Assyrian Forums
 Home  |  Ads  |  Partners  |  Sponsors  |  Contact  |  FAQs  |  About  
 
   Holocaust  |  History  |  Library  |  People  |  TV-Radio  |  Forums  |  Community  |  Directory
  
   General  |  Activism  |  Arts  |  Education  |  Family  |  Financial  |  Government  |  Health  |  History  |  News  |  Religion  |  Science  |  Sports
   Greetings · Shläma · Bärev Dzez · Säludos · Grüße · Shälom · Χαιρετισμοί · Приветствия · 问候 · Bonjour · 挨拶 · تبریکات  · Selamlar · अभिवादन · Groete · التّحيّات

Azolena naqla ẖreto laf ẖarb rabo... (Surayt)

    Previous Topic Next Topic
Home Forums Government Topic #211
Help Print Share

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

Azolena naqla ẖreto laf ẖarb rabo... (Surayt)

Mar-08-2015 at 11:10 PM (UTC+3 Nineveh, Assyria)

Last edited on Mar-08-2015 at 11:10 PM (UTC3 Nineveh, Assyria)
 
Azolena naqla ẖreto laf ẖarb rabo...

Alert   IP Print   Edit        Reply      Re-Quote Top

 
Forums Topics  Previous Topic Next Topic

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

1. Azolena naqla ẖreto laf ẖarb rabo... (Part 1, Surayt)

Mar-08-2015 at 11:11 PM (UTC+3 Nineveh, Assyria)

In reply to message #0
 
Azolena naqla ẖreto laf ẖarb rabo...

1

Aẖe w Aẖwoṯo,

Më aṯmël l adyawma u mede d hawi b Paris mqabël d Charlie Hedbo, kmažbëh cayn lay yawmoṯo b Şarayewo 1913, u qaţlo d hawi mqabël d Ferdinand acme i aṯto. Bëṯër grišo briṯo hedi-hedi lu ẖërobo qamoyo bu cëlmo.

Cayn xi naqlayo ucdo ste, i dawle d Kamalo, më lawğël-lawğël fşiẖene, qayo?

Kubac haṯe ëšmo d šuraẖna...

1878 b Berlin w b San-Stefano, bdele dacwa w qaḏiye d armënoye... bëṯër bdalle as Sayfe. Kulle ste, bu cëlmo qamayto hawi kriz, w bëṯër bdalle aq qaţle di këfriye. B riše dan 1890, hawi qaţle rabe hul šato 1896. Bëṯër bu dawro aṯi 1909, 1912 w Sayfo 1914-15.

Cito yacqubayto, sëryayto ortodoks, b kulle qaţle, iḏo b iḏo mcawanla i ẖkume... Ac calaqatani, hul adyawma fayiši talye w dlo maḏco. Ucdo ste tam maḏco aw maḏco cal kul mede latlan bas hedi-hedi knëfqi li ẖolo.

2 ţëbbax 1914, an Ittiẖadčiye ksaymi qëwolo bu talyo cam Almanya, gëd cubri lu ẖarb cam Almanya, Almanya gëd ubolën kul mede dë klozëm lu ẖarb. Mu silaẖ lu kalla, mu caqël lu cëmoşo d cayno.

Almanya sëmlala strateji caskari, an Ittiẖadciye ste sëmanne strateji caskari l ruẖayye... ẖasab du qëwolo ste, mën d saymi, ẖa lu ẖreno lë kowe d omër mede!...

An Ittiẖadciye yatiwi rsëmme mën w mën klozëm lu siyomo. Qamayto l Anwar, mawtawle aḏ ḏëbbat kulle, masëmile taqcawid, b dukṯayye maẖëtle clayme, kulle b tarbiya d ittiẖad.

Aq qëlube (ẖuḏre) du Ittiẖad bdalle kmaltëmi ar riše du dino, huwanne mën klozëm d saymi... hawxa bdalle b kul dukṯo bi propoganda du dino.

Kul mede b dukṯe cayn xu mede d këbci kmalëx bu cëlmo. Ar riše di Taškilati-Maxşuşa, sëmme u pilan mayko gëd bodën bu cwodo lu siyomo dam milise.

Cësmat Inönü, ḏabëtyo, mšayacle lar riše di caskar kulle: Kmaltëmina caskar lu Safarbarlik, aẖna lbikena bu tëltimo, gabayxun mën caskar d kit mšiẖoyo, hedi-hedi manḏefulle.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

2. Azolena naqla ẖreto laf ẖarb rabo... (Part 2, Surayt)

Mar-08-2015 at 11:13 PM (UTC+3 Nineveh, Assyria)

In reply to message #0
 
2

Aẖnone, Aẖwoṯe,

Af fëclëkat b faẖe w ẖiyal di dawle d Kamalo, mqabël dac came ğalabene, bu medano këtte tajruba, şënca w stediye yarëxto bu tarix. Lë ţucetu, mën d saymo taẖte dayëm kit mede d mawqëḏ noše. Hano lë ţucetulle, ţrowe b aḏnayxun marwodo. L nošo ẖaq, b manṯo lë kobo!

Heš šato 1914’yo. An Ittiẖadčiye cayn xëd ucdo d sëmla AKP ”açılım” cam i PKK, sëmme cam at Ţašnaq, cam ax Xënčaq, cam ar Ramgawar,... gabe d armënoye. Kṯëwwe qëwole cam ẖḏoḏe, d howe ẖarb, gëd kolën cam Tërkiya w lë kmaxini i dawle dë kcayši b gawa. An Ittiẖadčiye sëmme cayni mede cam i cito ste. Huwwe wacdo, ar raforme daš Šeṯ Walayat (Xarpuṯ, Omid, Şiwaş, Arzërum, Wan, Badlis) gëd malxi w gëd misomi.

An Ittiẖadčiye ţlëbbe më Awruppa d mišayëc mfattëšin lašan hawxa. Aṯi tre mfattëšin ḏëbbat caskariye, ẖa më Norwej Nicolas Hoff w ẖa më Hollanda M. Westenenk. An Ittiẖadčiye mëstaqbëlënne, huwanne mcašat, acmayye mtarjëmono čarkaz dr Rašid, bëṯër sëmwo wali l Omid, sëmle qaţlo rabo cal armënoye, rum w şëroye.

Mkamalle šuğle dan armënoye, mawtëwënne cal danwayye, bdalle an armënoye d yëtwi w ẖulmi lar raforme ema gëd bodën? Naţiri w naţiri... adyawma, ramẖël, adšabṯo, šabṯo ẖreto, u yarẖano yarẖo ẖreno,... d ẖuzena, mşaberu, lë malëzitu, ucdo u waxt ciqoyo,... hawxa lan Ittiẖadčiye msalanne hul d ţiq u ẖarb!..

Cayni mede sëmme cam aş şëroye ste, luzamwolle cito b Mërde, huwanne qarar rasmi: Sumu! Huwyo cal u xer! Huwanne ţapo w maḏbaţa rasmi, xtëmto w mḏito mu šëlţono Mehmed Rešad V. Ha haṯeyo Këncan Gürdal u mërdënoyo d komër: Huwallan cito. Ucdo ste huwanne cayni mede.

I cito d Mërde lë camiro, nafëq ẖarb, bdela li dawle d maltëmo safarbarlëk. Am macmërone w ğer mam macmërone bdalle d quranne li šucba di caskariye. Nošo d soyëm cmara, lë fayëš, azzën lu Safarbarlëk l Ḫasan-Qalca, lu ẖëdud d Ruşya.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

3. Azolena naqla ẖreto laf ẖarb rabo... (Part 3, Surayt)

Mar-08-2015 at 11:13 PM (UTC+3 Nineveh, Assyria)

In reply to message #0
 
3

Aẖnone, Aẖwoṯe,

I masale di kṯawto w di kṯiwuṯo b şurayt, bu darğo qamoyo, abadan latyo l dacwa lašan d howe qumayna darbo dlo kube, msawyo d mabrëq w d mačlëş siyasi. Bu caks i kṯawto w i kṯiwuṯo, kẖuzetu b caynayxun, kẖëwyo u šrolo d këtlan, haṯe l larwal, haka kobo şërto siyasi, i macnayḏa, këmarno, mu lebo, këbcina ğiyoro lu šrolo d këtlan’yo.

Aloh! Haaaa ha i qalaṯeyo, aẖna dlë fahëminala! Këtla sababe ğalabe ha!.. Yacni latne ẖa w tre!.. Ǧalabe-ğalabene!

***

Gabayna bu tarix, i cito, këtla dawro ğalabe rabo bi ẖale d adyawma d maţinala. Bas haṯe, maclasaf latyo haqqa iḏëcto. Qayo? Maḏco nëquşo këtlan.

Qamayto, aršive di cito, dayëm laẖna lac cëlmoye, şxire fayiši. Ucdo ste şxirene! Tamo b gawayye, mën kit? Mën layt? Gab kulan, maḏco şëfëryo.

Da tre, maḏco d këtlan .... b gawe du camo, nošo mfatšono, mbacţono, mšaylono,... lë qayëm!

Da tloṯo, i zëcṯo di nuro di gihano, i cito bë stediye qadiro d maẖtola b lebe d kulan w grëšina l xaşra. Hawxa yalëfina, mcamaşlan caynayna w şxërlan femayna, šalina lu mede dë ksaymo w d sëmla bu tarix.

***

1914 hiw maḏbaţa rasmi li cito, b Mërde gëd saymo cito. Mqabël d hawxa, i cito mën sëmla? Mën huwla li dawle? Mën wcëdla li dawle? Ma këtxu xabro? Hani kobëc d mitaẖkën... kul man d këtle maḏco, harke dlo zëcṯo d fëlağle acmayna gëd mëfşaẖno.

2 tëšrin-ẖaroyo 1914, an Ittiẖadčiye kcëlmi “Jihad w ẖarb”. B Mërde, i faţëryarxuṯo b ëšme di cito, kfërso “manšurat” lah hadome b oşmanli. Bënne kmawḏëco, kul hadomo, dlë mcawën i ẖkume mqabël du dëžmën d këtla lawğël w larwal gëd qaṯle ẖërmo.

Meqëm mena, bi faţëryarxuṯo, am mërdënoye qayimi cal faţëryarxo Cabdalla (1833-1915), jbir d qolëb katolik, mẖawtëk më Mërde. Jbir azze lu Ţuro, l Mëḏyaḏ. Harke qariwo lu darbo d Karjos, bab bote dëb Cammo Daẖẖo u fërmači, bnewole bayto, hul ucdo heš b Mëḏyaḏ këmmile: U bayto du Abën.

Harke ste, ar rabe d Mëḏyaḏ qayëmi acle, jbir šato 1914 d ţore më Mëḏyaḏ, w azze lu Qëdës. Cal i sësto d këtwole rawëx w nafëq më Mëḏyad. Larwal d Mëḏyaḏ maklele i sëstayḏe w mabramle foṯa cal Mëḏyad w dcele hawxa cal Mëḏyaḏ: Mëḏyaḏ! Ţalobono mu morayḏi d soyëm arcëx qarcëx w qarcëx arcëx!

W malaxle lu Qëdës, tamo nqil maẖ ẖaye bi šato dan 1915.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

4. Azolena naqla ẖreto laf ẖarb rabo... (Part 4, Surayt)

Mar-08-2015 at 11:17 PM (UTC+3 Nineveh, Assyria)

In reply to message #0
 
4

Bi masale di kṯawto du tarix, kit maṯlo w hano koṯe xëd šëwolo ste: Man gëd koṯëw u tarix d man?

Mëd yalëfina, hano mën macna këtle lu mëstaqbël d këtlan? Hedi bëṯër gëd yëlfina d maqëminalan jil, mena qaroyo w mena ste kaṯowo bu tarix!... Hawxa jil, hedi huwwe ste, cayn xëdwoṯayna gëd mjarëb koṯëw, u mede dë kṯëwle ste gëd maẖwele laq qaroye d këtle.

Aẖna bu cwodo d adyawma d këtlan hawxa ksaymina? Aw lo?

***

Nošo b cayno d Alo, zaẖmeyo w laybe d ẖoze cëlmo aw briṯo, hano ğalabe-ğalabe zoryo w latla ëmkan ẖa d mëţele. Am malfone rabe d kit bu tarix, më kul lebo këbci d moţën l hawxa darğo, bas kuḏci u ëmkanano ḏacifyo, lë kowe. Amma naqla ẖreto kcëwdi w këmfatši lašan d howe laẖna lan noše maḏco zëd më meqëm aclayna. Šroloyo, adyawma zëd më aṯmël këtlan maḏco cal ruẖayna w cal ğer më ruẖayna. Dë mdawmina hawxa, ramẖël lu ẖreno, maclumyo zëd gëd howe.

***

Prof. David Gaunt, more d maḏco b šëwolo d Sayfo, b zabno karyo, ţrele xabro d Sayfo d solëq l darğo d lazëm më zawno d sëlaqwole.

Xëd camo, aẖna bë šrolo raẖëqinawo mu Sayfo! Bu cwodo yëlfonoyo d huwle w d kobe, maqrëwlelan lu Sayfo. Heš ucdo, hedi-hedi bdelan kfëhminale w këwenale moro.

Bas lë ţucetu haaaa! Heš darbo du cwodo raẖuqo w yarixoyo. Meqëm ẖayrinawo bi masale bas masale d qaţlo w nẖoro d nafšoṯo ... hedi-hedi hano kmiğayër l ğalabe fage b gawe du cwodo du Sayfo. Bdele knofëq li ẖolo bu ekonomi, bi marduṯo, bi joğrafya, bu lišono, bu qëwomo, bu yqoḏo dë kṯowe, bu mal w mëlk, niše, nacime, damografi, cito, citawoṯo, Paris 1919-20, hayyat, aršiv, kṯowe, şërtoṯo, dokumane w bëṯër mu Sayfo mën hawi?

Prof. David Gaunt, xëd malfono b Sayfo, u mede d nafël acle sëmle w sëmle ste b ziyudo.

Aẖna am more du Sayfo mën sëmlan? Haka nošo koḏëc, këtle maḏco, i šira d këtli, dlo zëcṯo ytawu w kṯawulle.

***

Bi šato dan 1914, bu Ţuro hawi ẖadisat ğalabe cal iḏe di dawle. Hani heš tam latne iḏice, bas hedi-hedi knëfqi li ẖolo. Zaţan bu cwodano d lowe şabër, d lowe nafas yarixo,... latla ëmkan b yawmo ẖa, ẖa d qodër manfëq kul mede li ẖolo. Mawxa kobëc d huwelan şabër.

An Ittiẖadčiye, u pilan d sëmme lu Sayfo, cayn xëd lebayye kmalëx. Kul mede b dukṯe, cal i saca ẖa b ẖa, nuqţo b nuqţo, malaxwo.

Bu talyo mabdalle u qaţlo qamayto bi caskariye. Man këtwo caskar mšiẖoyo, yacni armënoyo, kaldoyo, oṯuroyo, şëroyo, rum,... bal lalye maltëmiwolën qaflat-qaflat, bi cëtmo larwal daq qëžlat d këtwolle durxiwonne li arco. Bi dëkṯo ste ţëmriwonne.

An noše dë kmaltëmi lu Safarbarlëk cayni mede, bad darbe maşre, blalyo kmaqţëli bënne. Hawxa lo ẖa w tre qţil, qţil ğalabe gawre mšiẖoye. I ğaye mena, gawro kibe macle iḏe l qaţlo lë kowe d foyëšwe. Bëṯrayye d foyëš niše w nacime, šuğlayye başitwe, latwe zaẖme.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

5. Azolena naqla ẖreto laf ẖarb rabo... (Part 5, Surayt)

Mar-08-2015 at 11:18 PM (UTC+3 Nineveh, Assyria)

In reply to message #0
 
5

Alain de Button mërle:

Ac cëmqe d këtlan l fëşẖo rabo, mede cëjbo, qariwene l jërẖo d këtlan rabo.

***

Almanya, heš ban 1800’wat, markawla ruẖa d rëhţo b ẖëngaliyo cam Faransa w Briţanya. Hani këtwolle koloniye, uxliwo i emo w i barṯo, Almanya mfarjowa aclayye.

Sëmlala pilan, aydarbo gëd nëfqo rišo acmayye? Dlo maḏco, dlo caqël,... lë kowe!.. Bdela këmšayco yaḏoce, madani w caskari lu cëlmo. Hani bdalle kmaltëmi maḏco cal tarix, cal joğrafya, cal marduṯo, cal lišono, cal dino, cal maḏhabe, cal citawoṯo, cal jëwemëc, cal cašëryoṯo, cal cadat w cal krohe w nafre d kit bayn d came.

Aṯi Moltke, bëṯre Goltz,... markawwe doktrin caskari lu ordi di oşmanliye. Caskarwën, huwwe caqël, širat,.. bu mëstaqbël, aydarbo caskari kibën at tërk d fayši? Mën klozëm lë siyomo?

Madani aṯi E. Sacau, Albert Socin, Eugen Prym,... fayiši bay yarẖe w ban ëšne, maltamme maḏco. Hano šqëlle b kalla, amţalle l Berlin. Bdalle d fërsile ba mgale. Hawxa Almanya bdele kuwela maḏco, mën kit w mën layt? Mën klozëm w mën lë klozëm?

Sëmlala strateji kolonyal caskari. Kibe tahlika, mëštaylonuṯo,... hano kobëc nošo d loḏëc buwwe!... Ayko ẖa kibe samle? Karixi bu cëlmo. Bi ẖarayto ẖzalle, dëkṯo ansab më Afriqa layt! An noše mena kome w mena ste kafine, lë kţowën u fako d kuxli!...

Bi ẖarayto dan 1800, Almanya naẖito cam caskar l Nabiya, l Kenya,... bdalle d saymi baniyat taẖtoye w cloye lu cwodo d këtte lu mëstaqbël. Amţalle bu zor alfowat d noše afriqaniye, macwëdënne lu cwodo xëd yasire, cabde w grece. Uṯanwo b halxo, b carabat d guršiwonne aq qanyone b darbe raẖuqe w yarixe. Lu cawodo bu yawmo ubanwo falge d kilo ya rezo w ya qamẖo. Cayn xu sistam d sim bu ẖtiyat daş şëroye bi šato dan 1941.

Macwëdënne ëšne, mkamalle, an alman bdalle bu štoyo di bira w du alkol. Hawxa bdalle d mëžğoli aydarbo afriqaniye kmëqšoci?! General Lothar von Trotha l hawxa mšayacwo, masëmle Sayfo rabo cal camo d herero b Namibya. Cayni mede sim cal ğer came ste.

Briṯo këtla haj mu mede d hawi, bas nošo lë mtanele. Almanya ẖzela, madam nošo lë këmtane, u darbo ftiẖoyo lu halxo.

1890, af fabarëq du silaẖ b Almanya, manfaqqe a tfënag qamoye, lu qaysar hani xëd këtne mšaycile hadiye l Šëlţono Cabdul-ẖamid. Hani, xayifo ţralle Cabdul-ẖamid d markëw “Alaye” d hamidiye mac cašëryoṯo kurmanj. Kulle msalẖile ba tfënag du alaman.

Hedi bdalle bu qaţlo w tëqţilo. Armënoyo, rum, şëroyo, čalkoyo, cëbroyo,... “Ya gëd howe ţayo w ya gëd mëqţël!” Ba mëqqa qţil? Bnoyo latle! B dukṯayye bdela li dawle d mëlyo ţaye mu Balqan, më Qafqasya, mad duwal dac carab,.... Kul gawro kmadle 4-5 niše mu čur da mšiẖoye, mëdde lan nacime w mëdde lu mal w mëlk. Yawmo cal yawmo zayidi w aẖna a ḏlime naqëşina w hay naqëşina.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

6. Azolena naqla ẖreto laf ẖarb rabo... (Part 6, Surayt)

Mar-08-2015 at 11:20 PM (UTC+3 Nineveh, Assyria)

In reply to message #0
 
6

Aẖe w Aẖwoṯo,

Bu kṯowo ẖa i naqla d koṯëw tarix, ma kit apyas mena i naqla d ţore noše dlo kṯowo bu tarix? Amţawu l bolayxun hama i naqla d nëfaqwo ëšme d Mëḏyaḏ, d Mërde aw d şëroye bu ţboco-froso b tërki heš aẖna bu Ţuro, ba mëqqa mëfşëẖinawo!...

Amma bi rasmiye, aẖna latwo, tërk w ţaye ẖšiwewan. Naqqat nošo më larwal dë mšayalwo, ëmmiwonne: Këtlan kmo ẖappoṯo mšiẖoye, yacni tërk mšiẖoye.
Hawxa yawmo cal yawmo bëṯër mu Sayfo, ţacinawo manna w man latna!

***

Faylasof yawnoyo ëšme Diogenes, cayëš MM b 400 šne. Kowe babo di ẖarbuṯo (Synisim). Bu zabnayḏe, cayëš ẖaye cayn xëd ẖaye d ẖaywan. Bimomo dayëm b iḏe šroğo (gazëke) baz zabëqone karoxo. Këtwole qullake nacëmto, nqëwto bi arco, biyya dumaxwo. An noše d ẖuzanwole mšayliwole: Hano cal mën kkurxët hawxa? Madcarwo aclayye: Cal nošo! Nošo d komër cal ruẖe, ëno nošono!

Yacni nošo d këtle lebo w iboco qawyo, quwwe d macle riše, dë mqawëm, b lebe ẖubo d nošuṯo,...

***

Aẖe w Aẖwoṯo,

Baẖ ẖaye dan noše u kṯowo mëqqa dëkṯo clayto këtle, hano kaylo latle. La’an u kṯowo kmaẖke tarix, kmaẖke u mede mvayco, u mede dlë kmiḏëc. Lë ţucetu, u kṯowo ste këtle tarix d ruẖe. W hano këtle ẖkeyat mšakle. Harke ëno gëd maẖkeno ẖḏo bëlẖuḏe.

An Ittiẖadčiye, hënne ste cayn xëd aš šëlţone d meqëm mënayye d sëmme qaţle cal a mšiẖoye, tëwqiḏo du kṯowo lašanayye ğalabe muhimwe. Yacni cam u qaţlo d maqţëliwo mšiẖoyo,... be mën këtwo acle kṯiwo ste, muqḏiwole. U sabab, yawmo may yawme, d qamle lu mšiẖoyo nacimo, d loḏëc, meqëm mene këtwole tarix. Hawxa ğalabe mënayna ţrena dlo wariḏe, dlo maḏco cal aṯmël mën këtwolan w mën latwolan.

Bu tarix, bam momo ğalabe mënayxun qralxun aw šamëcitu cal jëwemëc rabe w catiqe, meqëm citowën. Hani këtwolle kṯowe mšakle, sahmo rabo hiwi li nuro w azzën hawën qaţmo.

***

Bu pilan dan Ittiẖadčiye lu qaţlo, hano naqla ẖreto asaswe. Ayko d hawi qaţlo cal an noše, tamo mawqëḏ kṯowe ste... han naqla lo ẖa w tre, caşro-alfowat. Hawxa fayišina parrutin dlo kṯowe w dlo maḏco cal ruẖayna.

B Mërde, b Sëcërt, b Omid, b Mëḏyaḏ, bë Gziro, b Hakkari, bu Wan, b Urhoy, b Xarpuţ, bi Addane, b Cëntab, bë Nşiwën, b Lëje, b Tël-Mawzal (Waranšahër),... mawqëḏi a kṯowe daş şëroye, dan armënoye, dar rum w dač čalkoye.

Adyawma kẖayrina lë ẖḏorayna w kẖuzena mëqqa ţwire du maḏco fayišina w ţrena. Cam hawxa, kẖuzetu hatu ste, mëqqa karohe w dëžmën hawina lu kṯowo d komër mede aclayna. Qayo? W hano aydarbo hawi? Kubacle cwodo!

***

Aẖe w Aẖwoṯo,

I ẖale catëmtaṯe, lašan d miğayro gabayna, bdeli bu froso du kṯowo harke bu Swed, më zawno. Adyawma kmaẖtitu bolo, bi sëbbe du kṯowo bdele hedi-hedi kowe fhomo, maḏco,... cal u Sayfo, cal u şurayt, cal u urhoyo w cal i ẖale mfarfasto d këtna biyya.

Bas lë ţucetu, darban heš yarixo w raẖuqoyo.

Alert   IP Print   Edit        Reply      Re-Quote Top

Forums Topics  Previous Topic Next Topic


Assyria \ã-'sir-é-ä\ n (1998)   1:  an ancient empire of Ashur   2:  a democratic state in Bet-Nahren, Assyria (northern Iraq, northwestern Iran, southeastern Turkey and eastern Syria.)   3:  a democratic state that fosters the social and political rights to all of its inhabitants irrespective of their religion, race, or gender   4:  a democratic state that believes in the freedom of religion, conscience, language, education and culture in faithfulness to the principles of the United Nations Charter — Atour synonym

Ethnicity, Religion, Language
» Israeli, Jewish, Hebrew
» Assyrian, Christian, Aramaic
» Saudi Arabian, Muslim, Arabic
Assyrian \ã-'sir-é-an\ adj or n (1998)   1:  descendants of the ancient empire of Ashur   2:  the Assyrians, although representing but one single nation as the direct heirs of the ancient Assyrian Empire, are now doctrinally divided, inter sese, into five principle ecclesiastically designated religious sects with their corresponding hierarchies and distinct church governments, namely, Church of the East, Chaldean, Maronite, Syriac Orthodox and Syriac Catholic.  These formal divisions had their origin in the 5th century of the Christian Era.  No one can coherently understand the Assyrians as a whole until he can distinguish that which is religion or church from that which is nation -- a matter which is particularly difficult for the people from the western world to understand; for in the East, by force of circumstances beyond their control, religion has been made, from time immemorial, virtually into a criterion of nationality.   3:  the Assyrians have been referred to as Aramaean, Aramaye, Ashuraya, Ashureen, Ashuri, Ashuroyo, Assyrio-Chaldean, Aturaya, Chaldean, Chaldo, ChaldoAssyrian, ChaldoAssyrio, Jacobite, Kaldany, Kaldu, Kasdu, Malabar, Maronite, Maronaya, Nestorian, Nestornaye, Oromoye, Suraya, Syriac, Syrian, Syriani, Suryoye, Suryoyo and Telkeffee. — Assyrianism verb

Aramaic \ar-é-'máik\ n (1998)   1:  a Semitic language which became the lingua franca of the Middle East during the ancient Assyrian empire.   2:  has been referred to as Neo-Aramaic, Neo-Syriac, Classical Syriac, Syriac, Suryoyo, Swadaya and Turoyo.

Please consider the environment when disposing of this material — read, reuse, recycle. ♻
AIM | Atour: The State of Assyria | Terms of Service