Jan Bet Sawoce
    Member: Sep-14-2011 Posts: 443 |
Jun-16-2015 at 06:56 AM (UTC+3 Nineveh, Assyria) |
In reply to message #0
7 Tawdi l Camaniyel Poli cal d hulelan u kṯowo d “Sayfo Rabo,...” b tërjomo d ingilizi. Mërwoli, bdelan kqurena buwwe. Ba kṯawyoṯo d meqëm mërwoli, ay yaḏoce bu cwodo d kit qumayye, dayëm more d şabërne. Cajala abadan latte, haka kubacce mede kkurxi acle ban ëšne. Naqlat kloqën w naqlat ste balki lë kloqën bu mede d kubci. Ëno hawxa b şabër mqafeli ǧalabe mëdone muhim. Hani hedi-hedi kfërasnën b gawe da kṯowe. *** Karëxno cal u orijinal d “Sayfo Rabo,...” b Awruppa, b Camariqa w bu Madënẖo ste. Mëdle zabno, bas bi ẖarayto maţi l iḏi kopya, xëd këtyo. Mëqqa fşëẖnole laybi d umarnolxun. Xayifo bdeli d makṯawne naḏifo. La’an David abëc meni d ẖuzeno cal hën mu tërjomo, cal d latwe u tërjomo kayiso, w hawxa kit ǧalabe bu tërjomo du ingilizi. Şëţfe b dukṯo kluqeno b carabi Safar Safar kmaẖke bu carabi an nišane, am madalyat, ... d qayëṯla li cayle mu šëlţono, bas bu ingilizi hani layt! Lë mtarjëmi! Simi şansur. Qay simi şansur? Maḏco latli! Karëxno bu kṯowo du ingilizi, umarno balki b ǧer dëkṯo maẖti, naqla ẖreto lë ẖzalli!? Foṯo b foṯo karëxno, tërjomo lë ẖzëlilën! Hani lu mtarjëmono huwwe lë mtarjëmile, l H̱anna Karkënni maylile, l Camaniyel Poli maqëmile, maḏco latli! *** Bi Oşmanliye, meqëm yawme d cruto, b dukṯe d yawme d ẖëššabo, baţlonowe. B Mëḏyaḏ, kul yawme dë cruto bi şaraye di ẖkume (adyawma ab bote Bë-Sţefan, cal feme di rawmo b Mëḏyaḏ) këtwo ẖago b ëšmo d “Selamlëq”. Saymiwo šëboẖo l šëlţono, li ẖkume w li Oşmanliye. Bëṯër mu ẖago, an noše d këtwayye şadëq cam i ẖkume, mitahwewulle hadiyat b ëšme du šëlţono, lašan aş şadëq zëd d miţaşri bi dawle w bi ẖkume. Mawxa ah hadiyatani këtwolle ëšmo b ëšme d šëlţono H̱amid. Maṯlo: Nišan H̱amidi, madalya H̱amidi, sayfo H̱amidi, hroro H̱amidi, bëšto H̱amidi,... w hawxa.
| |
Alert IP |
Print Edit
Reply
Re-Quote Top | | |
|
Camaniyel Poli këmdafëc bas cal cayle, lo mede ẖreno... ... [View All],
Jan Bet Sawoce , 06:26 AM, Jun-16-2015, (0)
- Part 1 (Surayt),
Jan Bet Sawoce , Jun-16-2015 at 06:29 AM, (1)
- Part 2 (Surayt),
Jan Bet Sawoce , Jun-16-2015 at 06:31 AM, (2)
- Part 3 (Surayt),
Jan Bet Sawoce , Jun-16-2015 at 06:33 AM, (3)
- Part 4 (Surayt),
Jan Bet Sawoce , Jun-16-2015 at 06:43 AM, (4)
- Part 5 (Surayt),
Jan Bet Sawoce , Jun-16-2015 at 06:46 AM, (5)
- Part 6 (Surayt),
Jan Bet Sawoce , Jun-16-2015 at 06:55 AM, (6)
- Part 7 (Surayt),
Jan Bet Sawoce , Jun-16-2015 at 06:56 AM, (7)
- Part 8 (Surayt),
Jan Bet Sawoce , Jun-16-2015 at 06:59 AM, (8)
- Part 9 (Surayt),
Jan Bet Sawoce , Jun-16-2015 at 07:01 AM, (9)
- Part 10 (Surayt),
Jan Bet Sawoce , Jun-16-2015 at 07:04 AM, (10)
- Part 11 (Surayt),
Jan Bet Sawoce , Jun-16-2015 at 07:07 AM, (11)
- Part 12 (Surayt),
Jan Bet Sawoce , Jun-16-2015 at 07:09 AM, (12)
- Mamre (Surayt),
Jan Bet Sawoce , Jun-16-2015 at 07:12 AM, (13)
- Mamre ẖaṯe (Surayt),
Jan Bet Sawoce , Aug-27-2015 at 09:19 PM, (14)
|
|