7 iyyar
yawmo d mawlodo
d lišono Şurayt
hawile 5 šne! Brixo howe l kulxu!
Maṯlo komër: Camo b darbo d halxo d këtle l ramẖёl, lu ẖreno,...
d luwele yëlfono, ẖarayto kowe cëtmo!
*** Aẖe w Aẖwoṯo, Adyawma, hawilan 5 šne, d maẖёt hawxa yawmo l emo Şurayt!
mawnaqla ẖa b ẖa, ẖḏo bё ẖḏo, mënayna ...
ẖalwo ẖalal, zalal, naḏifo, šafiro, šafyo, ẖёworo,...
yarëwina buwwe hul adyawma! Kibe nošo d omër: Lo! *** Bdelan, kuwena moro l emo Şurayt! kqurena, kkёṯwina, kyёlfina w kmawlëfina emo ẖabëbto,
l rabo w l nacimo! Bu facebook, bu twetter, ba bloge, bu mayl, b sms, b talafon,... *** Qay hawxa yawmo maẖёt? Gёd maẖkenola... 7 iyyar 1982... Siv Nordell (1926-2015), b Södertälje, mdabroniṯo d mëlfone nëxroye, ẖzela nacime şёroye, lišono d emo, lë kyëlfi. Mšayela, mëdla maḏco, ẖzela mëlfone kmëlfi lišono nošo lo kmёžğele w lo kuḏacle b madrašto. Hëwla foṯa l yaḏoce b lišone d Madënẖo... mëdla maḏco kamilo. Yatiwo, mëftakarla mën klozëm saymo l nacime şёroye, lašan dlë fayši dlo lišono bu mëstaqbël! Mrajacla d saymo proža, bi proža gëd saymo darbo d mëqre b lišono şurayt b madrašto. B tarte šne, kamilo alfaba d Toxu Qorena. Kul nošo kibe qore w koṯёw!
Aṯyo l Södetälje gëd šёrẖo l mëlfone w muḏculle, hano lišono d nacimo d koḏёc’yo... Bdele protastowat... mqabël d Siv Nordell
mqabël d lišono şurayt
mqabël d ẖarf b latini Mtakazto, ẖuyoḏo w ẖuḏre oṯuroye, cito, Bë-Xalaf, Bë-Sacido, qaše, kuhne, šamoše,... Lë kmaqbëli lišono ğer mu lišono dë žğil Mšiẖo buwwe! Kulle b ẖa femo mërre: Ceq şurayt! Hano latyo lišono!
Qrayto latle, kṯawto latle!
Kule cal ẖḏoḏe, 100 xabre, ya këtle w ya latle! Rëqqe acle!
Mşacarre l emo şurayt! *** Mqabël d hani kulle, 7 iyyar 1982 Siv Nordell mërla:
“Lišono şurayt latyo lišono ceq! Hano lišono d emo d kulxu’yo!” W kalyo cal xabra w malaxla lašan d howe şurayt lišono. Ucdo şurayt hawi lišono!
Brixo l kulxu!
| 
