Assyrian Forums
 Home  |  Ads  |  Partners  |  Sponsors  |  Contact  |  FAQs  |  About  
 
   Holocaust  |  History  |  Library  |  People  |  TV-Radio  |  Forums  |  Community  |  Directory
  
   General  |  Activism  |  Arts  |  Education  |  Family  |  Financial  |  Government  |  Health  |  History  |  News  |  Religion  |  Science  |  Sports
   Greetings · Shläma · Bärev Dzez · Säludos · Grüße · Shälom · Χαιρετισμοί · Приветствия · 问候 · Bonjour · 挨拶 · تبریکات  · Selamlar · अभिवादन · Groete · التّحيّات

Xabro “suryoyo”... ema cabër w l mane macbarle l Ţuro?

    Previous Topic Next Topic
Home Forums General Topic #329
Help Print Share

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

Xabro “suryoyo”... ema cabër w l mane macbarle l Ţuro?

Jun-11-2020 at 11:33 AM (UTC+3 Nineveh, Assyria)

Xabro “suryoyo”...
ema cabër w l mane macbarle l Ţuro?

Jan Bet Sawoce

Alert   IP Print   Edit        Reply      Re-Quote Top

  • 1, Jan Bet Sawocemoderator, Jun-11-2020 at 11:34 AM, (1)
  • 2, Jan Bet Sawocemoderator, Jun-11-2020 at 11:35 AM, (2)
  • 3, Jan Bet Sawocemoderator, Jun-11-2020 at 11:36 AM, (3)
  • 4, Jan Bet Sawocemoderator, Jun-11-2020 at 11:37 AM, (4)
  • 5, Jan Bet Sawocemoderator, Jun-11-2020 at 11:37 AM, (5)
  • 6, Jan Bet Sawocemoderator, Jun-11-2020 at 11:39 AM, (6)
  • 7, Jan Bet Sawocemoderator, Jun-11-2020 at 11:40 AM, (7)
  • 8, Jan Bet Sawocemoderator, Jun-11-2020 at 11:41 AM, (8)
  • 9, Jan Bet Sawocemoderator, Jun-11-2020 at 11:42 AM, (9)
 
Forums Topics  Previous Topic Next Topic

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

1. 1

Jun-11-2020 at 11:34 AM (UTC+3 Nineveh, Assyria)

In reply to message #0
 
1

BM (Bёṯёr më Mšiẖo), šato heš meqëm d mёţyo l 100. Më Urhoy, nafiqi Adday w Aggay, tre talmiḏe dë Mšiẖo w mšiẖuṯo, lašan mbašri b Beṯ-Nahrin Clayto.

Hani man wayye? Mën wayye? ... Cëbroye? Yawnoye? Rëmoye? ...
Mën lišono aw lišone uḏciwo? ... Urhoyo? Cëbroyo? Yawnoyo?...

I naqla dë mbašarre b falsafe dë Mšiẖo, acmayye këtwolle mtarjëmone? Aw noše madëlone?

***

Nošo këtle maḏco? ...
B tarix du zabno, b joğrafya du zabno, b lišone du zabno,...
Xlaşu, mawḏёcullan? Këbcina d yulfina mënayxu!

Bë-Xalaf, Bë-Sacido, Mtakazto, cito, qaše, šamoše,... xlaşu yabo!...

Ḫzawu sidayxun mën kit bu xërjo, manfequlle! Këbcina yëlfina!

Hani 45 šne, kuḏcina Bë-Xalaf w Bë-Sacido kulle arkeologinne... Ḫfërre ğalabe b Mёḏyaḏ, manfaqqe kefe, kṯawyoṯo,... kulle ste kṯiwene b ẖarf başmoro!

Hani ğer mënayye ste, nošo lo kibe qurelën w lo kibe fëhamme, haqqa maḏco fayёš sidayye, talyo!

Ma lawi čağ d mëfqile l ẖolo?

Këmmi Bë-Xalaf bu Qroẖo w ban Nësyad ẖzalle ğalabe kṯawyoṯo...

Bë-Sacido ste ẖzalle hawxa ğalabe kṯawyoṯo b Başloye w bi Maṯno...

Maẖkawullan yabo aclayye harke, ẖuzena mën mërre aclayna?

Bu mëstaqbël mën gëd howe mënayna?

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

2. 2

Jun-11-2020 at 11:35 AM (UTC+3 Nineveh, Assyria)

In reply to message #0
 
2

Aggay w Adday, talmiḏe wayye, latwayye šliẖe. Bu aşёl latwayye urhoye, më arco d Falasţin aṯënwo l Urhoy... Bu zabno d aṯёn Urhoy dawle baylëkewa. B riša këtwola i cayle d bë Abgar. Hënne wayye ẖakome, MM w BM, hëwewo mënayye malke.

Meqëm më Adday w Aggay, aṯi mbašrone l Urhoy, bu talyo mbašarre. Urhoyo luḏciwo, i propoganda d saymiwo lašan falsafe dë mšiẖo b yawnoyo w b cëbroyo saymiwola. Bu zabnano, lišono yawnoyo, cayn xu ingilizi d adyawma lišono du diplomasi w lingu-franka’we bayn d came.

Hawi mahwo w šqolo bayn l Abgar Komo w Mšiẖo. Abgar qayёṯwole kewo d garwo ẖёwwe latwole mene. Šamëc mi propoganda d kowe b Urhoy w lë ẖḏora, Mšiẖo kmanëẖ kewe w kayiwe. Abgar czëmle Mšiẖo d oṯe l Urhoy, mena d sotër mu ḏlomo d kit acle w mena ste d manёẖ Abgar mu kewo du garwo.

Koṯe l Urhoy Tuma u šliẖo, hёš a mbašrone b talyo kcëwdi w ksaymi propoganda. Harke Tuma ğalabe lë kkole, kgorëš w këzze l Urmi. Tamo kfoyёš zabno, mëqqa? Maḏco latli!

Ba 2006, i naqla d azzi l Urmi, azzino l cito di Ndaṯ Aloho d camiro b zabno d Tuma u šliẖo. Huwwe hawila sabab, ëlla bëṯёr mene camiro, naqla ẖreto maḏco rakiwo lawili. I cito, b iḏo d Cito d Madёnẖo’yo. Tamo ẖaḏёrno biyya awwël naqla şluṯo d Cito d Madёnẖo aw d nasţёrnayto.

I naqla dë bdele u qašo bi şluṯo, ẖzeli şluṯo d kuḏacnoyo mi cito dak kaldoye b Mёḏyaḏ. Hul li ẖarayto şluṯo, qole, mamro,... cayn xi cito dak kaldoyewa. Bёṯёr dlo carabi, b lišono şurayt madёnẖoyo. Hano b cito d madënẖo asasyo, şluṯo ‘bas’ b şurayt madënẖoyo’yo. Carabi, tërki, farësi,... layt! Kalyo’yo!

Bёṯёr marke, šliẖo Tuma kgorëš këzze lu Hënd w tamo kmënqël maẖ ẖaye. Bёṯёr mene, b ёšme tamo sim cito.

Tuma cëbroyo mёžğalwo, la’an huwwe bu aşёl cëbroyowe, lišone ẖrene, uḏacwo, luḏacwo, maḏco sidi layt ucdo.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

3. 3

Jun-11-2020 at 11:36 AM (UTC+3 Nineveh, Assyria)

In reply to message #0
 
3

Aggay w Adday, tre talmiḏe, i naqla d aṯёn lu Ţuro, qamayto ayko kalën, mëqqa kalën, sidi ucdo maḏco layto.

Mšiẖa Zxa, bu kṯowo d “Maktab-zabno d Ḫadyab” (The Chronical of Arbil) këmbaẖёs, u kṯowo cal d hawi bayn yaḏoce nëqošo acle, mede d ëmarno mene, ucdo latli. La’an nafëq šëkoko buwwe.

***

Amma mede kayiso d kuḏcina mu tarix, bëṯёr mu nfolo d Nënwe w Bobël, hawi fërfoso rabo bu madёnẖo. Hawi baylëkat... “Ḫaḏyab”, bu latini “Adiabene”, Arbil w lë ẖḏora ẖḏo mënayye këwyo.

Bu Ţuro ste cayni mede hawi. Harke këtwo came, lišone, folklore, cadat w şuğḏe-şalme bu dino. An noše, këtwolle şawmo, şluṯo, zmoro, ẖage, šahre w liyomo b yawmo moronoyo d këtwolle më meqëm.

1 Nisën, hawxa yawmowe...

Këtwo şawmo 50 yawme bu rabëc. Bu zabnano, u ẖaywan bi arco, zabno dë froxowe luwwe, manţewo farxe w zadwo. Camo d Beṯ-Nahrin, këtwole şawmo, lë ḏaqwo mede mu ẖaywan b feme. Bёṯёr b 50 yawme, af farxe yërwiwo, mëfţëmiwo mu ẖalwo, uxliwo zad, gelo,... hawxa iqoro këtwo lu ẖaywan!

I nafšo, cal d fayšowa raẖёqto mam muklone ẖwartone w başrone, gёšmo sidayye, zu bë zu kewo, lë mëţewole. An noše, nëfqiwo bu rabëc lu ţuro, mnaqanwo gëlone, mena l darmone w mena ste l mëklone.

Ac cadatani, aẖna ste maţinalle, latwayye ẖaṯe bu Ţuro, catiqe wayye.

Hani amţallan acmayna larke, l Awruppa.

Qiyme fayёšše sidayna? Kёṯwilan?

Kkёṯwinalle lašan d fayši l ramẖёl?

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

4. 4

Jun-11-2020 at 11:37 AM (UTC+3 Nineveh, Assyria)

In reply to message #0
 
4

Adday w Aggay, aṯёn lu Ţuro, acmayye bu qurco këtwolle bёšra l falsafe dë Mšiẖo.

“... Toxu hwawu suryoye!”

Maḏco adyawma d këtlan, bu zabnano, lo l nošo mërre w lo l nošo ste mbaẖasse hawxa xabro.

Mamro waẖido d këtwolle, “... toxu hwawu cam Mšiẖo’we!” Acmayye këtwolle, kṯowe, kṯawyoṯo b yawnoyo cal Mšiẖo w cal falsafe d këtwole Mšiẖo. Bu zabnano heš falsafe dë Mšiẖo lë cabërowa l lišono d Urhoy.

Bu Ţuro, l lišone d këtwo bu Ţuro, lašan noše d fëhmi, tërjomowa propoganda d këtwolle. Bu zabnano an noše fëhmiwo, fahëmiwo aclayye ‘tam’ maḏco latlan. Bas mede kayiso dë kmiḏëc, bu Ţuro mšiẖuṯo xayifo lë mbarbëzo.

Sahmo rabo man noše fayiši, şuğḏe-şalme. Hani mën wayye, man wayye, kit kṯowe mu zabno du arkeoloji, kul man d obëc kibe korëx aclayye w yolëf.

Bu Ţuro, cal d nafëq antikat, kṯawyoṯo, kefe,... ẖaṯe, kmaẖwe këtwo xabro d şurayt. Hano darëjwe. Cal d këtwe darëj cabër b qëwole w hën kṯawyoṯo.
Hani Robert Rollinger, The Terms “Assyria” and “Syria” Again, Journal of Near Eastern Studies, Vol. 65, No. 4 (October 2006), pp. 283-287, cwëdle w kṯёwle cal ẖḏo mënayye.
Bu zabno d qumayna, bam momo gëd nofëq mëdone ğer ste. Hano latyo mede cajobo! La’an ay yaḏoce dlo kloyo kcёwdi... mu cwodo d kuwalle ste, kmašmëci cëlmo w kobi maḏco b mën laqën w mën ẖzalle.

An noše d këtte rёğgo l hawxa, kkurxi... bu kroxo ste b mede d laqën, kquralle. Hawxa kyëlfi, mën nafëq w mën lë nafëq l ẖolo.

***

I naqla šato BM d maţyo l ẖarayto d 100 w qalibo, sahmo bu Ţuro mšiẖoyowe. Heš cito, dayro,.. bnoyo lawi. Hani bёṯёr aṯёn.

Bu zabnano, hën b talyo w hën ste ba cmarat d këtwolle d şuğḏe-şalme mšabẖiwo l falsafe d këtwole Mšiẖo.

Kuḏcina ğalabe kayiso ste, bёṯёr i naqla camo d Ţuro maqbele Mšiẖo, mšiẖuṯo maqlable ab bënyone d këtwolle d yawme d şuğḏe-şalme. Mor Gabriyel, Dayro d Zacfaran,... hën mënayyene.

I naqla d hawina mšiẖoye, ğalabe cadat catiqe, malaxxe acmayna. Hani sahmo mënayye, an noše d aṯёn mu Ţuro kuḏcënne.

Hën mac cadatani, cito mëncila ste, camo lë ţralle!

Maṯlo l hawxa, siyomo d ẖarše, b mëštuṯo qëm ẖaṯno w kalo nuro bë ftilo...

Aṯina l Awruppa, nošo mënayna b Awruppa dlë kёṯawwe, gëd mëţcoyi!

Hano folklor d camo’yo, kul camo ste këtle hawxa folklor!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

5. 5

Jun-11-2020 at 11:37 AM (UTC+3 Nineveh, Assyria)

In reply to message #0
 
5

Maṯlo komër: Noše b caqël kyëtwi w kcëwdi, noše ẖrene ste qime, mede lë ksaymi, këmqašmëri w këmşacri!

Aẖna b Awruppa, cayn b hawxa ẖalena!...

***

Falsafe dë Mšiẖo, hedi-hedi bdela kcëbro b madrašyoṯo cloye b Beṯ-Nahrin. Mede ţabici... gëd mëdrošo, gëd minaqšo, gëd mitazido... hawxa gëd cëbro ba kṯowe.

Abgar Komo, šato 37 BM, i naqla dë clëmle aṯro d Osrohone, aṯro maqbele Mšiẖo w falsafe d këtle... Osrohone hawyo i dawle qamayto d maqbela mšiẖuṯo.

Harke, falsafe dë Mšiẖo kcëbro l madrašyoṯo cloye, kowe acla cwodo. Yaḏoce bdalle kqorën w kmaqrën acla.

Hawxa cam u zabno qayëm yaḏoce, mtarjëmone, šaroẖe w daroše l falsafe dë Mšiẖo.
Cito d Urhoy, hawxa, cal u asasano banyo. Zabno yarixo ste ëšma Cito d Urhoy hawyo. Marke, nqilo mšiẖuṯo bi kṯawto.

Ay yaḏoce qamoye, manwayye? Kit aclayye kṯowe.

Han naqla harke ... kit šёwolo, qay bёṯёr ëšmo d Urhoy hedi-hedi kmëtle, Antakya kmaydo dukṯe? W cito kowe ëšma bu ziyudo Cito d Antakya w lo d Urhoy?

Heš xabro ‘suryoyo’ ẖatta b Urhoy, latyo darëj cal cito w cal mede ẖreno d këtle calaqa b falsafe dë Mšiẖo ... la’an cwodo, acme nëqošo heš këmdawëm.

Heš b ẖolo Bardayşan layt!

Arios, Teodoros, Diyodoros, Afrëm Suryoyo, Nasţur,... layt!

Heš imparaţoriye d Roma, lawyo mšiẖayto.

Qaţlo, ayko dë kmiẖayşёl ẖa mšiẖoyo, kmëqţёl.

Cadat camo d këtle më meqëm, zmoro, ẖago, šahro, mëštuṯo, şawmo, şğoḏo,... këmdawmi.

Bu Ţuro ste cayni mede kowe.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

6. 6

Jun-11-2020 at 11:39 AM (UTC+3 Nineveh, Assyria)

In reply to message #0
 
6

Ay yaḏoce d kit b tarix dë mšiẖuṯo cal şёroye b Madёnẖo, BM kkolën w kobi ёšmo d Bardayşan xëd babo l lišono d Urhoy. Huwwe hawi sabab, lišono d Urhoy d howe lišono w malëx b cëlmo bi kṯawto w bu femo...

Yaḏoco iḏico H. Griffith Sidney komër: “The earliest Syriac writer whose name and work we actually know is Bar Daysan (154-222)...” (1)

Bardayşan, zabno yarixo, xëd faylasof maqrele bi univarsita b Urhoy. Kṯёwle kṯowe, mimre w yëlfone. Dlo mene, cajaba lišono urhoyo, gëd hëwewo lišono urhoyo d kuḏcina?

Bëṯёr, Bardayşan ẖa maf faylasuf qamoye BM d hëwle dëkṯo l ëšmo d ‘suryoyo’ bë kṯawto, huwwe hawi. Hano hëwle b macna d camo, ëmṯo w atno,.. w xlëqle cal hawxa asas ste kṯawto.

Bardayşan, aṯi l cëlmo b Urhoy, më emo w babo, heš huwwe meqëm d oṯhe l cëlmo, aṯoye më Ḫaḏyab, yacni më Arbil l Urhoy. Harke fayiši hul dë nqili më ẖaye.

Bardayşan mën sëmle l lišono suryoyo b Urhoy? l Cito d Urhoy? Kit maḏco b ğalabe kṯowe cal hawxa. An noše d këbci yulfi w uḏci, bas kibën d cubri b google. Gëd nofëq qumayxun kṯowe b lišono almanayt, faransayt, ingilizayt, latinayt, yawnayt,...

Qrawunne, ẖzawu faylasof Bardayşan mën xdomo w tacbo hawile b ẖaqlo d yëlfono, lišono, tarix, mosiqa, falsafe,.... W aẖna latlan xabro!

Hawxa yaḏoce, bёṯёr mene ste qayëm, aclayye naqla ẖreto sidayna maḏco, adyawma ğalabe nëquşo!

Aẖnone, Aẖwoṯo,

Ylafu! Samye w lalin lë fayšitu!


1- H. Griffith Sidney, Christianity in Edessa and the Syriac-Speaking World, 2018.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

7. 7

Jun-11-2020 at 11:40 AM (UTC+3 Nineveh, Assyria)

In reply to message #0
 
7

Aẖnone, Aẖwoṯo,

Harke, kmaẖtitu kulxu bolo, dlo kloyo kkёṯawno. Nošo mënayxun, këtle ẖiyërto, kritik, tëzido,... latyo caybo, harke hawulle.

Ëno ste, cayn xëdwoṯayxun kqureno kṯowe mšakle, kyulafno w bёṯёr kfëlağnole harke acmayxun.

Bam momo noše b lebe kit d koṯёw, më sidi mamro: Kṯawu!

***

Mede d maţino, haka ğalţono, kṯawu!...

Cito b Ţurcabdin, b falge dan 1300, hul dë fliğo w sëmlala b šato 1364 faţёryarxo qamoyo (iğnaţiyos Sobo, 1364-1389, Şalёẖ) l ruẖa, heš xabro ‘suryoyo’ latyo cabiro b Ţurcabdin.

Bu zabnano, kit ğalabe citawoṯo, dayre banye, kulle aclayye ёšmo d qadišo aw d qadёšto kṯiwoyo.

Haka qadišo, be maykoyo bu aşёl, kṯiwo kowe cal cito. Maṯlo, haka më Mawşal w lë ẖḏora’yo, kṯiw “... oṯuroyo” acle. Haka mu Ḫabaš’yo kṯiw “... ẖabašoyo” acle.

Cito b Ţurcabdin, sëmlala faţёryarxe l ruẖa, hani kulle rize w mşanfene bë kṯowo d Tarix d Ţurcabdin, kṯёwle Afrëm Barşom, faţёryarxo, heš huwwe dayroyo b Dayro d Zacfaran. Hano kit b urhoyo, b carabi, b tërki w bu ingilizi.

Cito b Ţurcabdin, zabno yarixo, cal cito, b cito xabro ‘suryoyo’ lë kmëstacmëlo. Sida b kul dukṯo d kit kṯowe, kṯiwi b Urhoy aw b ğer walaye rabṯo, kit bënne xabro ‘suryoyo’.

Hano qay bu Ţuro lë naẖёt bayn d camo, kobëc mëbcët acle!

Hul aẖna d aṯina l Awruppa ste b falgo d 70’yat, hul ẖa d lëzzewo l cito, më femo d kohno aw šamošo šamёc xabro ‘suryoyo’ noše hano lë mëstacmele.

Baq qëryawoṯo, nošo b feme stëcmal l xabro ‘suryoyo’ latwole. B dukṯe şuroyo, şurayt camo mëstacmalwo.

Hano, dlo caksiye w dlo mqarrasiye, klozëm mi naqëš w mëbcët acle.

Dlo hawxa saymina, sabab d kit aw d hawi, mënyo, aydarbo kiban yulfinale?

Haka këtxu darbo ẖreno, marulle!
Bёṯёr ğalabe mak kuhne, kit kṯowe kṯiwe cal hawxa, këmmi: Xabro ‘suryoyo’ b macna yacni mšiẖoyo’yo.

Hal hano, bu asas šroloyo aw lo?

Këtxu ray, fëkër, maḏco, ylofo,... kṯawu!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

8. 8

Jun-11-2020 at 11:41 AM (UTC+3 Nineveh, Assyria)

In reply to message #0
 
8

Cito sëryayto ortodoks aw yacqubayto, heš meqëm bëšoro d katolik b Madënẖo d bode b ğalabe, fliğo. Hawi tarte citawoṯo šarye w hani raẖiqi më ẖḏoḏe.

Bayn tarte citawoṯo calaqa b manṯo lë fayёš.

Cito d fayёš Dayro d Zacfaran b iḏa, rasmi lišono carabi këtla. Kcëwdo rasmi cam i dawle oşmanliye mqabël d cito b Ţurcabdin. Kmaciqo b kul dukṯo briṯo acla.

B ğalabe dëkoṯo hadome w cito d kit cam cito b Ţurcabdin, kqulbi kowën ţaye. Afğanistan l hawxa maṯlo iḏicoyo. Zabno yarixo, b sababe heš dlë kuḏcina aclayye kayiso, cito, haw kqudro mšayco kuhno l cito d këtyo maşёrto biyya b Afğanistan...

Zabno yarixo, hadome w mhayëmne, kfayši dlo kuhne. Cmoḏo, bëroxo, lëwoyo, qandelo, madrašto,... layt nošo d soyëm!...

A mẖalmoye, maṯlo da tre. Aṯi kafno, şahwo, maciquṯo b zabno d şawmo rabo aclayye... Këbci rëxşa mu faţёryarxo yatiwo b Dayro Zacfaran, lašan d uxli ‘ţawaš’, faţёryarxo ruxşa lë kobe.

Naqla tarte këzzën l rağle, jawab lënne hawi ‘Lo! Gëd şaymitu!’ Hënne ste qalibi hawën ţaye.

***

Cito b Ţurcabdin, këtla lišono rasmi kurmanji. Bi cito şluṯo b kurmanji kmisomo. An noše bu Ţuro, kulle ğer mu kurmanji lišono lë kmёžğoli.

Hano aydarbo hawxa hawi? Maḏco sidayna naqla ẖreto, adyawma layt!

B Ţurcabdin Caziz Bar-Sobṯo kowe faţëryarxo l cito, kqoyëm b ẖёrmo w “... rsim faţëryarxo b šato d 1467. (…) Ban 1482 manfaqwayle amro ‘bu bayto kul man dlo mëjğël b şurayt’ gëd qoṯle ẖërmo citonoyo. Nqil maẖ ẖaye ban 1482...” (1) Armalţo kobe u nqolo b šato 1488 b Ḫasno. (2)

Adyawma bu Ţuro, kit ğalabe caylat ёšmayye heš b kurmanjine. Hani adyawma b Awruppa ste kfayši b cayni ёšmo.

Bёṯёr, cël më Mëḏyaḏ, aq qëryawoṯo, kulle kurmanji mëžğëliwo. Ucdo ste cayni këmdawmi. Hani Karboran, Carbaye, Yardo, Karjos,... Am more d këtte heš kmёžğoli b kurmanji.

Hani aydarbo šurẖinalle? Mën taṯir ţralle cal xabro ‘suryoyo’ dlë cobër?

Këtxu maḏco, dlo nëkfuṯo kṯawulle!...


Nëbce

1- Bar-Dawud, Xalaf & Šarbel, Ciwardo, më aṯmël l adyawma, mën hawi? Damografi, Dabara, Sayfo w Goluṯo, Västerås: Beṯ-Froso Ciwardo 2013, f. 25; “… w kaḏ ba šnaṯ 1482 b zabne d faţëryarxo Caziz sgiwo mamlo kurdoyo w araboyo w qarib meṯblac suryoyo <şurayt>, aẖrem l kul man da mmalel b bayte sţar men suryoyo. W meţul d eṯmẖel(u) waw wa ţcawuy. Melṯo dlo yoḏcin waw lo(h) b suryoyo soymin waw lo(h) b kurdoyo aw araboyo.” An noše d këbci zëd maḏco ẖuru b Dolabani, Yuẖanën, Faţëryarxe d Anţiyuxya, Urëšlem, 1929, f. 193.

2- Zëd maḏco ẖuru b Den assyro-kaldeiska aktionen 3, f. 93.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 414
Member Feedback

9. 9

Jun-11-2020 at 11:42 AM (UTC+3 Nineveh, Assyria)

In reply to message #0
 
9

Aẖe w Aẖwoṯo,

Kmaẖtitu bolo, harke kkёṯawno mëdone d hawi aclayna bu tarix... Kulle, ẖa b ẖa, mena aclayye maḏco layt w mena ste, bacoţo dë kcowëd aclayye layt!

Qay këtlan hawxa nëqşaniye?

Këtxu maḏco, dlo zëcṯo kṯawulle! Hano d howe ğalţo ste, layt ğamo! Naqla ẖreto kṯawu!

B dukṯo d caqël, hani tam 50 šne, sëmlan barbariye, aẖmaqiye, caksiye, mqarrasiye, bebaviye, cëntiye, bcojo dë ẖḏoḏe,...

Mën mëstafadlan? Kayiso? Ḫarbo? ... Hani man ţёr mёžğёl aclayye?

***

“... Er hatte die Absicht, diese Druckeret zu sich bringen zu lassen, und die Psalmen in kurdischer Sprache zu drucken, welche mehr von den Jakobiten als die syrische und arabische verstanden wird.” (S. 346)

Nëbco: Heinrich Petermann, Reisen im Orient, 1852-1855, Leipzig 1865.

Cayni kṯawto:

“... Han avsåg att ha tryckeriet i sitt hem, och att trycka Psaltaren på kurdiska, som jakobiterna förstår bättre än syriska och arabiska.”

Nëbco: Jakobiter – vilka är de? Del 2, Södertälje: Nsibin 2019, sid 218.

Kmaẖtitu bolo, lišono kurmanji mëqqa camëq w fayiš sidayna?

Hawxa mamro, latyo bas ẖşiro l dëkṯo w tarte, l ğalabe dëkoṯoyo. Hani kit dokumane w kṯowe aclayye.

***

Faţëryarxo b cito d Ţurcabdin, Caziz Bar-Sobṯo , bu kṯowo dë kṯёwli cal lišono şurayt, mcamaḏli b ёšmo d Martin Luther laẖna b Ţurcabdin.

D lowe mene, adyawma, kumarno b Ţurcabdin, aẖna balki kurmanjwan xëd camo! Huwwe, hano faţёryarxo Caziz madcarlelan d fayšina şёroye cam lišono şurayt b Ţurcabdin.

Hano klozëm misamle yawmo, bu yawmano misëm kroze, tërgome,... d yëlfono acle...

Man klozëm samme?

Carabke ma? Bu lap-lap!
Bë-Xalaf w Bë-Sacido? Bi barbariye!
Mtakazto? Bad dugle du Bacaṯ carabi!
Cito? Bu xëpoyo du carabi!

....

Ëlla aẖna, mu lebo d këbcina!

Alert   IP Print   Edit        Reply      Re-Quote Top

Forums Topics  Previous Topic Next Topic


Assyria \ã-'sir-é-ä\ n (1998)   1:  an ancient empire of Ashur   2:  a democratic state in Bet-Nahren, Assyria (northern Iraq, northwestern Iran, southeastern Turkey and eastern Syria.)   3:  a democratic state that fosters the social and political rights to all of its inhabitants irrespective of their religion, race, or gender   4:  a democratic state that believes in the freedom of religion, conscience, language, education and culture in faithfulness to the principles of the United Nations Charter — Atour synonym

Ethnicity, Religion, Language
» Israeli, Jewish, Hebrew
» Assyrian, Christian, Aramaic
» Saudi Arabian, Muslim, Arabic
Assyrian \ã-'sir-é-an\ adj or n (1998)   1:  descendants of the ancient empire of Ashur   2:  the Assyrians, although representing but one single nation as the direct heirs of the ancient Assyrian Empire, are now doctrinally divided, inter sese, into five principle ecclesiastically designated religious sects with their corresponding hierarchies and distinct church governments, namely, Church of the East, Chaldean, Maronite, Syriac Orthodox and Syriac Catholic.  These formal divisions had their origin in the 5th century of the Christian Era.  No one can coherently understand the Assyrians as a whole until he can distinguish that which is religion or church from that which is nation -- a matter which is particularly difficult for the people from the western world to understand; for in the East, by force of circumstances beyond their control, religion has been made, from time immemorial, virtually into a criterion of nationality.   3:  the Assyrians have been referred to as Aramaean, Aramaye, Ashuraya, Ashureen, Ashuri, Ashuroyo, Assyrio-Chaldean, Aturaya, Chaldean, Chaldo, ChaldoAssyrian, ChaldoAssyrio, Jacobite, Kaldany, Kaldu, Kasdu, Malabar, Maronite, Maronaya, Nestorian, Nestornaye, Oromoye, Suraya, Syriac, Syrian, Syriani, Suryoye, Suryoyo and Telkeffee. — Assyrianism verb

Aramaic \ar-é-'máik\ n (1998)   1:  a Semitic language which became the lingua franca of the Middle East during the ancient Assyrian empire.   2:  has been referred to as Neo-Aramaic, Neo-Syriac, Classical Syriac, Syriac, Suryoyo, Swadaya and Turoyo.

Please consider the environment when disposing of this material — read, reuse, recycle. ♻
AIM | Atour: The State of Assyria | Terms of Service