Adyawma
7 b iyyar
yawmo d lišono d emo:
Şuraythowe brixo l kulxun!
Ylafu qrayto, kṯawto b lišono d emo!
Hatu ste hwawu kaṯowe!
Ma qay lo!
***
Axxxxxx şurayt!
1
ymoyo kyumenox
kul mede laẖna
alo acmox bdele,
acmox ste gëd mdawëm
haka hat ...
acmayna hawët kayiso
kulan kuwena kayise
2
haka hat ẖarbo
i naqlayo kulan
kuwena ẖarbo
haṯe lë ţucatla
b aḏnox ste
ţrayya marwodo
3
b xaşra, bu meẖo
kṯaw!
suj, sujat cal nošo
abadan lë mẖalqёt!
haka këbcët... mẖalëq
qamayto cal ruẖox
4
yabo sidox
ţrowe cade, krax! krax!
hawxa ẖzay, mën ğalţo këtlox!
abbadan
lё minakfët
lë zaycёt,
lë mёgrošёt
...
qëm arco w šmayo
mëcţarëf b ğalţo d këtlox
w maxlёş!
5
hakka hawxa
koṯe aclox zaẖme
haw foṯox l dawmo
hedi-hedi maẖkayla!
nošo dlë šomёc!
6
l ẖa mede, iḏac!..
cal qёşur aw cal suj
cţiraf!
kmaṯnёẖ!..
bёṯёr kţore w kroẖёq
hedi haw kdocër!
7
e w bёṯёr...
b caynox ste,
lo maclët w lo mërwët
nošo
l ẖa mede, iḏace!..
hën, zëd menox
w hën ste noqёş menox
more d maḏcone