1
šlomo aclux Muqsi!
way b šayno w galki b xere!
hano mën xeryo disa aṯët?
hawi zawno baš, lo baliqat ebi!
ašër šrolo këmmat ...
šamëcno l mede, mawxa aṯino
kubac mšayannux,
be šroloyo aw lo? ẖozina.
amar yabo amar ...
ẖozina, be më ẖawal diḏux!..
mar!
kal košomacno, aḏni sidux,
komaşëḏno ...
šamëcno,
ẖasyo nafëq me qëm ẖaye d ruẖe ...
ma šroloyo muqsi?
ono lo mëtyaqanli!...
lo hreeee!...
hano l ma mërlelux
w mawqaḏle babe d ruẖe?!
hak!...
kise, gawe, cebe,...
malyo me kul mede ...
kallawat, dahwo, semo,..
ma l alo šqile mine!
looo, lo! akjar lo!
2
ban 60’yat, nacimewan
nëflinawo b tëštëcniyo
huwewolan jërẖo ...
nëẖtiwo ar rabe lu axor, li mcarṯo
amţanwolan zqoro d zëqqayra ...
maẖrëwiwo bayta,
saymiwolanyo darmono
nacimewan ...
mëtyaqninawo darmonoyo
šulenawo w ţucenawo
3
b masale d ëšmo ...
këbcina; caqël ëlla qale?
hani “tam-tëmam”
hawilan 50 šne
mjarablan qale dë xlëqla
cito
mtakazto
w Sacido w Xalaf
layko maţina?
ẖappës
alcaziz
w qësţaxana
ma he xi boqo,
kolozam dawşina lë ẖḏoḏe?