Assyrian Forums
 Home  |  Ads  |  Partners  |  Sponsors  |  Contact  |  FAQs  |  About  
 
   Holocaust  |  History  |  Library  |  People  |  TV-Radio  |  Forums  |  Community  |  Directory
  
   General  |  Activism  |  Arts  |  Education  |  Family  |  Financial  |  Government  |  Health  |  History  |  News  |  Religion  |  Science  |  Sports
   Greetings · Shläma · Bärev Dzez · Säludos · Grüße · Shälom · Χαιρετισμοί · Приветствия · 问候 · Bonjour · 挨拶 · تبریکات  · Selamlar · अभिवादन · Groete · التّحيّات

Fredriche Nietszche (1844-1900)

    Previous Topic Next Topic
Home Forums History Topic #67
Help Print Share

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

Fredriche Nietszche (1844-1900)

Dec-10-2013 at 09:48 AM (UTC+3 Nineveh, Assyria)

Friedrich Wilhelm Nietzsche
Photo: Wikipedia
Fredriche Nietszche (1844-1900)

Jan Beṯ-Şawoce

Faylasuf almani Nietszche, këtle mamro ẖalyo, cal šëwolo, aẖ ẖaye mënne w mën latne! Hani mën macna këtte? Harke hani kubac d fëlaǧnolle acmayxun.

Bu kṯowo di aforizma, Nietszche faylasuf rabo w iḏicoyo. Kṯëwle cal u mawto d Aloho w komër: Aloho mayëṯ! An noše, bi arco fayiši l ruẖayye, dlo sarmiyan. Mawxa: Këtwo zabno, an noše këtwolle sabro w nëţriwo ǧalabe mëdone më Aloho … hani kobëc b maḏco d ţuranne l xaşra w obi ruẖayye lu cëlmano.

I naqla d howën hawxa, u ţëşiro di calaqa bayn lu fëkër w laẖ ẖaye lënne gëd howe başit.

Bu mamro d këtle laltaẖ cal aṯmël w cal adyawma w cal ramẖël … b gawe ẖšëkle w ẖbëkle az zabne bë ẖḏoḏe, lu fhomo.

Bu ray diḏi, l goran du fhomo d hawili më Nietszche, u sahmo daz zabnani hawxa dë mgargëšile më ẖḏoḏe w lë ẖḏoḏe, kobi lu yalifo d ẖoze w d mëftakër rabo bu yëlfono d këtlan cal ẖaye.

Kmëtmaneno hatu ste d quretu w rëẖmitu u ylofo daẖ ẖaye, ţaw mu mede d kuḏcitulle. Aw hatu, mën ray këtxu cal ẖaye?

Ḫaye

Lu azolo fëš lë kowe d ëmmët …
Lu aṯoyo fëš, mamro d mëskeneyo
Lu ẖa d fayëš, izox, mamro d qaračyo
Lawo dlë dacër, dcar, mamro d cajizeyo
Lawo d këtle ẖaq d omër, izox, mamro d aşilinyo
Kul ẖa, zëd mu ẖaq d këtle, lëbatle, w dlo …
Dayëm, hat gëd howët dlo qiyme …

Mëftakër, man ǧer menox, kibe ţore lebox?
Man kibe mole i xalyuṯo d lebox, hat d lëbcët?
Man kibe mafşaẖlox w hat lo ẖaḏiro?
Man kibe ţowër, mfarfës, dlo menox?
Kul mede kbode acmox, yabo ktoyëm acmox ste …
Ţrowe qawyo lebox, lë ḏaybët, lë maḏibët,
Laẖ ẖaye, i ẖubo d kit b lebox, lë maḏëbatla
(I čara hatat w dlo ste hatat)

Ëno ma ẖaye cayëšno, malkuṯo w gihano, a tre ẖzalli
Ëno ma ẖaye laqino b ẖubo, yqoḏo ste w ţroyo ste ẖzalli
An noše mu şadro, cal aẖ ẖaye mfarjiwo,
Ëno ẖzeli ruẖi, cal dëkke d tiyatro, kmëštaceno
Ma dawro hëwanwoli, mëqqa dë qreli, fhomo lë fahëmnole

Naqlat yatiwo bu bayto, lruẖi mëžǧeli w hay mëžǧeli,
bi ẖale d këtwi, naqlat qẖiro w naqlat ste gaẖëxno
Bëṯër mërli: Yabo klay! Hama haw ẖaq l ruẖox ste!

Haka krëẖmët baẖare, kobëc d rëẖmët šalqat ste
Haka këbcët d mërẖomët, i naqlayo kobëc d yëlfët rëẖmët
Haka kibox fayrët, kobëc d yëlfët, kit nfolo ste
Haka b zëcṯo kcayšët, i naqlayo aẖ ẖaye fërojo këmfarjatte

Ma ẖaye cayëšno, u mazlo hawxa xayifo aḏëcne
Ma qiyme këtle lu zabno, mawxa dayëm lë malëzli
Hawxa fahëmnole.

Širat basime
Bu mamro
më yalife iḏice

Jean Paul Sartre, mëftakrono faransawi, moro d Xëlca d Nobel mërwole ”Max xabre samnowo bëqoṯo”.

Kleber Haedens mërle: Am mamre kmërẖomi, i naqla bënne d luqena, dlo ẖzoyo, dlo sniquṯo lë šroẖo, këmmina ”Ha hano mamro!”

Robert Lynd mërle: I waḏife d mamro l nošo, fqoẖo dë šrolo l ẖayene.
W këmdawëm hawxa: U mamro, kobe quwwe li nafšo, malizo d rëhţo bëṯre du sër d kit baẖ ẖaye, bu cëlmo w bu kiyono.

Mamrono iḏico faransawi Baudelaire mërle: Tre yawme i nafšo kiba fayšo dlo mëklo, bas dlo mamro, nafšo tre yawme layba d fayšo!..

Attachments

Alert   IP Print   Edit        Reply      Re-Quote Top

 
Forums Topics  Previous Topic Next Topic

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

1. Lašan rëqco d arco …

Dec-10-2013 at 09:50 AM (UTC+3 Nineveh, Assyria)

In reply to message #0
 
1

Lašan rëqco d arco …

Hawxa mu hayyën lawina camo haaaa!
B kul qërniṯo, lalcël, laltaẖ, yamino, semolo
manẖatlan admo cël mena w şwico
Cafra, qiyëmto d suhḏe mëdle, dlo bnoyo

Adyawma kẖarno lë ẖḏori, kẖuzeno
Këllan heš cayošena, abëcno
D amţeno l boli w l bolayxun
Lašan d maškërina w d ëmmina:
Mẖasye huwetu! Mëṯneẖu!

Maẖëtte cayno w mëdde ab bebav u cafro
Warox aẖna, më abul jëd camowan! ab bebav laḏici
Arco ẖërto w ţapo këtlan biyya, mawxa qayëmina!
Ḫiruṯo! mërlan w biz u admayḏan, hano lë ţce!

Arco elan namës hat! Mawxa maẖëtlan caza,
Lalyo w imomo kbëxena aclëx w cal suhḏëx!
Camowan, mawto halbat sohḏuṯowe elan!

Ag gawre gabore lë zayëci w lë kzayci
Şadro b şadro mẖalle w mhawarre:
Aẖnana an abne du cafrano! Ymelan!
B iḏe d nošo xayën haw kţurenale! Hano wacdoyo!

Heš rëẖwoṯo d lozëm, ẖaḏirena d ubena!
Elëx arco w cafro, suhḏe më ẖaṯo gëd howina!
Dlo šak, cayne mcamşe ste gëd malxina!
Rëdodo w dcoro ste abadan latlan!

I dacwa, rëqco d arcoyo ha! Lë ţucetu!
Nacimo, rabo, aṯto, gawro kulan hawina ẖa rez!
Aşilwan, asaswan mërlan: Lo! Lu ḏëlëm! Huwlan ruẖan!
Nafëlina suhḏe, fayišina yatume, armële, armalyoṯo,..

Arco menëx abadan latna ǧbine, hawxa caybo!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 305
Member Feedback

2. Kito dëkṯo …

Dec-10-2013 at 09:51 AM (UTC+3 Nineveh, Assyria)

In reply to message #0
 
2

Kito dëkṯo …

Aloh tam bi dëkṯo dë mẖeli b lebëx,
De hama ëno ste mẖeno, iḏaca
Mawxa lë maẖëtli lu baxyo bi cade d këtli
De han naqla fahëmatli lo?!

I hawa msamamto d maẖët cal şurayt
ẖad rišëx maẖrawla bayti!
D bëxeno way! Dlë bëxeno way!
Ma d bëxeno gëd šëmcatli bi kṯawto?

Haka manẖatli damce
w hani hawën qiyëmto
Ma kibëx b iḏëx d dayqatte?

Kito dëkṯo kuḏacna, tamo kmiţamër
Hama mar mën d koṯe l bolo, kṯawa
Kuḏac ǧalabe ste mqarawlila, kšumacna

Bas aloh laybi d maẖkena!..

Alert   IP Print   Edit        Reply      Re-Quote Top

Forums Topics  Previous Topic Next Topic


Assyria \ã-'sir-é-ä\ n (1998)   1:  an ancient empire of Ashur   2:  a democratic state in Bet-Nahren, Assyria (northern Iraq, northwestern Iran, southeastern Turkey and eastern Syria.)   3:  a democratic state that fosters the social and political rights to all of its inhabitants irrespective of their religion, race, or gender   4:  a democratic state that believes in the freedom of religion, conscience, language, education and culture in faithfulness to the principles of the United Nations Charter — Atour synonym

Ethnicity, Religion, Language
» Israeli, Jewish, Hebrew
» Assyrian, Christian, Aramaic
» Saudi Arabian, Muslim, Arabic
Assyrian \ã-'sir-é-an\ adj or n (1998)   1:  descendants of the ancient empire of Ashur   2:  the Assyrians, although representing but one single nation as the direct heirs of the ancient Assyrian Empire, are now doctrinally divided, inter sese, into five principle ecclesiastically designated religious sects with their corresponding hierarchies and distinct church governments, namely, Church of the East, Chaldean, Maronite, Syriac Orthodox and Syriac Catholic.  These formal divisions had their origin in the 5th century of the Christian Era.  No one can coherently understand the Assyrians as a whole until he can distinguish that which is religion or church from that which is nation -- a matter which is particularly difficult for the people from the western world to understand; for in the East, by force of circumstances beyond their control, religion has been made, from time immemorial, virtually into a criterion of nationality.   3:  the Assyrians have been referred to as Aramaean, Aramaye, Ashuraya, Ashureen, Ashuri, Ashuroyo, Assyrio-Chaldean, Aturaya, Chaldean, Chaldo, ChaldoAssyrian, ChaldoAssyrio, Jacobite, Kaldany, Kaldu, Kasdu, Malabar, Maronite, Maronaya, Nestorian, Nestornaye, Oromoye, Suraya, Syriac, Syrian, Syriani, Suryoye, Suryoyo and Telkeffee. — Assyrianism verb

Aramaic \ar-é-'máik\ n (1998)   1:  a Semitic language which became the lingua franca of the Middle East during the ancient Assyrian empire.   2:  has been referred to as Neo-Aramaic, Neo-Syriac, Classical Syriac, Syriac, Suryoyo, Swadaya and Turoyo.

Please consider the environment when disposing of this material — read, reuse, recycle. ♻
AIM | Atour: The State of Assyria | Terms of Service