampna! Bdelan këmhaddëdina: Gëd ducrina l Lëbnan! Yawmo may yawme, aṯi u rabo du kamp acme mtarjëmono. Mërlelan ẖarfiyyan hawxa: An noše d kubci ducri, yalla qumu! Këlla ţiyara harke knuţrolxu lu tëwbilo!

Bë šrolo ste amţewolle. Më nošo ”čëţ” mënyo, laṯi w nošo lë qayëm. U zlam ẖzele nošo lë qayëm, madcarre i ţiyara li dëkṯo d këtwa.

***

Koṯe l boli, b riše dan 60’yat, ğalabe noše mu Ţuro, mu ḏëlëm di caskariye w ğer, mahzëmiwo ëzzënwo li Qamëšlo. Bi Qamëšlo an noše d azzënwo meqëm mënayye bi sëbbe du Sayfo w ḏëlëm d aṯiwo bëṯër ste cal qarcayye, ţacënwole, ëmmiwo: Kaṯën ak kafine du Ţuro! Gëd maydi kul šuğlo d këtlan! Cwodo, šuğlo lëbetunne.

Cayni an nošani, mëţanwo l Lëbnan, naqla ẖreto aş şëroye d azzënwo meqëm mënayye ëmmiwonne: Kaṯën ak kafine d Suriya! Cwodo, šuğlo lëbetunne!

Alert   IP Print   Edit        Reply      Re-Quote Top

Forums Topics  Previous Topic Next Topic


Assyria \ã-'sir-é-ä\ n (1998)   1:  an ancient empire of Ashur   2:  a democratic state in Bet-Nahren, Assyria (northern Iraq, northwestern Iran, southeastern Turkey and eastern Syria.)   3:  a democratic state that fosters the social and political rights to all of its inhabitants irrespective of their religion, race, or gender   4:  a democratic state that believes in the freedom of religion, conscience, language, education and culture in faithfulness to the principles of the United Nations Charter — Atour synonym

Ethnicity, Religion, Language
» Israeli, Jewish, Hebrew
» Assyrian, Christian, Aramaic
» Saudi Arabian, Muslim, Arabic
Assyrian \ã-'sir-é-an\ adj or n (1998)   1:  descendants of the ancient empire of Ashur   2:  the Assyrians, although representing but one single nation as the direct heirs of the ancient Assyrian Empire, are now doctrinally divided, inter sese, into five principle ecclesiastically designated religious sects with their corresponding hierarchies and distinct church governments, namely, Church of the East, Chaldean, Maronite, Syriac Orthodox and Syriac Catholic.  These formal divisions had their origin in the 5th century of the Christian Era.  No one can coherently understand the Assyrians as a whole until he can distinguish that which is religion or church from that which is nation -- a matter which is particularly difficult for the people from the western world to understand; for in the East, by force of circumstances beyond their control, religion has been made, from time immemorial, virtually into a criterion of nationality.   3:  the Assyrians have been referred to as Aramaean, Aramaye, Ashuraya, Ashureen, Ashuri, Ashuroyo, Assyrio-Chaldean, Aturaya, Chaldean, Chaldo, ChaldoAssyrian, ChaldoAssyrio, Jacobite, Kaldany, Kaldu, Kasdu, Malabar, Maronite, Maronaya, Nestorian, Nestornaye, Oromoye, Suraya, Syriac, Syrian, Syriani, Suryoye, Suryoyo and Telkeffee. — Assyrianism verb

Aramaic \ar-é-'máik\ n (1998)   1:  a Semitic language which became the lingua franca of the Middle East during the ancient Assyrian empire.   2:  has been referred to as Neo-Aramaic, Neo-Syriac, Classical Syriac, Syriac, Suryoyo, Swadaya and Turoyo.

Please consider the environment when disposing of this material — read, reuse, recycle. ♻
AIM | Atour: The State of Assyria | Terms of Service