Assyrian Forums
 Home  |  Ads  |  Partners  |  Sponsors  |  Contact  |  FAQs  |  About  
 
   Holocaust  |  History  |  Library  |  People  |  TV-Radio  |  Forums  |  Community  |  Directory
  
   General  |  Activism  |  Arts  |  Education  |  Family  |  Financial  |  Government  |  Health  |  History  |  News  |  Religion  |  Science  |  Sports
   Greetings · Shläma · Bärev Dzez · Säludos · Grüße · Shälom · Χαιρετισμοί · Приветствия · 问候 · Bonjour · 挨拶 · تبریکات  · Selamlar · अभिवादन · Groete · التّحيّات

Lu ray-cam Buyono (Surayt)

    Previous Topic Next Topic
Home Forums Religion Topic #115
Help Print Share

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

Lu ray-cam Buyono (Surayt)

Oct-01-2019 at 03:24 AM (UTC+3 Nineveh, Assyria)

Last edited on Oct-01-2019 at 04:11 AM (UTC 3 Nineveh, Assyria)
 
Lu ray-cam
Buyono

Jan Beṯ-Şawoce

Alert   IP Print   Edit        Reply      Re-Quote Top

  • 1, Jan Bet Sawocemoderator, Oct-01-2019 at 03:25 AM, (1)
  • 2, Jan Bet Sawocemoderator, Oct-01-2019 at 03:25 AM, (2)
  • 3, Jan Bet Sawocemoderator, Oct-01-2019 at 03:26 AM, (3)
  • 4, Jan Bet Sawocemoderator, Oct-01-2019 at 03:30 AM, (4)
  • 5, Jan Bet Sawocemoderator, Oct-01-2019 at 03:30 AM, (5)
  • 6, Jan Bet Sawocemoderator, Oct-01-2019 at 03:32 AM, (6)
  • 7, Jan Bet Sawocemoderator, Oct-01-2019 at 03:39 AM, (7)
  • 8, Jan Bet Sawocemoderator, Oct-01-2019 at 03:40 AM, (8)
  • 9, Jan Bet Sawocemoderator, Oct-01-2019 at 03:42 AM, (9)
  • 10, Jan Bet Sawocemoderator, Oct-01-2019 at 03:42 AM, (10)
 
Forums Topics  Previous Topic Next Topic

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

1. 1

Oct-01-2019 at 03:25 AM (UTC+3 Nineveh, Assyria)

In reply to message #0
 
1

Hawi zawno, harke cël mi adro siyasi d këtlan, hawi, kowe mahwo w šqolo cal ẖadisat siyasi d kowe bi Gozarto w ğer mi Gozarto.

Gaban, aṯmël mën hawi bu tarix? Maḏco cal d layt, yalëfina kguršina u šёwolo aw aš šёwole l xaşra d latla calaqa w hedi këmkasena aclayye w kţucenalle.

Dawle d Kamal, heš lë kuḏcinala...

Haṯe mën droce këtla? Hani aydarbo kmëstacmëlolën, sidayna maḏco b naqla ẖḏo, cal hawxa layt!

Hedi knufaqlan noše l ẖolo, ksaymi ruẖayye droco liyya w këmmi: Latyo hiyya!

***

Bi Gozarto, këtlan camo, hën mene b iḏe këtle tfënge, këmdafëc cal ruẖe. Amma latyo mtakzo, mën kobëc, latyo iḏico?

I dawle d Kamal kẖёšwo w ksaymo propoganda: Yawmo hano d maẖёs, gëd howe laẖna bala!

Meqëm d howe, i dawle d Kamal këmẖaḏro pilan d maẖto b iḏe, qëduro!

Qamayto, ţrela d nëfqi aq qorujiye Joni Masso w ẖawrone d këtle bu ţboco-froso. Yawme kṯёwwe aclayye, harke, mën këmmi cal ak kurmanj! Cal i PKK, YPG w ğer.

Bëṯёr, bu dawro han naqqa aṯёn an noše ẖrene... Suryoyo Sat, Assyria tv, cito,... Pёšše hënne ste ruẖayye w rakidi.

***

I dawle d Kamal, bdela kmarfiyo nuro bu zad bi Gozarto. Maẖёtla bombayat bi Qamëšlo, i ğaye, iḏёcto: Matiho an noše şёroye d fayёš!

Ap pilane d këtla, heš meqëm d mëgloyi, marfela cayni nuro, bu Ţuro ste. Dayro, qriṯo,... mën këtte lašan qut w maẖşul,... hëwwe qëm di nuro.

I nuro gëd qudẖo, haw kkulyo!

Kiban maţfenala?

28 tamëz 2019

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

2. 2

Oct-01-2019 at 03:25 AM (UTC+3 Nineveh, Assyria)

In reply to message #0
 
2

Maṯlo komër: Mu mamro d këmmina, mene nafëq b lišonayna...

Dawle d Kamal, dawle qaţёlto, iḏa mgambële b admo d came, d dine, d lišone, d tarix, d joğrafya,....

Më 1071, hul ucdo, bas admo bëzla!

***

Bu tarix l nošo, mede lëwla w lë kobo!

Haka kobo ucdo l nošo 1 mede, kẖёšwo, mqabël diḏe aydarbo gëd maydo 1000!

Kmaẖtitu bolo lu farq!

***

Zabno yarixo, maqëmla i caskar d Ḫalloke cal Mor Gabriyel, mjarabla kul darbo, lašan d ẖёnqo Mor Gabriyel.

Ḫzela, qayëm briṯo acla!

Mërla: ... de hedi klawu!

Aẖna ţacoyena, kţucena! Ḫšëmto d caşriye, şafro l bolayna lë kuṯyo!

Bu tarix, Macërboye w Madënẖoye, dayëm hawxa hawina!

***

Bi masale d Mor Gabriyel, du Sayfo,...

Kmaẖtitu bolo, dlo zëcṯo, dlo ẖšowo, marfela nuro b kul dukṯo.

Bay yawme, nuro kmëqḏo talilo w našifo!

Dawle, ţfaiye, šutose d ţabica, ţboco-froso,... layt!

Bi ẖarayto, ţfaiye, dlo zëcṯo, kmëfqo Buyono kṯiwo b ёšma w këmmo: Nošene d marfalle i nuro!

I dawle rasmi këmmo: Harke ẖëwwe latxu! Arco gëd macëqinala aclayxu!

***

Ucdo sim cito bë Sţanbul...

I dawle naqla ẖreto maqbela 1 mede, mqabël, han naqqa mën gëd maydo? Kmo gëd maydo?

Nošo koḏёc?

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

3. 3

Oct-01-2019 at 03:26 AM (UTC+3 Nineveh, Assyria)

In reply to message #0
 
3


Niye, dawle d Kamal d këtla, niye ẖarbo’yo... mawxa cito ẖaṯto bë Sţanbul...

Cmara d cito, heš kefo qamayto l asas maẖёtla! Kmëtyaqanno, mi tajrëbe d këtli mu tarix, cito lë kţorën d mëbne w hëwyo cito.

I dawle, ucdo gëd nuţro! An noše ţёr maẖti kalla w šuqli mal w malzame, macwëdi cawode... hul d mëţyo l ẖarayto...

Mëd maţyo, hedi i masale këwyo başit! Kalbe ğalabe w samo ğalabe...

***

Mi naqla Sayfo d nafëq l ẖolo, nafël vëţ-vëţ taẖt i dawle d Kamal. Xayifo malëzla d amţo i faţёryarxuṯo l Mërde, heš aẖna damixe bi šanṯo.

Czëmme Zakka, aṯi acme ẖasyo Ḫanna Brahim... Ḫanna Brahim, ţralle d nofëq lu ţboco-froso. Tamo maclele u ẖëkëm b Suriya lap parriyat di šmayo!

Hedi aḏici u zlam mën malyo?! Lebe cam manyo? W ayko kmalëx?

I naqla dë bdele u ẖarb b Suriya, bi lista du qaţlo, ëšme qamoyowe. Qţil!

Qay qţil? Aẖna ucdo ste maḏco latlan cal hawxa!

***

Sabab du qaţlo, Usëve Karborani’we. Bёṯёr më Zakka, haškara i dawle d Kamal abico d saymole faţёryarxo. Amţela cam wazire l Awruppa.

B Köln šutoso daq qorujiye, bu rišo Joni Masso, macbërënne cam hëlholo d niše li cito. Sim ẖago! Mëklo, štoyo, kef,...

Cam hawxa, pilan di dawle d Kamal l rišo lazze!

Hawi ẖa ğer faţёryarxo, i dawle d Kamal ğalabe cajizo.

Han naqqa jbiro d saymola pilan ẖaṯo!

Cito bë Sţanbul, nuro bu Ţuro!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

4. 4

Oct-01-2019 at 03:30 AM (UTC+3 Nineveh, Assyria)

In reply to message #0
 
4

An noše d kuḏci lišono tërki, mnaqeli kmo mamre d riše d dawle d Kamal lašan d ẖuzetu, hani mën mërre w mën sëmme?

***

“İttihad ve Terakki (İT), Balkan Savaşı’ndaki yenilgiden sonra, yapılan gizli bir toplantısında, Türk olmayan halklarla ilgili önemli kararlar alır. Toplantıda konuşulanlarla ilgili bilgiyi Mevlanzade Rıfat vermektedir. (1) Toplantıya Talat Paşa, Hasan Fehmi, Kara Kemal, Dr. Bahattin Şakir, Enver Paşa ve Dr. Nazım katılmışlardır. Toplantıda Dr. Nazım’ın konuşması şöyle: ... Ben Türklüğü ihya etmek için size arkadaş, yoldaş, kardeş oldum. Ben Türk’ün, yalnız Türk’ün yaşamasını bu toplulukta müstakil bir hakimiyet sahibi olmasını istiyorum.

Türk’ten başka unsurlar mahv olsun, hangi dinde ve mezhepte olursa olsunlar bu diyarı Türk’ten başka bütün unsurlardan temizlemek lazımdır. (...) Tam temizlik, kesin imha yapılmazsa yazık olsun bizlere!” (2)

1- Mevlanzade Rıfat, Türkiye İnkilabının İçyüzü, İstanbul: Pınar Yayınları 1993.
2- Aynı ürün, s. 109-110.

***

Ermeni Soykırımı sonrası, ABD Büyükelçisi olan Henry Morgenthau (1913-1916), Talat Paşa ile yaptığı görüşmede, Talat’ın kendisine, “Abdülhamid’in otuz yılda yapamadığını yaptım. Ermeni meselesini üç ayda hallettim!” (1)

1- Henry Morgenthau, Büyükelçi Morgenthau’nun Öyküsü, İstanbul: Belge Yayınları 2005, s. 251.

***

İsmet İnönü 1925 yılında Türk Ocağı yöneticilerine hitaben yaptığı konuşmada: Millet yegane vasıta-i iltisakımızdır (birleştirici aracımızdır). Diğer anasır (etnisiteler) Türk ekseriyeti karşısında haiz-i tesir değildir. Vazifemiz Türk vatanı içinde bulunanları behemahal Türk yapmaktır. Türklere ve türkçülüğe muhalefet eden unsurları kesip atacağız.

Yine İnönü 31 Ağustos 1930’da verdiği bir demeçte “Bu ülkede sadece Türk ulusu etnik ve ırksal haklar talep etmek hakkına sahiptir. Başka hiç kimsenin böyle bir hakkı yoktur. (1)

1- Ruşen Arslan, Jandarma Genel Komutanlığının Kürt Raporu, Devletin İç Düşmanı Kürtler, İstanbul: İsmail Beşikçi Vakfı 2014, s. 50.

***

Atatürk’ün Adalet Bakanı Mahmut Esat Bozkurt, 19 Eylül 1930 günü Ödemiş’te yaptığı konuşmada, “Türk bu ülkenin yegane efendisi, yegane sahibidir. Türk soyundan olmayanların bu memlekette bir tek hakları vardır: Hizmetçi olma hakkı, köle olma hakkı. Dost düşman hatta dağlar bu hakikati böyle bilsin. (1)

1- Tarık Ziya Ekinci, Millet, Milliyetçilik, Devlet ve Anayasa Sorunları, İstanbul: Cem Yayınevi 2004, s. 48-49.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

5. 5

Oct-01-2019 at 03:30 AM (UTC+3 Nineveh, Assyria)

In reply to message #0
 
5

Dayëm, harke këmarno w këmbaẖasno, cal maḏco bu tarix w hano mëqqa yaqiroyo... I naqla ẖa aw ẖḏo, maḏco cal tarix, maḏco b tarix,... d hёwena ẖëţëm, i naqlayo kul nošo gëd mëštace baẖna...

Bu tarix hawxa hawi dayëm b qarcayna, lë maẖёslan, ucdo ste cal d latlan maḏco, latna maẖise mën kowe cal qarcayna.

***

Aẖna, bi cëmumiye, bu maḏco d cal ruẖayna, kmëẖšёwina ğalabe nëquşe,... han naqqa mqabël d haṯe, bi barbariye, bu tëkimo d qëm ẖḏoḏe, faẖe, kamine, ẖile, dugle, ruqe,... qawye w zërbavna! Aţlahiye ste lë ẖḏoḏe b hawxa mahwo latlan! Dlo kloyo, blalyo w bimomo, kiban makëmina briṯo lë ẖḏoḏe, ẖatta d mëţyo, qawro ste lë ẖḏoḏe, qёşoro b hawxa abadan latlan!

Han naqqa l hawxa:

Kalla klozëm? Qёşoro latlan!
Admo klozëm? Qёşoro latlan!
Hdomo d bayto klozëm? Qёşoro b hawxa ste abbadan latlan!

***

Cayn i masale d këtlan adyawma b cito d kit bë Sţanbul, aṯmël ar rum d Fanar këtwolle.

Bёṯёr mu Sayfo’we... Kamal, bë 2 xabre, fëlğile. Hawxa maḏcёfile w ţrele hënne xwa bë xwa b qarco dë ẖḏoḏe. W axëlle qarco dë ẖḏoḏe zabno yarixo.

I masale, zëd lašan d cëmqo baynayye, xaşra dë msëkla iḏo d Kamal w di dawle, Papa Aftim’we, hani maşёrlelën mcaš w kalla!.. De han naqqa toxu madcerunne!?

Man kibe?

W lo nošo!

Harke kmaẖёtno şёrto d dokumant më lišono bëḏḏat d Papa Aftim... De han naqqa qrawulle w hatu bdawu mëftakeru, be mën cal qarcayna aṯoyo gëd howe...

Ëmmina ţrowe: Cal u xer, brixo!

Aw Lo!

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

6. 6

Oct-01-2019 at 03:32 AM (UTC+3 Nineveh, Assyria)

In reply to message #0
 
Last edited on Oct-01-2019 at 03:55 AM (UTC 3 Nineveh, Assyria)
 

6

Bёṯёr mu Sayfo, i ţroyka d këtwo b riše d Ittiẖad w Taraqqi; Ţalcat, Jamal w Anwar mahzamme. Nafiqi mi dawle. Azzën l Berlin.

Almanya mërlalën “Xayifo, toxu li gamiye dë mẖaḏarlan loxu bë Sţanbul, dlo gëd muqḏi babo d maxlëfone d këtxu!”

Gamiye d taẖt maye, mëdila w mëblila l Berlin.

***

Ad duwal rabe maẖёtte iḏo cal i dawle oşmanliye, gëd fëlğila. Hawi b 1919-20 konferans b Paris. Azze hayyat şëroye, tamo mdacalle b arco!

Sim Qëwolo d Sawr (Severes), i oşmanliye ha gëd mëfloğo, ha gëd mëfloğo: Sabab? Sëmwolle qaţlo rabo, Sayfo cal armënoye, şëroye, rum w ponţus.

***

Kamal më ẖaṯo, maltamle aq qaţole d këtwo... bi xazine di dawle yëşpara l maşraf lë fayëš!

Ruşya, kobo katfo l Kamal!

Samyo, mën këbcët?

Cayne! Cayne!

***

Kamal bdele naqla ẖreto bu qaţlo.

Cal rağlo man fayëš armënoyo, şёroyo, rum, ponţus,.. bdele d tunaffe. Qaţole ğalabe w kquţli dlo kloyo!

Hawxa kalyo Sawr! Tamo mën qarar mid, mën mamro mir,... maẖёtte cal u rafo w ţralle tamo hul l adyawma.

***

Han naqqa sim konferans b Lozan, czimo dawle d Kamal ste, këtla ẖaşo më Ruşya. Kquryo xu zoğo d qore cël mi qalto.

B Lozan, maẖёtla šarţ “Sawr mayelulla mi ẖolo, gëd yëtwina!”

Maqballe!...

Naqla ẖreto azze hayyat mu camayḏan, mdacalle b arco naqla ẖreto.

Kamal lašan d fëlağlan, qrele l faţёryarxo Alyas, mërlele “Mbaţёl mede d kowe b Lozan!”

Mbaţele, maşërlele mcaš!

Harke kubeno i şërto du mcaš xëd këtyo b oşmanli w b ẖarf latini d këtla.

Kamal maqḏele šuğle b faţёryarxo Alyas, 1931, kul mede kamël, Kamal mërlele: Yalla nfaq w naqla ẖreto, larke lë ducrët!

Azze hul lu Hënd. Tamo lë mdayanle mu mede d aṯi cal qarce w mayёṯ!

Adyawma, i dawle cayni pilan këtla, gëd fëlğo i cito, gëd saymo faţёryarxuṯo sida, b riša bam momo gëd maẖto ya Usëve Karborani, ẖasyo dë Sţanbul w ya ste Malke Mëddëhi ẖasyo b Ḫësno d Manşur.


Related Information

The Secret Payment of Patriarch Elias Shaker for Denying the Assyrian Genocide Seyfo
https://www.atour.com/forums/religion/48.html

Attachments

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

7. 7

Oct-01-2019 at 03:39 AM (UTC+3 Nineveh, Assyria)

In reply to message #0
 
7


Šëbqono Majida, lboy kṯawto d mëfhomo, jbërno ëšmo dë mcadalnola, lašan ţaw d mëfhomo. Šbaqli cal hawxa!

***

Myaqro Ḫanna Beṯ-Şawoce,

Nišo d qёţnuṯo tërkayto, maẖto faţёryarxo hayko? Bë Sţanbul, b Adiyaman aw b Ţurcabdin?

Hano l manyo?

Fayёš mënyono camo suryoyo zcuro b Tërkiya?

Manyo d obe u fusqono cal faţёryarxuṯo b Tërkiya? Camo suryoyo aw qёţnuṯo tërkayto?

Arbco ẖasye mcalayo kito b Tërkiya...

Bu rënyayḏox i qëţnuṯo tërkayto, qay këbco ẖasyo Mor Filiksinos aw ẖasyo Mor Ǧriğoriyos Malke?

B şabro lowe mede hawxa!

Majida Pawlus

***

Niye d këtla dawle d Kamal, siyasi’yo...

B Awruppa kit masale d Sayfo, kit masale d Suriya... tamo şёroye gëd nëfaqqe mede aw lo?

Harke, lašan dawle d Kamal, acma d howe nošo mënayna’yo. Cito, noše, xaşatan noše d kit sida. Hani b ẖa femo d qaymi mqabël d Sayfo, mqabël d ẖaq d nofëq laẖna b Suriya.

Hani bala siyasine ela, lë këbcolën ... gëd mharkёšo noše d sida aclayna... Hedi b parlamento b Awruppa d boţёl qarare cal Sayfo. B Suriya ste, haka faţёryarxo mdacele b mede, gëd ëmmile “Lo! Hano latyo faţёryarxo laẖna, këlle sëmlan ẖa, hanoyo laẖna!”

***

Camo d sida, hawxa d qoyëm w ẖodër, ramẖёl gëd maydi šira mena, “... yalla, yalla! Sumunxu faţёryarxo d mёžğёl b ëšmayxu!” Ar rum hawxa sëmwolle b qarcayye b šato 1924.

***

I naqla d mëţyo, cito fliğo, camo d sida kobëc faţёryarxo l ruẖe, kit tre kmaqbëli siyase dawle d Kamal d këtla...

A tre ste, mankërone d Sayfo’ne, bёṯёr ẖaq d nofëq l şёroye ste lë këbci! Këbci bas cito w şluṯo, mede ẖreno lo!

Hani...

Usëve Karborani, ẖasyo bё Sţanbël, zaţan lašan hawxa i dawla amţela cam wazire l Awruppa, l Berlin, l Köln, lë Stokholm,...

Zmërlan, mhalhelan, mşalelan,... qumayye. Rišo daq qorujiye d këtlan Joni Masso, rahёţ b qamuṯayye...

Haka cam Usëve Karborani, lazza lu rišo, kit Malke Mëddëhi, ẖasyo d Ḫësno d Manşur. Hano ftiẖo w haškara sëmle ruẖe b kul mede greco li dawle d Kamal. Aṯmëlwe b riše du halxo, b iḏe ste šambar lziqo.

Amma i dawle kzayco, diblomasi latle, dlo ëzze maẖrëw kul mede...

Bas Usëve Karborani, këtle ёšmo d diblomasi.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

8. 8

Oct-01-2019 at 03:40 AM (UTC+3 Nineveh, Assyria)

In reply to message #0
 
8

I naqla d kowe b ẖolo d nëqošo, nëqošo cal cito, kohne, šamoše,... kuwena kulan mi zëcṯo, lalin! Nošo mënayna, lë kmajre d omër w lo ẖa mede aclayye!..

Qayo?

Hani “bёv’ne! bëv!” Lë kowe!

Nošo mënayna lë kmajre mёžğёl, mšayël w omër mede aclayye?!

***

Bi ẖadisa d Mor Gabriyel, ftiẖ maẖkame, gëd maydi arcoṯo d këtla, heš, i maẖkame d kit, xloşo lë xalişo ha!

I dawle d Kamalko ţёryola l naqla ẖreto... hul kayiso d ţucena mën hawi, hedi naqla ẖreto gëd madcërola...

***

Masale d Mor Gabriyel, qay nafiqo l ẖolo w lbëkina ğalabe biyya? Nošo mënayna, maḏco cal hawxa abadan latle! Hën mënayna mşacarlan, rëqlan, kafërina,... bi
dawle d Kamalko...

Elo, noše d këtwolle bu meẖo, meẖo mërdënoyo, bu gëšmo manṯo ste lë ramëšše.

Qay?

Uḏciwo ğalabe kayiso: Masale d Mor Gabriyel, simo, lašan d boţёl cwodo d Sayfo larwal’yo!

Sëmme labke rabṯo l kulan!

B ẖaşayna, dlë hëwewo diblomasi d Awruppa, këmarno, balki hul ucdo ste maẖkame gëd mdawmowa.

Xaşatan Almanya, maẖwela caršona li dawle d Kamal, bёṯёr tam bu zabnano, manẖatla šёwolo d Sayfo lu parlamento.

Dawle d Kamal, ẖzela i masale hedi-hedi azëlto lë froţo’yo, maklela i maẖkame.

***

Harke laltaẖ, këbenolxun maḏco cal mamro d Kamalko, huwwe b feme d komër cal hayyat şёroye d abici arco naqla ẖreto b Lozan.

Cal hawxa, i dawle d Kamalko, bu zabnano ğalabe naqlat më fema këmmo “Lozan’dan onlar feragat ettiler!” Yacni, aẖna ţrelan mi masale d Lozan, grëšina w labëcina mede l ruẖayna!

La’an faţёryarxo Alyas, bëṯёr mu mcaš d mëdle, ţrele më kul mede.


ERMENİLERE TOPRAK VERİLMEZ

İLERİ — Paşam, bir de Ermenilerin yurt sorunu var. Onlara toprak veril¬mezse, şuraya - buraya grup grup gele¬bilecekler mi?
ATATÜRK — Bunu önleyemeyiz. Bu toprakları sadece Ermeniler istemiyor¬lar. Gildaniler (Kildaniler), Asurlar, daha bilmem kimler bu hevesteler. Eğer hepsine top¬rak vermeye kalksak, bizim elimizde kalmaz. Bizden o kadar çok şey istiyor¬lar ki...
(...)

Nëbco: https://merakediyorumtarih.blogspot.com/2008/02/yakn-tarihimiz-fasikl-2-milliyet-kltr.html

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

9. 9

Oct-01-2019 at 03:42 AM (UTC+3 Nineveh, Assyria)

In reply to message #0
 
9

Maṯlo komër: Aẖna cayn xi hёrčena, b ruẖayna hul dlë ẖuzenale, lë kmëtyaqnina.

B kul Sayfo, hul li şaniye ẖarayto, şёroyo dayëm lawile yaqiniye, gëd howe Sayfo acle! I dawle bu Sayfo, dayëm bu dawro aṯyo aclayye, b kul Sayfo ste cayni pilan w program sëmla, naqla ẖreto dars lo mëdlan w lo yalëfina!

***

Qaţlo b kul Sayfo, qamayto kbode cal armënoye, aẖna kšёmcina, kẖuzena, ẖatta b ğalabe dëkoṯo iḏo b iḏo mcawanlan lašan armënoye d mëqţoli,... uḏcinawo ste bёṯёr më armënoye dawraynayo...

Ëzzanowo sar rabe di ẖkume mšaylinawo: Aẖna?! ...
Maydinawo jawab: Hatu, aclayxu mede layt! Lë zaycitu!

Mëtyaqninawo.

I naqla d bëdewo aclayna ste qaţlo, ëmminawo: Ma lo mërxu aclayxu mede layt!

Madcëriwo aq qaţole: Başlo başloyo, ha ẖёworo w ha sëmoqo, farq layt!

Qţëlle hedi aẖna ste!

***

Ucdo b šёwolo d cito, naqla ẖreto cayni ţaşe w cayni ẖёmmam kmisëm!...

Ar rabe di dawle, kulle kẖuḏri, haškara iḏico pilanyo aclayna, naqla ẖreto, an nošayḏan xu maṯlo di hёrče lalcël, b ruẖayye heš cal dlë ẖzalle, lë kmëtyaqni.

Zlam di dawle Mehmet Čelik, arco w šmayo kuḏcole zlam du MİT, knofëq b Güneş Gaztesi, kobe šabašat l Ardoğan, w komër: Hano awwël naqla kowe hawxa cmara d cito b cëlmo d ţayuṯo! Awwël naqla!

Kmaẖtitu bolo li dëglo! Aẖna ste kmëtyaqnina, cal d latlan maḏco b tarix d ruẖayna.

***

Aẖnone, Aẖwoṯo,

Lë quncitu!

Bas quncitu l mamre hawxa b danwo!

Hani, mede d këmmi, taẖte d lowe ẖile, abadan lë ksaymile!

***

Mqabël d hawxa, kit:

Sayfo, hano mbaţelulle
Masale d Suriya, ẖaq l arco, lë ţёlbitu
Floğo d cito, faţёryarxo zlam di dawle d Suriya’yo, lë kobëc d nohër aclayna
Qale dë mqatlina cam u Vatikan w haṯe d cëmqo baynoṯayna
Rafso ẖarayto, l şёroye d fayёš.

Alert   IP Print   Edit        Reply      Re-Quote Top

Jan Bet Sawocemoderator

 
Send email to Jan Bet SawoceSend private message to Jan Bet SawoceView profile of Jan Bet SawoceAdd Jan Bet Sawoce to your contact list
 
Member: Sep-14-2011
Posts: 375
Member Feedback

10. 10

Oct-01-2019 at 03:42 AM (UTC+3 Nineveh, Assyria)

In reply to message #0
 
10

Maṯlo komër: Man mënayna, kmajre mosëk qarco d ţawro, maq qarne?

Kit nošo?

Xalaf, Sacido, Čalma, Rhawi, Šaxxowat, mёḏyoye, mërdënoye, omidoye, hazxoye, karboraniye, cërnësoye, qësnoye, nёẖloye, karjosiye, yardoye, cwarnoye, ẖasnoye, čukiye, gozartoye, ţurcabdinoye,.... cito, kohne, mtakazto, ẖuyoḏe, ẖuḏre, gabe, qaẖwat,...

Zabno yarixo, cal ẖḏoḏe, b gawruṯo mzaraţlan, rëqlan, mşacarlan, hrëšlan, ğbënina,... magrašlan ruẖayna më emo, më ẖoṯo, më aṯto,... maaaafëẖlan lebayna!
E w bёṯёr mën hawi?

Bi ẖarayto, cito, kuhne b riša, hawën mafya! Nafiqi grece da grece l muxabarat d Suriya w Tërkiya!

Mtakazto, riše w hadome acma, nafiqi benamus bacṯiye carab! Hedi bdalle bu zmoro b carabi “Ya cayni w ya roẖi! Tacan ẖabibi!...”

***

B zabno maz zabne, këtwolan Mahdi Gabriyel Afram, acme šamoše Alyas Šahin, Xori Gabriyel Bar-qašo, Arsan Arsan, Gaboro, Caziz Poli, Murad Poli, Šamcun Sacid, Ablaẖad Laẖdo, Caziz Ḫawšo, Šamcën Bar-Mano, Basim Aẖo, Bë-Jërjo, Bë-Şaliba, Bë-Këno’wat, Bë-Rhawiyat,... kulle qaroye zor w mzarţone rabe! Hani ucdo aykone talye?

Mahdi Gabriyel Afram blalyo w bimomo, ba šqoqe d Södertälje w Stokholm...

Mhawarwo: Aẖna li manfaca du camayḏan, gëd cëwdina cam u šiḏo ste!

Mëqqa cwëdde cam ẖḏoḏe? Layko maţёn bu cwodo?

Bu fiytoẖo, cam sayfo w tërso layko maţёn lašan i ëmṯo?

B urhoyo, b Olaf-beṯ, kmo Afrëmin maqëmme l ramẖёl?

Nošo koḏёc?
Nošo kṯёwle?
Nošo mqayadle ẖёs?

Alert   IP Print   Edit        Reply      Re-Quote Top

Forums Topics  Previous Topic Next Topic


Assyria \ã-'sir-é-ä\ n (1998)   1:  an ancient empire of Ashur   2:  a democratic state in Bet-Nahren, Assyria (northern Iraq, northwestern Iran, southeastern Turkey and eastern Syria.)   3:  a democratic state that fosters the social and political rights to all of its inhabitants irrespective of their religion, race, or gender   4:  a democratic state that believes in the freedom of religion, conscience, language, education and culture in faithfulness to the principles of the United Nations Charter — Atour synonym

Ethnicity, Religion, Language
» Israeli, Jewish, Hebrew
» Assyrian, Christian, Aramaic
» Saudi Arabian, Muslim, Arabic
Assyrian \ã-'sir-é-an\ adj or n (1998)   1:  descendants of the ancient empire of Ashur   2:  the Assyrians, although representing but one single nation as the direct heirs of the ancient Assyrian Empire, are now doctrinally divided, inter sese, into five principle ecclesiastically designated religious sects with their corresponding hierarchies and distinct church governments, namely, Church of the East, Chaldean, Maronite, Syriac Orthodox and Syriac Catholic.  These formal divisions had their origin in the 5th century of the Christian Era.  No one can coherently understand the Assyrians as a whole until he can distinguish that which is religion or church from that which is nation -- a matter which is particularly difficult for the people from the western world to understand; for in the East, by force of circumstances beyond their control, religion has been made, from time immemorial, virtually into a criterion of nationality.   3:  the Assyrians have been referred to as Aramaean, Aramaye, Ashuraya, Ashureen, Ashuri, Ashuroyo, Assyrio-Chaldean, Aturaya, Chaldean, Chaldo, ChaldoAssyrian, ChaldoAssyrio, Jacobite, Kaldany, Kaldu, Kasdu, Malabar, Maronite, Maronaya, Nestorian, Nestornaye, Oromoye, Suraya, Syriac, Syrian, Syriani, Suryoye, Suryoyo and Telkeffee. — Assyrianism verb

Aramaic \ar-é-'máik\ n (1998)   1:  a Semitic language which became the lingua franca of the Middle East during the ancient Assyrian empire.   2:  has been referred to as Neo-Aramaic, Neo-Syriac, Classical Syriac, Syriac, Suryoyo, Swadaya and Turoyo.

Please consider the environment when disposing of this material — read, reuse, recycle. ♻
AIM | Atour: The State of Assyria | Terms of Service